1 Cun anmah he cun kan i òhen i sangphawlawng in kan chuak i ding tein Kos tikulh ah kan kal, a thaizing ah Rhods tikulh kan phan i cuka cun Patara khua ah kan lan. 2 Cuka ah cun Foinisia kal ding sangphawlawng kan hmuh caah kan kai i kan kal. 3 A langin Saipras tikulh kan hei hmuh i kehlei kamah lanh tak in Siria ah kan lan i Tair ah kan òum; zeicahtiah cuka ah cun lawng cu thil a òhumh awk a si. 4 Zumtu hna kan kawl hna i kan hmuh hna tikah an sinah ni sarih kan caam. Thlarau hmuhsaknak in Paul cu Jerusalem lanh kha an thlauh. 5 Cuka i kan cam caan a hung dih cun kan chuak òhan i kan khualtlawnnak leiah cun kan kal. An dihlak in an nupile he an fale he khuachuah tiang an kan thlah; rili kamah khukbil in thla kan cam i 6 dam tein tiah kan kut kan i tlai. Cun sangphawlawng cungah kan kai hnuin annih tu cu inn ah an òin.

7 Tair cun tilawng kalnak a dongh tikah Ptolemai kan phan i zumtu hna kha kan biak hna i ni khat kan caam. 8 A thaizing cu kan chuak òhan i Sisaria khua kan phan i thawngòha chimtu Filip inn ah kan tlung; upa pasarih hna lak i pakhat kha a si. 9 Va ngei lo fanu pali a ngeih hna i an dihlak in Pathian bia an chim. 10 Cuka i ni tam nawn kan cam chungah cun Agabas timi profet pakhat Judea in a ra. 11 Kan sinah a ra, Paul taisawm aa lak i a kut le a ke aa òem i, “ ‘Mah taisawm ngeitu hi Jerusalem i Judah mi hna nih hi bantuk hin an òem lai i Jentail mi hna kut ah an chanh lai,’ tiah Thiang Thlarau nih a ti,” tiah a ti. 12 Cu bia kan theih cun kanmah he cuka i a ummi hna he cun Jerusalem i kal lo awkin kan nawl. 13 Paul nih cun a kan thawh i, “Zei kan tuah nan ti dah, hi ti nan òah i ka lungthin nan kuaiter hi? Zeitintiah kei cu thong tlak lawng hmanh si loin Bawipa Jesuh caah cun Jerusalem i thih tiang pei ka ngamh cu,” tiah a kan leh. 14 Lem khawh a si ti lo cun kan ngol i, “Bawipa duhning in si ko seh,” kan ti.

15 Cu hnu cun kan i tim i Jerusalem ah cun kan hung kal. 16 Sisaria in zumtu cheukhat hna nih an kan zulh i kan tlunnak ding, hlanlio deuh in a rak zum cangmi, Saipras mi Mnason inn ah an kan luhpi.

17 Jerusalem kan va phanh ah cun unau hna nih lunglawm ngaiin an rak kan don. 18 A thaizing ah cun Paul le tiah Jeim kan va leng i upa vialte zong an rak um. 19 An kut a tlaih hna hnuah a rianòuannak thawngin Jentail mi hna sin i Pathian nih a tuahmi vialte pakhat hnu pakhat a chimh hna. 20 An theih tikah Pathian an thangòhat i a sinah, “Unaupa, Judah mi hna lakah zumtu thong zeizat dah an um cang ti cu na hngalh; phung òanh ngaingaimi an si. 21 Na kong an sin i an chimning hna ah cun Jentail mi hna lak i Judah hna kha Moses phung hlawt in an fale kha cuarpar tan lo le phunglam zulh lo awk a cawnpiak hna an in ti. 22 Cucu zei ti tuah awk dah a si lai? A ra ti cu an in theih òheo lai. 23 Cucaah kan in chimh hna bantukin tuah ko. Biakamnak nih a nenh rihmi mi pali kan ngei hna; 24 cu hna cu i kalpi hna law anmah he thianchehnak va tuah u law an lu an i meh nakhnga a man va liampiak hna. Cuticun na kong an chimmi hna kha zeihmanh a si lo i phung kha na zul ko ti an dihlak in an hngalh hnga. 25 Jentail mi zumtu hna tu cu kan biakhiahnak telhchih in ca kan kuat cang hna i raithawinak sa, sathi, hngawngdih sa ei le nu le pa sualnak in i sum awkah kan chimh cang hna,” an ti. 26 Paul nih mi hna cu a kalpi hna i a thaizing ah amah he cun thian a va cheh i biakinn chungah a lut; an i thianchehnak ni a tlin lainak caan le an dihlak caah thawinak tuah ding caan kha a va chim.

27 Cu ni sarih a tlin dengmang ah khin Asia ram in a rami Judah hna nih biakinn chungah Paul cu an hmuh i mi zapi kha an tuksawh hna i an tlaih. 28 “Israel mi hna, rak kan bawm u. Mah pa hi a kenkip ah a mi kip, Israel mi le phung ralchanh awkin a cawnpiaktu pa a si; cu hleiah biakinn chungah Grik mi a luhpi hna i hmunthiang hi a thurter,” tiah an au. 29 Zeitintiah Efesa mi Trofimas cu khuapi chungah amah he an rak hmuh cang hna caah Paul nih biakinn chungah a luhpi tiah an ruah. 30 A khuapi in an i tuai ur, cun mi runpi cu hmunkhat ah an tli; Paul cu an tlaih i biakinn lengah an hnuh i kutka cu an khar zau. 31 Thah an timh lioah, Jerusalem a khuapi in aa tuai tiah ralkap thonghaotu bawi nih a rak theih. 32 Ralkap le an zahaotu bawi hna nih khan zokzok in an vung kal i ralkap le thonghaotu ralbawi an hmuh hna tikah Paul an tuk cu an ngol. 33 Ralbawi cu a ra i a tlaih; thir cikcin pahnih in khih awkah nawl a pek hna. Ahodah a si i zeidah a tuah ti kha a hlathlai. 34 Mi zapi lak i acheu hna cu biakhat in an au i acheu nih bia dang in an rak au; an au ruangah cun zeitindah a si set ti kha a hngal kho ti lo i ralkap umnak i kalpi awkin nawl a pek. 35 Hlei an phanh ah cun mi runpi cu an hran tuk cang caah Paul cu ralkap nih a cawi in an cawi. 36 Mi runpi nih cun an zulh i, “Kha pa kha that u,” tiah an au.

37 Paul cu ralkap umnak i luhpi an hun timh cun thonghaotu ralbawi sinah cun, “Na sinah zei bia tal ka chim kho hnga maw?,” a ti. Anih nih, “Grik holh na thiam mu? 38 Cuti a siah, kan hnulei deuh i Izipt mi pakhat, ral thawhtertu, mi thattu, thong li he ramlak i a kalmi kha cu na si lo mu?,” a ti. 39 Paul nih cun, “Kei cu Judah mi Silisia peng, khua menmai a si lomi Tarsas khuami ka si; zaangfahnak in mirunpi sinah hin biachimnak nawl kan hal,” a ti. 40 Biachimnak nawl a pek cun Paul cu hlei ah cun a dir i zapi hna cu daih awkin a kut a zauh hna i an daidep, Hebru holh in bia a chim: