15
1 U le nau hna, thawngòha nan sinah ka chimning khan nan rak cohlan i cu ah cun nan dir ti kha theihter òhan kan duh hna;
2 nan i tlaih peng i nan zumhnak cu pakpalawng a si lo ahcun cu thawng cun khamh nan si lai.
3 Cu bia cu keimah nih ka hmuhmi nan sinah a biapi bik in kan chimhmi hna kha a si. Cathiang chimning in Khrih cu kan sualnak caah a thi;
4 vui a si i Cathiang ning in ni thumnak ah thawhter a si.
5 Sifas sinah a lang, cu hnuah hleihnih hna sinah a lang.
6 Cun caan khat ah Khrihfa zanga renglo hna sinah a lang, cu hna lak i a tam deuh hna cu an nung ko rih, a cheu hna tu cu an thi cang.
7 Cun Jeim sinah a lang, cun lamkaltu vialte hna sinah a lang fawn.
8 A hnu bik ah, thla tling loin hrinmi keimah sin zongah a lang ve.
9 Zeitintiah kei cu lamkaltu hna lakah a tenau bikmi ka si, Khrihfabu ka rak hrem hna caah lamkaltu ti tlak hmanh ka si lo.
10 Sihmanhsehlaw Pathian vel thawngin kei cu keimah ka sining hi ka si, ka cungah a vel cu pakpalawng a si lo. Aho nakhmanh in fak deuh in ka òuan lehlam; asinain keimah si loin ka sinah a ummi Pathian vel thawng tu in a si.
11 Cu a si caah keimah ka si zongah, anmah an si zongah, kha ti khan kan chim i cucu nannih nih nan zumh.
12 Khrih cu thihnak in thawhtermi ah chim a si ahcun zeitindah nannih a cheu hna nih thihnak in thawhòhannak a um lo nan ti khawh?
13 Thihnak in thawhòhannak a um lo ahcun Khrih cu thihnak in thawhter a si hnga lo;
14 Khrih cu thihnak in thawhter a si lo ahcun kan chimmi cu pakpalawng a si hnga i nan zumhnak zong pakpalawng a si hnga.
15 Pathian kong cu a ping chim hmang in hmuh kan si, zeitintiah Pathian kong kan chimmi cu Khrih kha thihnak in a thawhter ti a si. Mithi a tho òhan lo ti a hman ahcun amah cu a thawhter lo ti a si òung hnga.
16 Zeitintiah mithi cu thawhter a si lo ahcun Khrih zong cu thawhter lo a si hnga.
17 Khrih thawhter lo a si ahcun nan zumhnak cu santlailo a si hnga i nan sualnak chungah nan um ko rih hnga.
18 Cuticun Khrih ah a thimi zong an loral ko hnga.
19 Zeitintiah Khrih ah kan i ruahchanmi cu hi nunnak ca lawng a si ahcun mi vialte lakah zaangfah awktlak bik kan si hnga.
20 Sihmanhsehlaw Khrih cu a thi cangmi hna thihnak in thawhtermi lakin tlaiter a si taktak ko.
21 Zeicahtiah mi pakhat in thihnak a tlun bantukin mi pakhat thawngin thihnak in thawhòhannak zong a tlung.
22 Zeitintiah Adam ah an dihlakin an thih bantukin Khrih thawngin an dihlakin nunter an si lai.
23 Sihmanhsehlaw anmah le an caan cio ah a si lai: Khrih cu a hmasa bik thawhter a si cang, cun a rat òhan tikah Khrih ta a simi hna kha nunter an si lai.
24 Uknak le thilti khawhnak le huham paoh a hrawh dih tikah pennak cu Pa Pathian sinah a chanh lai. Cu hnuah cun donghnak a phan te lai.
25 Zeitintiah a ral vialte a ke tangah a chiah hna hlan paoh cu a pen hrimhrim lai.
26 A hmanung bik ral a hrawh ding cu thihnak a si.
27 “Zeitintiah Pathian nih zeizong vialte amah tangah uk awkin chiah a si,” a ti tikah thil vialte a kut tangah a chiatu pa cu telh lo a si ti cu a fiang ko.
28 A tang i zeizong vialte a chiah tikah amah Fapa hrimhrim zong kha zeizong vialte a tangah a chiatu nih cun a chiah ve lai; Pathian kha zeizong vialte uktu a si nakhnga caah a si.
29 Cuti a si lo ahcun mi nih mithi aiawh in baptisma an in tikah an tuah duhmi cu zeidah a si? Mithi hna cu thawhter an si òung lo ahcun zeicahdah anmah can ah mi nih baptisma an in kun?
