3
Zanlei suimilam pathum thlacam caan ah Peter le Johan cu biakinn ah an hung kal. Kebei an chuahpi mipa pakhat an rak zawnh i biakinn i a kalmi hna sinah tangka hal awkin Kutka Dawh timi ah nifate an rak chiah tawn. Simon Peter le Johan cu biakinn i kal an i timh kha a hmuh hna tikah a hal ve hna. Peter nih Johan he cun dengteo in an zoh i, “Rak kan zoh,” a ti. Zeital ka hmu hnga maw tiah hnabeisei in a hun zoh hna. Sihmanhsehlaw Peter nih a thawh i, “Sui le ngun ka ngei lo, sihmanhsehlaw ka ngeihmi kan pek; Nazareth khuami Jesuh Khrih min in kal,” a ti. A orhlei kut in a tlaih i a thawh; chikkhatte ah a ke le a fengbeu hna cu an hung òhawng. A tho hlut i a dir; a kal i an sinah biakinn ah cun a pet a zuang i Pathian thangòhat buin a lut ve. Mi vialte nih a kal khawh i Pathian a thangòhat kha an hmuh; 10 biakinn Kutka Dawh ah halto in a òhu tawnmi a si kha an hngalh i a cungah a tlungmi thil ah khan an khuaruah a har i an ar ko.
11 Cuti Peter le Johan kawng i aa awh ko lioah cun Solomon òhinòhang timi ah mi vialte cu khuaruahhar in an va le cio hna. Peter nih cucu a hmuh tikah bia a chimh hna. 12 “Israel mi hna, zeicahdah hi thil ah hin nan khuaruah a har? Kanmah thil ti khawhnak le kan zumhnak in mah pa hi hei kalter kho u sih law cu bang, zeicahdah ngang koin nan kan zoh? 13 Abraham Pathian, Isak Pathian, Jakob Pathian le kan pupa hna Pathian nih a sunparter cangmi Jesuh cu Pilat i thlah a timh lio hmanh ah a kut ah nan chanh i nan hlawt. 14 A Thiangmi le a Dingmi Pa cu nan hlawt i lainawngpa tu kha chuah awkah nan hal; 15 nunnak thawktu cu nan thah i Pathian nih a thawhter òhan. Cucu kannih hi a hngaltu kan si. 16 A min le a min ah zumhnak nan ngeihmi nih cun hi nan hmuh tawnmi le nan hngalh tawn komi pa hi òhawnnak a pek caah Jesuh min thawngin a zumhnak nih hi pa nan zapi hmaiah a damter.
17 U le nau hna, nanmah he nan uktu hna he nan tuahmi kha nan hngal lo ti cu ka hngalh. 18 Pathian nih a profet hna kaa in a rak chim chungmi Khrih nih a temhin lainak kong kha a tlinternak a si. 19 Cucaah cun nan nunòhin u law nan sualnak cu hlohpiak a si nakhnga i let òhan u. Cuticun Bawipa sinin i hrimh òhannak caan kha a phan kho hnga. 20 Cun, Jesuh, nan caah ruahciami Khrih cu a rak thlah lai. 21 Sihmanhsehlaw zeizong vialte tharchuah caan a phanh hlan cu anih cu van ah a um rih awk a si ko. Tharchuah kong cu hlanlio profet thiang hna kaa in a rak chim diam cang. 22 Moses nih khan, ‘Bawipa Pathian nih nan caah profet pakhat nanmah chungin a fial te lai. An chimhmi hna a bia paoh nan ngaih lai. 23 Cu profet bia a ngai lomi paoh cu Pathian miphun khan a hloh hna lai,’ a rak ti. 24 Samuel le a hnu profet vialte hna nih khan an rak chimmi cu atu caan hna kong hi an chim chungmi a rak si. 25 Profet hna le an pupa hna sin biakam in Pathian nih a pekmi hna fale cu nan si. Abraham sinah cun, ‘Na hrinsor hna thawngin vawlei mi vialte hna nih thluachuahnak an hmuh lai,’ a rak ti. 26 Pathian nih a miòhi cu a thawhter hnuah nan òhat lonak kal tak awk le thluachuahnak pek cio awkin nan sinah a run thlah hmasa,” a ti.