15
Sihmanhsehlaw Judea in mi cheukhat an hung i, “Moses phung bantukin cuarpar nan i tan lo ahcun khamh nan si kho lai lo,” tiah unau hna kha an rak cawnpiak hna. Cun Paul le Barnabas nih a tetuai lomi cawnpiaknak dang an ngeih tikah an i al hna i Paul le Barnabas le midang cheukhat hna cu Jerusalem i lamkaltu le upa hna sinah hung kal i cu kong cu hung ceih dingin an thim hna. Cucaah Khrihfabu nih an thlah hna i Foinisia le Samaria pal pah in Jentail hna lungthlennak kong kha unau vialte hna sinah khan an va chim i cu nih cun a lawmhter ngaingai hna. Jerusalem an va phanh ah cun Khrihfabu le lamkaltu hna le upa hna nih an rak conglawmh ngai hna i Pathian nih anmah thawngin a tuahmi vialte kha an chimh hna. Sihmanhsehlaw Farasi chungin zumtu cheukhat hna cu an tho i, “Mah hna hi cuarpartan i Moses phung zulhter awk an si,” an ti.
Lamkaltu le upa hna kha cucu ceih awkin hmunkhat ah an pumh hna. Saupi an i al hnuah Peter a tho i hitihin a ti hna, “U le nau hna, Jentail hna nih thawngòha cu an theih i an zumh nakhnga, hlan deuh lioah khan, nanmah lakin a rak ka thim cu nan hngalh. Lungthin hngaltu Pathian nih kanmah a kan pekmi bantuk Thiang Thlarau kha a pek ve hna tikah annih zong a cohlan hna ti kha a langhter; kannih le annih karlakah thleidannak a ngei lo, an zumhnak in an thinlung a thianter ve ko. 10 Cucaah zeitindah kan pupa hna le kanmah zong nih kan phorh khawh ti lomi seihnam cu zumtu hna hngawng ah khinh in Pathian cu nan hneksak? 11 Sihmanhsehlaw kannih zong Bawipa Jesuh vel thawngin khamh kan si lai tiah kan zumh bantukin annih zong an si ve ko,” a ti.
12 Cun aa pummi vialte nih cun Paul le Barnabas nih Jentail hna lak i anmah hmang in hmelchunhnak le khuaruahhar Pathian nih a tuahmi an chimhmi hna cu dai dipdep tein an ngaih. 13 An chim dih cun Jeim nih a thawh ve hna i, “U le nau hna, ka bia hi ngai hmanh u. 14 Simon nih khan zeitindah Pathian nih Jentail a tlawn hmasa hna i amah min caah a thim hnanak kong a chim cang. 15 Hi bia le profet hna rak chimmi kha aa kheng:
16 ‘Hi hnu hin ka ra kir lai i
A pur cangmi David umnak kha ka sak òhan lai;
A rawkmi cu ka remh òhan lai i
Ka dirter òhan lai.
17 Ka min a pumi Jentail hna le
Midang hna zong nih Bawipa an kawl lai tiah
18 Hlanlio piin hi thil hna a rak theihtertu
Bawipa nih a ti.’
19 Cu a si caah kei ka ruahnak ah cun Jentail mi, Bawipa sinah aa mer cangmi hna hi hnahnawh loin; 20 siasal biaknak thil thurhnawm nu le pa sualnak, hngawngdih sa le sathi ei i sum awkin ca kua hna u sih. 21 Zeitintiah hlanlio zongah a khua kip in Moses phung cu khua kip ah an thanh i sinakok ah sabbath ni fate an rel i an chim tawn,” a ti hna.
22 Lamkaltu hna le upa hna le Khrihfabu nih anmah chungin mi i thim i Paul le Barnabas le tiah Antiok i hei thlah kha a òha lai tiah an ruah. Barnabas ti zongin auhmi Judas le unau hna lakah hruaitu i ruahmi Silas kha an thlah hna. 23 Hitihin ca cu an òial; “Lamkaltu le upa hna le nan unau hna nih, Antiok mi hna, Siria ram mi hna le Silisia i Jentail unau hna, a langin nan kut kan in tlaih hna. 24 Kan sinin mi cheu hna cu kan fial hna lo nain nan sinah ra in, hna an in hnawh hna i siarem loin an in tuah hna ti kan theih. 25 Cucaah zapi hna tla in mi kan thim hna ahcun a òha lai kan ti i kan dawtmi hna Barnabas le Paul, 26 Kan Bawipa Jesuh Khrih caah an nunnak hmanh a hlo ngammi hna nan sinah kan rak thlah hna. 27 Cucaah Judas le Silas nan sinah kan rak fial hna i anmah hmurka in cucu an rak in chimh òhiamòhiam hna lai. 28 Thiang Thlarau le kannih nih cun hi a herh taktakmi pinah nan thil rihter lo a òha lai tiah kan ruah. 29 Siasal biaknak sa ei, sathi le hngawngdih sa ei le nu le pa sualnak hrial u kan in ti hna. Cucu nan hrial ahcun a òha lai. Dam tein.”
30 Cuticun an hei thlah hna i Antiok ah khan an vung kal. Hmunkhat ah zapi cu an pumh hna i cakuat cu an pek hna. 31 An rel tikah an forhnak hna bia ah khan an lung a lawm. 32 Cun Judas le Silas, anmah zong profet a simi hna nih cun unau hna sinah cun forhnak bia tampi an chimh hna i tha an pek hna. 33 Sau nawn an cam hnuah a rak thlahtu hna sin i kir òhan dingin unau hna nih daihnak he an thlah hna. 34 ‘Sihmanhsehlaw Silas caah cun cuka i tan cu a òha deuh tiah a ruah,’ ti aa tel. + kut in òialmi Cathiang a òha bikmi ah cang 34 aa tel lo. 35 Sihmanhsehlaw Paul le Barnabas cu Antiok ah cun an tang i midang tampi he Bawipa bia cu an chimh hna i an cawnpiak hna.
36 Ni tlawmpal hnuah khin Paul nih Barnabas cu, “Ra, kir òhan u sih law Bawipa bia kan chimhnak khua kip unau hna kha va veh òhan hna u sih law zeitindah an um ti kha va zoh òhan hna u sih,” a ti. 37 Barnabas nih khan Mark ti zongin auhmi Johan kha kalpi ve a duh. 38 Sihmanhsehlaw Pamfilia in a kir tak hna i an rianòuannak i aa tel ve lo ruangah Paul nih an sin i kalpi lo kha a òha bik lai tiah a ruah. 39 Fak lak tein an i sik caah an i òhen. Barnabas nih Mark tu cu sangphawlawng in Saipras ah aa kalpi. 40 Paul tu nih cun Silas kha aa thim i unau hna nih Bawipa vel ah an sanh hna hnuah an chuak ve. 41 Siria le Silisia pal pah in Khrihfabu hna thazang fehternak a pek pah lengmang hna.