30 Zeicahdah kei hi a caan fate òihnung chungah ka um peng?
31 U le nau hna, kan Bawipa Khrih Jesuh ah nan cung i porhlawtnak ka ngeihmi ruangah ni fate ka thi tiah kan chimh hna!
32 Minung biachim in, Efesa ah sahrang he kan i sual ti ning law zeidah a ka òhathnem hnga? Mithi thawhter an si lo ahcun, “Ei ding u sih, zeitintiah thaizing ah kan thi lai.”
33 Hlenmi si hlah u. “Hawikom òha lo nih ziaza òha a hrawh.”
34 Nan lung i fim u law sual ti hlah u. Zeitintiah mi cheu nih Pathian an hngal lo. Nan ningzahter awkah hihi ka chim.
35 Sihmanhsehlaw mi zeimaw pakhat nih, “Mithi cu zeitindah thawhter an si? Zei bantuk pumsa he dah an thawh lai?” an ti.
36 Mihrutpa! Na tuhmi cu a thih lo ahcun a nung lo.
37 Cun na tuhmi cu a si te laimi pumsa a si lo, a ci sawhsawh tu a si, changvut ci asiloah thlaici dang zong a si ko hnga.
38 Sihmanhsehlaw Pathian nih amah thimmi pumsa a pek i thlaici kip kha pumsa dang cio a pek hna.
39 Zeitintiah thisa vialte an i lo lo, zeicahtiah minung caah phun khat, saram caah phun dang, va caah phun dang, nga caah phun dang an um.
40 Van pumsa an um i vawlei pumsa an um; sihmanhsehlaw van sunparnak cu phun khat a si i vawlei sunparnak cu phun dang a si.
41 Ni sunparnak phun khat a um i thlapa sunparnak a dang a um; arfi hna sunparnak zong a dang a um, arfi le arfi hmanh an sunparnak an i dang;
42 A thimi thawhòhannak zong cuticun a si. Tuhmi cu a lo khomi a si, thawhtermi cu a lo kho lomi a si.
43 Zei rel loin tuh a si i sunparnak in thawhter a si. Derthawmnak in tuh a si i òhawnnak in thawhter a si.
44 Taksa pum tuh a si i thlarau pum thawhter a si. Taksa pum a um ahcun Thlarau pum zong a um ve.
45 Cucaah hitihin rak òial a si. “A hmasa bik mipa Adam cu a nungmi ah a cang; a hmanung bik Adam cu nunnak petu thlarau ah a cang.”
46 Sihmanhsehlaw Thlarau thil kha a hmasa a si lo, taksa tu kha a hmasa a si, cu hnu cun Thlarau thil a si.
47 Mi hmasa bik pa cu vawlei i leidip in sermi a si; mipa pahnihnak cu van in a si.
48 Leidip i mipa bantuk khan leidip in mi hna zong cu an si; van i mipa bantuk khan van i mi hna zong cu an si ve.
49 Leidip i mipa muipu kan rak si bantukin kannih zong van mipa mui cu kan pu ve lai.
50 U le nau hna, hihi kan chimh hna; thi le sa nih cun Pathian pennak cu an co kho lo, cu bantuk cun a rawk khomi nih a rawk kho lomi cu a co kho ve lo.
51 Ngai hmanh u! biathup kan chim hna, kan dihlak in kan thi lai lo, sihmanhsehlaw kan dihlak in kan i thleng lai.
52 Hlauhsaphak, mitòhep karah muko hmanung bik an tum tikah kan i thleng lai. Zeitintiah muko tum a si lai i a thimi hna cu a rawk kho lomi ah thawhter an si lai, cun thlen kan si lai.
53 Zeitintiah a kotho in a rawk khomi pumsa cu a rawk kho lomi aa hruk lai i hi a kotho in hi thih hmangmi pumsa nih cun thih hmang lomi kha aa hruk lai.
54 A rawk khomi pumsa nih a rawk kho lomi aa hruk tikah cun thih hmangmi pumsa nih thih hmang lomi aa hruk tikah hitihin rak chimmi kha a tling lai. “Thihnak cu teinak nih a lemh cang.”
55 “Maw thihnak, khuazei ah dah na teinak cu a si?
Maw thihnak, khuazei ah dah na mi henhnak cu a si?”
56 Thihnak tur cu sualnak a si, cun sualnak hmual cu phung in a si.
57 Sihmanhsehlaw kan Bawipa Jesuh Khrih thawngin teinak a kan petu Pathian cu thangòhat si ko seh!
58 Cu a si caah ka dawtmi ka u le ka nau hna, fek te le òhial khawh loin dir ko u, Bawipa rian cu òuan camcin ko u law nan òuannak cu a lak a si lai lo ti kha hngal ko u.