1 Atu cu Judea i a ummi Lamkaltu hna le unau hna zong nih khan Jentail hna zong nih Pathian bia an cohlan ve cang ti kha an theih. 2 Cucaah Peter cu Jerusalem i a hung kal ah khan cuarpartan pawl nih an rak sawi; 3 “zeicahdah cuarpartan lomi hna sinah na kal i na ei din ve?,” an ti. 4 Sihmanhsehlaw Peter nih aa chang tete in a fianter. 5 “Joppa khua ah khan thla ka cam i mangcanghlan in langhnak ka hmuh. Puan bantuk phak kaupi pakhat a kili in an òem i van in ka sinah hun òhumhmi ka hmuh. 6 Naih tein ka hun zoh tikah saòil le saram le vawlei ah a lawnmi thilnung le vanva te hna ka hmuh hna. 7 Aw pakhat ka theih i, ‘Peter, tho, that law ei,’ a ka ti. 8 Sihmanhsehlaw kei nih, ‘Ei hlah e, Bawipa, zeitintiah a thurhnawmmi le a thiang lomi ka kaa chungah a lut bal lo,’ ka ti. 9 Asinain aw nih cun a voi hnihnak ah, ‘Pathian nih a thianter cangmi cu a thiang lo na ti hnga lo,’ a ti. 10 Cucu voi thum tiang a tuah hnu in van ah cawi òhan dih a si. 11 Cu lio te ah cun Sisaria in an rak thlahmi mi pathum kan umnak inn ah cun an hung phan. 12 Cun ahohmanh thleidang loin Thlarau nih an sin kal a ka fial. Hi unau paruk hna nih hin an ka zulh i a inn ah cun kan vung lut. 13 A kan chimhmi cu a inn ah vanmi a dirmi a hmuh i, ‘Joppa ah Simon timi Peter hei auhter hna; 14 nangmah le na chungkhar vialte khamh nan sinak ding an chimh hna lai a ti,’ ti a si. 15 Cun bia chim kaa thawk i a ter lio i kan sinah a tlun bantuk khan Thiang Thlarau cu an cungah a tlung ve. 16 Cu tikah kan Bawipa nih, ‘Johan nih ti in baptisma a pek hna, sihmanhsehlaw Thiang Thlarau in baptisma pek nan si lai,’ a rak timi kha ka lung ah a hung pem. 17 Bawipa Jesuh Khrih kan rak zumh i aa khat komi laksawng a kan pek ve bantuk khan Pathian nih a pek ve hna ahcun, a hi kei nih hin zeitindah Pathian cu ka donh khawh hnga?,” a ti hna. 18 Cu bia an theih tikah an dai. Cun Pathian kha an thangòhat i, “Pathian nih i nunòhinh in nunnak cu Jentail hna zong a pek ve kun hna cu ta,” an ti.

19 Steven ruangah hremnak a chuah caah aa òhek dihmi hna kha Foenisia, Saipras le Antiok tiang an phan, thawngòha cu Judah mi sin ti lo cu aho sin hmanh ah an chim lo. 20 Sihmanhsehlaw an lak i acheu, Saipras le Sairin in Antiok i an rat pah ah Bawipa Jesuh Khrih kong cu Grik mi hna sin zongah an chim. 21 Bawipa nih a bawmh hna caah mi tampi nih an zumh i Bawipa leiah cun an i mer. 22 Cu thawng cu Jerusalem Khrihfabu nih an theih i Antiok ah Barnabas kha an hei thlah. 23 A va phanh tikah Pathian velngeihnak kha a hmuh i aa lawm; zumhtlak in Bawipa cu fek tein i tlaih awkah a forh hna; 24 zeitintiah amah cu miòha a si i Thiang Thlarau le zumhnak in a khatmi a si. Cun Bawipa a zummi cu mi tampi an i chap 25 Cucaah Barnabas cu Saul kawl awkin Tarsas ah a kal; 26 a va hmuh tikah Antiok ah cun a ratpi. Kumpi kum khat chung Khrihfabu he cun hawikom in an um i mi tampi a cawnpiak hna; cun Antiok ah cun zultu hna cu Khrihfa tiah an auh hmasa bik hna. 27 Cu lioah cun Jerusalem in profet cheukhat hna cu Antiok ah khan an rung. 28 An lak i pakhat Agabas timi pa cu a dir i Thlarau chimhnak in mangòam nganpi vawlei cung pumpi ah a tlung lai tiah a chimchung. Cucu Kalaudias chan ah khan a tlung. 29 Zultu hna nih cun anmah le an ti khawh tawk cio thawh in Judea i a ummi hna 30 caah bawmhnak kuat awk an i tim. Barnabas le Saul kut in upa hna sinah an thawhmi cu an hei kuat hna.