3
Israel Cu A Sual Caah Dantat A Si Lai
Nannih Israel mi hna, Bawipa, nih
nan sinah a chimmi bia hi ngai tuah u,
Izipt ram in a chuahpimi
nan phun ningpi in nan sinah
a chimmi bia hi ngai tuah u:
Vawleicung miphun vialte lakah hin
Nanmah lawnglawng hi
kan theihhngalhmi hna nan si,
Cucaah nan òhat lonak vialte
ruangah hin dan kan tat hna lai.
Mi pahnih nih hnatlaknak ngeih
hmasa loin khual an tlawng
òi bal maw?
Chiandeih cu sa sehmi a ngeih lo
ahcun tupi chungah a awn bal maw?
Chiandeih tum no cu sehmi zeihmanh
a ngeih lo ahcun a kua chungah
a ngur bal maw?
Coktarh a um lo ahcun vawlei i
chiahmi rap ah khan va cu
aa foih bal maw?
Rap cu zeihmanh foih loin
a pelh bal maw?
Khua chungah muko cu tum a si tikah
mi cu lau loin an um bal maw?
Khua chungah vanchiatnak a tlun
tikah cucu Bawipa tuahmi
a si lo maw?
Bawipa Pathian nih aa tinhmi kha,
a sal profet hna theihter hmasa loin
zeihmanh a tuah bal lo.
Chiandeih a huk, ahodah ningòi loin
a um kho?
Bawipa Pathian nih bia a chim:
ahodah chim loin a um kho?
Samaria Vanchiatnak Ding
Ashdod khua chung i
siangpahrang inn hna le
Izipt ram chung i siangpahrang
inn hna ah cun va dir law,
“Samaria tlang ah cun
i pum tuah u law,
Khika i tuainak a ummi kha le
a mi hna lakah pakhat le pakhat i
hremnak a ummi kha
va zoh tuah u,” ti hna.
10 An ralhruang chungah zaang-ennak
le firnak in thil tampi a khong
luaimaimi hna nih hin, dinnak kha
zei a si tiah an hngal lo,
tiah Bawipa hrimhrim nih a ti.
 
11 Cucaah Bawipa nih hitihin a ti:
Ral nih ram cu an kulh lai i
nan ralhau hna cu
an bauh dih hna lai,
Cun nan inn òhaòha hna cu
an hrawh dih hna lai.
 
12 Hihi Bawipa bia an si:
Tuukhal nih chiandeih
kaa chungin,
a ke pahnih khat maw, a hna
pelpawi ceo maw, a chuh òhan
khawh tawn bantukin,
Samaria ram chung i ihkhun
dawhdawh le òhutdan
nuamnuam cung i a òhumi
Israel mi hna lak khan
a pelpawite ceo khamh an si lai.
13 Ngai u law Jakob tefa hna kha
theihter hna u.
Mah hihi Bawipa Pathian Ralkapbu
Pathian bia hrimhrim a si.
 
14 Israel mi cu an sualnak ruangah
dan ka tat hna ni ah
Bethel i a ummi biakòheng cu
dan ka tat hrimhrim lai:
Biakòheng ki cu tan an si lai i
vawlei ah an tla lai.
15 Khualum caan ca inn le khuasik caan
ca inn kha ka hrawh veve hna lai;
Vuiho inn kha an rawk lai i inn ngan
pipi kha an cim dih lai,
tiah Bawipa nih a ti.