4
1 Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:
2 Bawipa Pathian nih a thiannak chalh in chiat a ser i,
“Nannih cu nan dihlak in
sio in an in hruai hna caan kha
a ra lio.
3 Khua kulhnak vampang
a pemnak awng khan
an in chuahpi hna lai i,
Harmon tlang ah an in hlonh
hna lai,”
4 “Bethel ah ra u law ra sual u;
Gilgal ah ra u law sual chinchin u!
Zing fate in nan raithawinak kha
rak pu u,
Nan cheuhra cheukhat kha
ni thum dan lengmang ah
5 Thilnu cawhmi lawmhnak changreu
kha rak pu hna u;
Mah lungtho tein pekchanhmi
thawhlawm cu pechan u,
tiah zapi kha thanh hna u.
Zeicahtiah nannih Israel mi nih
nan tuah duhmi tham cu,
thil a ningcangte i tuah ceo
kha pei a si ko cu!
Hihi Bawipa bia hrimhrim a si.
6 Nan khua chungah mangòam
a tluntertu le
Nan inn chungah rawl ei awk ngei
loin an tuahtu hna cu keimah ka si;
Sihmanhsehlaw keimah sinah
nan kir duh hlei lo.
Hihi Bawipa bia hrimhrim a si.
7 Rawl òuannak caan tiangah
thla thum a duh rih lioah,
Nan cungah ruah sur loin
a khamtu cu keimah ka si;
Khua pakhat cungah cun ruah cu
ka surter ko lai i
Khua dang pakhat cungah cun
sur loin ka umter ko lai;
Lo pakhat cu ruah nih a surh ko lai i
Sihmanhsehlaw lo dang pakhat cu
a surh lo caah a car ko lai.
8 Cucaah khua pahnih pathum hna cu
khua dang pakhat ah khan
ti din awkah sawn lengmang in
an kal lai nain
an tihal cu a riam kho hlei lai lo.
Hitihin a si nain keimah sinah
nan kir duh hlei lo, tiah
Bawipa hrimhrim nih a ti.
9 A kangh in a kangmi thli le
bangbuar in kan hrem hna;
Nan dum le nan mitsur lo hna cu
ka hrawh hna;
Nan theipi kung hna le nan oliv kung
hna cu khaubok nih an ei dih hna;
Sihmanhsehlaw ka sinah nan kir
hlei lo.
Hihi Bawipa bia hrimhrim a si.
10 Izipt cung i ka tluntermi rai bantuk
kha kan thlahhnawh hna,
Nan tlangval hna le nan rangtum run
hna cu vainam in ka thah hna.
Nan riahhmun hna cu a thut in
ka thutter hna,
Sihmanhsehlaw ka sinah
nan kir hlei lo.
Hihi Bawipa bia hrimhrim a si.
11 Pathian nih Sodom le Gomorrah
a hrawh bantuk khan
nan cungah rawhralnak ka tlunter;
Nannih cu mei alh chungin chuahmi
mei thingthu bantuk nan si,
Sihmanhsehlaw ka sinah
nan kir hlei lo.
Hihi Bawipa bia hrimhrim a si.
12 Cucaah Israel, hihi na cung i
ka tuah ding cu a si:
Cun hihi na cung i ka tuah ding cu
a si caah maw Israel,
na Pathian ton awkah i tim tuah.
13 Khuari le thlitu a sertu,
Vawlei cungah ruah tampi a surtertu,
zinglei khuaceu kha
minmei chah piin a hup i
vawlei cung a sannak hmun i
aa chawkmi cu amah kha a si §
A min cu Bawipa, Ralkapbu Pathian
a si.