5
1 Sihmanhsehlaw Ananias timi nih a nupi Safira he an vawlei an zuarh,
2 a nupi zong hnatlak in a zuarhmi man acheu cu a nen i acheu lawng kha lamkaltu hna kehram ah a rak chuahpi.
3 Peter nih, “Ananias, zeiahhen Satan nih Thiang Thlarau sin lihchim awk le na vawlei zuarh man acheu lep dingin na lung chungah a chiah.
4 Na zuar hlan paoh kha na ta a si ko lo maw? Na zuarh hnu zongah a man cu nangmah nawl a si ko lo maw? Zeicahdah hi bantuk lung hi na ken? Minung hlen na si lo i Pathian hlen na si deuh,” a ti.
5 Ananias nih cu bia a theih cun a tlu i a thi. A theimi paoh nih cun an òih tuk hringhran.
6 Tlangval rual an hung chuak i a ruak an zual hnuah lengah an chuahpi i an va vui.
7 Suimilam pathum caan hnu hrawngah khin a nupi cu thil umtuning zeihmanh hngal loin a rung lut ve.
8 Peter nih a thawh i, “Mah vial lawngah hin maw nan vawlei cu nan zuarh? rak ka chim tuah,” a ti. Anih zong nih, “Asi, mah vial hi a si ko,” a ti.
9 Peter nih, “Zeitindah Bawipa Thlarau hneksak awkin nan lung aa khah? Zohhmanh, na va a vuimi hna ke khi innka hramah an um ko. Nang zong an in kalpi ve lai,” a ti.
10 A ke hramah cun a tlu colh i a thi. Tlangval hna an rung luh tikah a thih kha an hmuh. An chuahpi ve i a va pawngah cun an va vui.
11 Khrihfabu ningpi le cu thil a theimi hna paoh cu an tuk a sum.
12 Cun lamkaltu hna nih cun mi cungah hmelchunhnak le khuaruahhar thil tampi an tuah. An dihlakin Solomon òhinòhang ah cun an um òi hna.
13 Midang ahohmanh nih an telpi ngam hna lo; sihmanhsehlaw mizapi nih cun an hlorh ngaingai hna.
14 Cu hlan vialte nakin Bawipa a zummi hna cu a bu pipi in nu he pa he an karh chin lengmang.
15 Cucaah a zawmi hna zong zatlang lam ah an zawnh hna i ihkhun le ihphah ah an ihter hna. Peter aa chawh tikah a thladem tal nih hup hna seh ti an duh caah a si.
16 Jerusalem hrawng zongin a zawmi he thlarau thur nih a tuahmi hna he an ratpi hna i cu vialte hna zong cu an dam duahmah ko.
17 Cun tlangbawi zik le a mi hna le Sadusi mi hna an hung tho i
18 lamkaltu hna cu an nahchuah tuk hna caah an tlaih hna i zapi thong ah an thlak hna.
19 Sihmanhsehlaw Bawipa vanmi pakhat nih thonginn khar cu zan ah a rak hun, a chuahpi hna i,
20 “Kal u law biakinn ah va dir u law hi nunnak bia hi va cawnpiak hna u,” a ti.
21 Cu bia an theih cun khuadeika te ah biakinn chungah cun an vung lut i an cawnpiak hna.
Tlangbawi zik le a sin i a ummi hna nih Israel khuakhangtu upa hna le Sanhedrin vialte an pumh hna i lamkaltu hna cu va hruai dingin thonginn ah cun mi an hei thlah hna.
22 An fialmi hna cu an va kal tikah thonginn ah cun an hmu hna lo, an kir i,
23 “Thonginn cu fek tein aa khar i ralveng hna zong innka ah an dir ko, sihmanhsehlaw innka kan hun i a chungah ahohmanh an um lo,” an ti.
24 Biakinn cawngtu bawi le tlangbawi upa hna nih an bia cu an theih tikah, “Zeitindah a si kun lai?” tiah an awlok a chong.
25 Cun mi pakhat a ra i, “Thong i nan thlakmi hna kha biakinn chungah an um i mi an cawnpiak len ko hna,” a ra ti.
26 Biakinn cawngtu an bawile a mi hna cu an va kal i dai tein an ratpi hna, zeitintiah mi zapi nih khan lung in cheh lai an phang.
27 An ratpi hna cun khawngsil hmaiah an chuahpi hna. Cun tlangbawi zik nih bia a hal hna,
28 “Hi min hin cawnpiak ti lo dingah fek tein nawl kan in pek hna, asinain, atu ah nan cawnpiaknak in Jerusalem nan khahter cang i hi pa thisen hi kan cungah khinh nan timh,” a ti hna.
29 Sihmanhsehlaw Peter le lamkaltu hna nih, “Minung bia nakcun Pathian bia cu kan ngaih deuh ko lai.
30 Thing ah nan thlai i nan thahmi Jesuh cu kan pupa Pathian nih a thawhter òhan.
31 Israel mi hna ngaihchihnak ca le sual ngaihthiamnak petu dingin Pathian nih a orhlei ah Hruaitu le Khamhtu si dingin a hler cang.
32 Cucu kannih hi a hngaltu kan si. Amah nawl a ngaimi sinah Pathian pekmi Thiang Thlarau zong a hngaltu a si ve,” an ti.
33 Cu bia an theih tikah an thin a khenh tuk hna i thah an duh hna.
34 Sihmanhsehlaw Farasi pakhat, Khawngsil chungtel, Gamaliel timi, phung cawnpiaktu, a mi kip nih an hmaizahmi pa cu a dir i mah mi hna kha leng i chuahter ta awkin nawl a pek hna.
35 A thawh hna i, “Israel mi hna, mah mi hna nan tuahning hna ah hin i ralring u.
36 Hlan lioah khan Thudas cu mi menmang ka si lo tiin a tho i mi zali hrawng nih an rak zulh. Asinain amah cu an thah, a zultu vialte hna zong òhenòhek dih an rak si i an loral dih.
37 Amah hnuah Galilee mi Judas kha milu rel lioah a thoòhan i mi cheu cu a hui ve hna; amah zong a loral ve i a zultu hna zong an i òhenòhek dih ve òhiamòhiam.
38 Cucaah atu bia zongah hin mah hna hi tawng hna hlah u law anmah um in um ko hna seh, kan ti hna. Atu ah an i timhmi le an tuahmi hna hi minung timi a si ahcun a lo òhan ko lai.
39 Pathian timi a si ah cun nan hlo kho hna lai lo. Pathian ralchantu zong nan si sual hnga!” a ti hna.
40 Cucaah a ruahnak pekmi cu an cohlan. Lamkaltu hna cu an auh hna i an velh hna, Jesuh min in biachim ti lo dingin bia an beoh hna i an kalter hna.
41 Khawngsil cun an chuak i a min caah ningzah mualpho in awktlak in ruah kan si tiah an tha a nuam.
42 Nifa tein biakinn le inn kip ah Jesuh cu Khrih a si ti cawnpiak le chim an ngol lo.