1 Cun Paul nih khawngsil upa hna cu dengteo in a zoh hna i hitihin a ti, “U le nau hna, nihin ni tiang hi Pathian hmaiah lungthiang tein ka nung,” a ti. 2 Cun tlangbawi zik Ananias nih a pawng i a dirmi hna kha a hmur i bengh awkah nawl a pek hna. 3 Cu tikah Paul nih a thawh i, “Nangmah sirang thuhmi vampang, Pathian nih an bengh lai. Phung ning tein ka bia ceih awkah na òhu nain maw a phung ning si loin keimah bengh awk nawl na pek?” a ti. 4 A pawng i a dir komi hna nih khan, “Pathian tlangbawi zik maw na serhsat?,” an ti. 5 Cun Paul nih a thawh hna i, “Unau hna, tlangbawi zik a si ka hngal lo, zeitintiah, ‘Na miphun uktu hna cungah biaòha lo nan chim lai lo’ tiah rak òial a si,” a ti.

6 Sihmanhsehlaw Paul nih cheu khat cu Sadusi an si i cheu khat cu Farasi an si kha a hngalh tikah khawngsil chungah cun a au i, “Unau le hna, keimah hi Farasi ka si i Farasi hna fapa ka si; thihnak in thawhòhannak ruahchannak ka ngeih ruangah tazacuai ka si,” a ti. 7 Cucu a chim dih cun Farasi le Sadusi karlakah òhennak a chuak i pumhnak cu an i òhen. 8 (Sadusi hna nih cun thawhòhannak le vanmi le thlarau a um lo an ti. Farasi tu hna nih cun a dihlakin an pom dih). 9 Cun an aukhuan cu a thang chin lengmang i Farasi chungin phung cawnpiaktu acheu an dir i, “Mah pa cungah hin sualnak zeihmanh kan hmu lo. Thlarau asiloah vanmi nih a sinah bia hei chim ko seh law tah?,” tiin an òang. 10 An i òhennak cu a zual tuk cang caah Paul kha an thlehbauh dih lai tiah thonghaotu ralbawi cu a phang i Paul kha an lak cun hranhram in chuahpi i ralkap umnak ah kalpi awkin nawl a pek hna.

11 Cu zan ah cun Bawipa kha a pawngah a dir i, “Ralòha in um ko, Jerusalem ah keimah kong na chim bantuk hin Rom khua zongah na chim hrimhrim lai,” a ti.

12 Khua a hung dei cun Judah mi hna nih Paul rawiphiarnak khua an khang i an thah hlan paoh cu rawl ei ti din lo awkin chiat an i serh. 13 Cu rawiphiarnak khua a khangmi cu sawm li renglo an si. 14 Tlangbawi zik le khua upa hna sinah an kal i, “Fekte biakam in chiatserh kan i serh i Paul kan thah hlan paoh cu rawl kan tep lai lo kan ti. 15 Cucaah nannih khawngsil hna he hman deuh te i biaceih awk hnga khan in thonghaotu ralbawi kha nan sin i amah runpi dingah bia hei cah. An phanh hna hlanah rak thah awkin timhcia kan si,” an ti. 16 Rak bawh awk an i timh kha Paul farnu fapa nih a theih hna caah ralkap umnak ah a va lut i Paul kha a chimh. 17 Paul nih ralbawi lak i pakhat kha a auh i, “Hi tlangval hi thonghaotu ralbawi sinah hei kalpi, zeicahtiah chimh ding zeimaw a ngei,” a ti. 18 Cucaah a hruai i thonghaotu ralbawi sinah cun a kalpi i, “Thongtla Paul nih a ka auh i hi tlangval hi na sin i ratpi a ka fial, na sinah chimh awk a ngei,” a ti. 19 Thonghaotu ralbawi bik nih cun a kut in a hruaih i hmun dang deuh ah a kalpi, “Chimh na ka duhmi cu zeidah a si?” tiah a hal. 20 Annih nih, “Judah mi nih a konglam fiang deuh in hal aa duhter khan in thaizing ah Paul cu khawngsil i run chuahpi awkah na sin i hal awkin khua an khan. 21 Sihmanhsehlaw an bia ngai hna hlah; zeitintiah mi sawm li renglo nih Paul an thah hlan cu rawl ei ti ding lo dingin chiat an i serh i an bawh ko; atu ah hin timhcia in an um, nangmah sinin bia an hngak,” a ti. 22 Cucaah thonghaotu ralbawi nih tlangval pa cu a òinter i bia a beoh, “Hi kong na ka theihtermi hi ahohmanh chim hna hlah,” a ti.

23 Cun zahaotu ralbawi lakin pahnih a auh hna i, “Kan suimilam pakua ah Sisaria tiang kal awkin ralkap zahnih le rang cung ralkap sawm sarih le fei pumi zahnih he i tim u. 24 Paul cit ding rang zong damh u law Mangki Feliks sinah him tein va phanhpi u,” a ti. 25 Cun hitihin ca a òial

26 “Klaudias Lisias nih upat tlak Mangki Feliks sinah biakchawnhnak in ca kan kuat. 27 Hi mipa hi Judah mi nih an tlaih i an thah hnek; ralkap hna he kan vung fuh i kan vung chanh tikah Rom mi a si kha ka hngalh. 28 A cungah zei sual puhnak dah an ngeih ti hngalh duh ah an khawngsil ah ka chuahpi. 29 An phung kong ah sual an puh nain thah le thongthlak tlak a si lo ti kha ka hngalh. 30 Cun thah awkin rawiphiar i bawh an timh ti an ka theihter tikah na sinah ka rak kuat colh i sual puh a duhmi hna nih cun na sin i chimh awkin nawl ka pek hna.”

31 Ralkap hna zong cu nawl pek an si bantukin zan ah Paul cu Antipatris ah an phanhpi. 32 A thaizing ah ralkap umnak ah cun an kir òhan i rang cung ralkap tu cu amah he lan dingin an chiah tak hna. 33 Sisaria an phanh cun Mangki sinah ca cu an pek i Paul zong cu a hmaiah an chuahpi. 34 Cakuat a rel dih cun khuazei peng mi dah a si ti kha a hal. Silisia pengmi a si ti kha a theih tikah, 35 “Sual an puhmi hna an phanh tikah na bia cu ka ceih te lai,” a ti. Herod siangpahrang ralkap inn ah chiah i cawngh awkin nawl a pek hna.