14
1 Dawtnak cu nan tumtahmi siter ko u, cun thlarau lei laksawng hna cu lungthin tak tein duh ko u law phungchim kha duh khun u.
2 Holh phun dang in bia a chimmi cu minung sinah chim loin Pathian sin tu ah a chim, sihmanhsehlaw ahohmanh nih an hngalhpiak lo, zeitintiah Thlarau in biathup a chim caah a si.
3 Sihmanhsehlaw, phungchimtu nih cun a phung chimmi cu an òhanchonak le thazang peknak le hnemhnak ah a chim.
4 Cucaah holh phun dang in a chimmi nih cun amah le amah aa dirhòhoh, asinain phung a chimtu nih cun Khrihfabu a dirhòhoh.
5 Nan dihlakin holh phun kip in nan holh ah ka duh, asinain, cu nak hmanh in phung nan chim ka duh deuh. Khrihfabu a dirhòhoh khawh nakhnga caah pakhat nih an lehpiak òung lo ahcun holh phun kip in a holhmi nakin phung a chimmi cu a ngan deuh.
6 U le nau hna, atu ah hin holh phun kip hmang in nan sinah ra ning law, phuanmi, hngalhnak, phungchimmi le cawnpiaknak kan phorh òung hna lo ahcun nan caah zeidah kan òhathnem hna lai?
7 Nunnak ngei lo a awn thiammi, thanglawi le tingtang hna hmanh nih aw fiang an chuah lo ahcun aho nih dah zei an tum ti a hngalh lai?
8 Muko nih sullam ngei lo aw a chuah ahcun ahodah raltuk aa tim lai?
9 Cuticun nannih zong nan si ko; holh phun dang in bia na chim tikah hngalh khawh lo a si ahcun aho nih dah zei na chim a hngalh lai? Thli lak biachim a si ko lai.
10 Vawlei cungah aw-an dangdang tampi a um taktak ko i sullam ngei lomi an um lo;
11 sihmanhsehlaw cu aw-an a sullam ka hngalh lo ahcun biachimtu caah cun ramdangmi ka si lai i biachimtu cu ka caah ramdang mi a si ko lai.
12 Cuticun nannih zong nan si ve ko; Thlarau laksawng kha nan duhmi a si caah Khrihfabu dirhòhohtu dingah cucu a hlei in i zuam u.
13 Cu a si caah holh phun dang in a holhmi nih cun a leh khawhnak a ngeih nakhnga caah thla a cam awk a si.
14 Zeitintiah holh phun dang in thla ka cam tikah ka thlarau nih a cam nain ka lungthin cu a cawlcang lo.
15 Zeitindah ka tuah kun hnga? Thlarau cun thla cu ka cam lai i ka lungthin zongin ka cam lai; thlarau in hla ka sak lai i ka lungthin zongin ka sak lai.
16 Cuti a si lo ahcun thlarau in thluachuahnak na chim tikah lenglei mi dirhmun in a dirmi nih zei na chim kha a hngalh lo caah lunglawmhnak in thla na cammi cu zeitindah “Amen,” a ti khawh lai?
17 Na lunglawmhnak thlacammi cu a òha ngai ko hnga nain midang kha cu a dirhòhoh hna lo.
18 Nanmah nakin holh phun kip in ka holh deuh caah Pathian ka thangòhat;
19 a si ko nain biakinn chungah cun holh phun dang in kaa thong hra chimnak cun midang cawnpiaknak ah ka lungthin in kaa nga ka chim deuh hnga.
20 U le nau hna, nan ruahning ah ngakchia si hlah u; òhat lonak ah cun bawhte si ko u law nan ruahnak ah nutling patling si ko u.
21 Phung chungah,
“Holh theihtlei in a holhmi hna le
ramdangmi hna hmurka hmang in,
hi mi hna sinah hin ka chim lai,
cuti bu zong cun an ka ngaihpiak lai lo,
tiah Bawipa nih a rak ti,” ti in òial a rak si,
22 Cucaah cun holh phun kip cu zumtu caah cun hmelchunhnak a si lo, a zum lomi hna ca tu ah a si, phungchimnak tu cu a zum lomi hna caah a si lo i zumtu hna ca tu ah a si.
23 Cu a si caah Khrihfabu ning piin nan i pumh tikah nan dihlak in holh phun kip in nan holh dih ahcun lenglei mi, asiloah, a zum lomi an ra luh ahcun mi molh an in ti hna lai lo maw?
24 Sihmanhsehlaw nan dihlak in phung nan chim lioah a zum lomi, asiloah lenglei mi a ra luh ahcun a sual nan hngalhter lai i sualphawt a si nan hngalhter lai;
25 a lung chung biathli kha a hung langh caah a bawk lai i Pathian a biak lai i nan lakah Pathian a um taktak tiah a phuan lai.
Ningcang Tein Pathian Biak
26 U le nau hna, zei kan ti kun lai dah? Hmunkhat i nan i ton tikah mi kip nih hla, cawn awk, phuannak, holh phun dang asiloah, lehthiamnak an ngeih cio, dirhòhohnak ah zeizong vialte tuah si ko seh.
27 Mi zeimaw nih holh phun kip in a holh ahcun mi pahnih lawng, asiloah, a tam bik ah pathum lawng si hna seh pakhat hnu pakhat in chim hna seh law pakhat nih let seh.
28 Asinain a lettu pakhat hmanh an um lo ahcun biakinn chungah cun dai cio ko hna seh law anmah sin le Pathian sinah chim ko hna seh.
29 Phungchimtu pahnih, asiloah, pathum nih chim hna seh law midang nih an chimmi kha tuaktan ko hna seh.
30 A pawngah a òhumi midang pakhat sinah biaphuan a langh ahcun a hmasa pa kha dai ko seh.
31 Zeitintiah nan dihlak in pakhat hnu pakhat in nan chim khawh, cucu an dihlak in an cawn khawh nakhnga ca le thazang pek nakhnga caah a si;
32 cun phungchim hna thlarau cu phungchimtu nawl tangah a um.
33 Zeitintiah Pathian cu tuaitamnak Pathian a si lo, daihnak Pathian tu a si.
Biakinn paoh ah mithiang mi hna nih an tuah cio bantukin
34 nu cu biakinn chungah dai tein um ko hna seh. Zeitintiah bia chim onh an si lo; phung nih a ti bangin mi bia ngai ding an si.
35 Hngalh an duhmi zeimaw a um ahcun inn ah an vale kha hal ko hna seh. Zeitintiah biakinn chungah nu nih biachim cu ningzak a si.
36 Asiloah, nanmah sinin maw Pathian bia cu aa thawk, asiloah, nanmah lawng maw an phanh hna?
37 Mi zeimaw nih phungchimtu ah aa ruah ahcun, asiloah, thlarau mi ah aa ruah ahcun nan sinah ka òialmi hi Bawipa nawl a si ti a pom lai.
38 Hihi a theihngal lomi cu amah zong theihhngalh a si ve lo.
39 Cucaah u le nau hna, phungchim cu lungtak tein duh u, cun holh phun kip in holh kha thlauh hlah u;
40 asinain, thil vialte kha dawhtlak te le ningcang tein tuah awk a si.