17
Atu cu Amfipolis le Apolonia khua hna kha an hei lonh i Thesalonika an phan i cuka ah cun Judah hna sinakok a um. Paul cu amah phung a si tawn bantukin a chungah a lut i zarh thum chung kha Cathiang chung bia an i ceihmai; Khrih cu temhnak a in hrimhrim awk le thihnak in a thawhòhan awk a sinak kha a fianter i a hmuhsak hna, “Hi Jesuh nan sinah ka chimmi hi Khrih cu a si,” a ti. Cheukhat hna cu an lung a pemh hna caah Paul le Silas sinah cun an lut i aa pumpemi Grik mi le hruaitu nu tampi hna zong nih an panh ve hna. Sihmanhsehlaw Judah mi hna cu an nah a chuak i khualak i miòhalo a vakvaimi an khawmh hna i mi tampi an pumh hna; khuachung kha an tuaihrok dih i mah hna cu zapi hmai i chuahpi awkah Jason inn kha an va fanh. An hmuh hna lo tikah Jason le unau cheukhat hna cu an hnuh hna i khua upa nawlngeitu hna hmaiah an chuahpi hna. “Mah mi hna, vawlei a lu le a taw a let dihtu hna kha hika zong an rak phan; Jason nih a rak i tlunter hna i Sizar siangpahrang biakhiahmi ralchan in rian an òuan. Siangpahrang dang Jesuh timi a um an ti,” tiah an chim. Zapi le khua upa nawlngeitu hna nih cu bia cu an theih i an lung a tuai hna. Jason le midang hna cu biakamnak an tuahter hna hnuah an thlah hna.
10 Unau hna nih a zan ah cun zokzok in Paul le Silas cu Berea khua ah an kalter hna i an va phanh cun Judah hna sinakok ah an lut. 11 Cuka Judah mi hna cu Thesalonika khuami nakcun an ruahnak a kauh deuh caah an chimmi bia cu lungtho ngaiin an cohlan; nifate Cathiang an rel i a hman le hman lo kha an kherhlai. 12 An lak i mi tampi nih an zumh i hmaizah awk tlak Grik nu tam nawn hna le pa zong nih an zumh ve. 13 Sihmanhsehlaw Thesalonika khua Judah mi hna nih Paul nih Berea khua zongah Pathian bia a chim ve ti an theih tikah cuka ah khan an ra ve i mi zapi kha an tuuk hna i mibu kha an tuaihrok hna. 14 Cucaah unau hna nih zokzok tein Paul cu rili leiah an hei thlah; Silas le Timote tu cu cuka ah cun an tang ta. 15 Paul a hei kalpimi hna nih cun Athens tiang an hei thlah i Silas le Timote kha a sinah rat zau awkin a cah hna hnuah an kir.
16 Athens in Paul nih a hngah lio hna ah khan cu khua cu siasal in a khat ti a hngalh tikah a lung aa tuaitam ngai. 17 Cucaah sinakok ah Judah mi le aa pumpemi midang hna le dawr chung i a rak i chokmi hna paoh kha ni fate a rak ceihmai pi hna. 18 Epikurian le Stoik nunphung cawnpiaktu cheukhat hna zong nih an hung ton. Acheu nih cun, “Hi mi tlokciarpa hi zeihen a chim hnga?” an ti. Mi acheu nih, “Ram dang khuazing kong chimtu si seh law a dawh, zeitintiah Jesuh le thawhòhannak kong a chim,” an ti. 19 Cucaah an tlaih i Areopagas ah an chuahpi i, “Hi cawnpiaknak thar na chimmi hi zeidah a si ti kan hngal kho hnga maw? 20 Kan hna theih ah thil theihtlei ngai na hun chuahpi, cucaah cu thil sullam hna cu hngalh kan duh,” an ti. 21 Athens mi vialte hna le ramdang mi cuka i a ummi hna nih cun zeidang thil ah an caan hmang loin thil thar chim le ngaih tu ah an caan an hman deuh tawn. 22 Cucaah Paul cu Areopagas laifang ah cun a dir i bia a chim. “Athens mi hna, zeiti lei paoh in biaknak leiah aa pemi nan si kha ka hngalh. 23 Zeitintiah kaa chawhleh pah ah nan khuazing biaknak thil hna ka ngiat i biakòheng pakhat ah, ‘Hngalh lomi khuazing sinah’, ti a òialmi ka hmuh. Cucaah hngalh lo khuazing tiah nan biakmi cu ka rak in chimh hna. 24 Vawlei le a chung i a ummi thil vialte sertu Pathian cu van le vawlei Bawipa a si caah minung sakmi biakinn ah a um lo. 25 Cuhleiah a herhbaumi va um seh law cu bang, bultawl haumi zong a si lo, zeitintiah amah nih minung cu nunnak le thaw le zeizong vialte a pek hna. 26 Vawlei cung hmunkip ah um awkin hringsortu pakhat chungin miphun kip a ser hna i an caan zong khiahpiak in an umnak ramri zong a òhen. 27 Pathian an kawl i an dah lengmang tikah an hmuh khawh nakhnga caah cucu a tuahmi an si; 28 Zeitintiah ahopaoh kan sin hin amah cu lamhlat lo ah a um; zeicahtiah, “Amah ah cun kan nung, kan cawlcang i kan sining khan khua kan sa; nan hla phuahtu acheu hna zong nih an rak chim bantuk khan;
“Amah chung chuak taktak kan si ko.” 29 Cucaah Pathian chung chuak kan si ahcun Pathian cu minung nih a fimnak le a zungthiamnak in a sermi sui le lung siasal bantuk a si, tiah kan ruah awk a si lo. 30 Hngalh lo lio caan kha cu Pathian nih aa hngalhter lo, sihmanhsehlaw, atu cu a khuazakip i a ummi vialte hna kha nunòhinh awkin nawl a pek hna. 31 Vawlei cung pumpi hi dik tein biaceihnak ni a khiah cang i a ceihtu ding zong mi pakhat a thim cang. Cu pa cu ahopaoh an lung a si khawh nakhnga caah thihnak in a thawhter,” a ti.
32 Thihnak in thawhter timi cu an theih tikah mi cheu nih cun an nihsawh i acheu nih cun, “Hi kong hi nan sinin theih òhan kan duh rih,” an ti. 33 Cun Paul cu an sin cun a chuak. 34 Mi cheu nih an fuh i an zumh. A zummi lakah cun Areopagas i biaceihtu upa Dionisius le nu pakhat Damaris timi le midang zong an i tel.