LAMKALTU
Hna Rianòuannak
1
1 Maw Theofilas,
Ka cauk hmasa ah khan Jesuh nih rianòuan hram a thawh ri in vancung i lak a si tiang a tuahmi le a cawnpiakmi ka òial cang.
2 Lamkaltu ah a thimmi hna cu Thiang Thlarau hmang in nawl a pek tak hna.
3 Thihnak in a nun òhan kha ni sawm li chungah hngalh lo awk òha loin an sinah a nung in amah aa hmuhsak i Pathian pennak kong kha a chimh hna.
4 Cun an sin i a um lioah khan Jerusalem chuah tak loin Pa nih a kamhmi hna tu kha hngalh awkin bia a beoh hna.
5 “Johan nih ti in baptisma a pek hna, sihmanhsehlaw a rauh hlanah Thiang Thlarau in baptisma pek nan si lai ti kha ka sinin nan theih cang,” a ti hna.
(Mar 16:19-20; Luk 24:50-53)
6 Cucaah hmunkhat i an hun i pumh ah khan, “Bawipa, atu ah hin Israel mi cu pennak kha na pe òhan hna lai maw?” tiah an hal.
7 “Pa nih amah nawlngeihnak in a khiahmi ni le khua caan cu nanmah hngalh awk a si lo.
8 Sihmanhsehlaw nan cung i Thiang Thlarau a tlun tikah nawlngeihnak nan ngei lai i Jerusalem le Judea le Samaria ram vialte le vanhramdeng tiangin ka bia theitu nan si lai,” a ti hna.
9 Cucu a chim dih cun an zoh ko lioah khan cungah cawi a si i vanrang nih an hmuh phak lonak ah a kalpi.
10 Cuti van i a kai kha an cuanh ko lioah cun, zohhmanh u, angki fual rang he an pawngah mi pahnih an rung dir.
11 “Galilee mi hna, zeicahdah van zoh in nan dir ko? Nan sinin van ah lak a simi Jesuh hi, van i a kai nan hmuhning te hin a ra òhan te lai,” an ti hna.
12 Cun sabbath ni ni khat lam kal, Jerusalem pawng i a ummi, Oliv timi tlang in Jerusalem ah an kir òhan.
13 Khua chungah an lut i an rak umnak cungdot ah khan an kai. Peter le Johan le Jeim le Andru, Filip le Thomas, Bartholomew le Matthai, Alfeas fapa Jeim, phunòanh Simon le Jeim fapa Judas hna an si.
14 An dihlak cun, nu rual le Jesuh nu Mary le Jesuh unau he lungthin hmunkhat tein thlacam in caan an hmang òi tawn.
15 Cu caan ah cun unau rual hna lakah cun Peter cu a dir i (cu ka i aa pummi hna cu za le kul hrawng an si)
16 “Unau hna, Jesuh tlaitu hna hruaitu Judas kongah Thiang Thlarau nih David ka in a rak chim chungmi Cathiang kha a tlin awk hrim a si.
17 Anih zong kan sinah relchih a si i
18 rianòuan awkin òuanvo phawt a si. (Hi pa nih hin a òhat lonak man khan lo a cawk; a biktaling in a tla, a paw a kek i a ril zong a chuak dih.
19 Cucu Jerusalem a hlummi vialte hna nih an theih i cu hmun cu anmah holh in Akeldama an ti. A sullam cu Thisen Lo, tinak a si.)
20 Salm cauk ah khan;
‘A umnak cu òhing seh law,
Ahohmanh nih umnak hna hlah seh,’
ti le
‘A rian kha midang nih co hna seh,’
tiah rak òial a si.
21 Cucaah cun kan sin i kan Bawipa Jesuh a tlonlen lioah,
22 baptisma petu Johan caan thawk in van ah lak a si tiang kan sinah a um vemi, a thawhòhannak a kan hngalhpitu dingah mi pakhat kan thim awk a si,” a ti.
23 Cucaah mi pahnih, Josef timi Barsabbas a minkep ah Justas an timi le Matthias an chuahpi hna.
24-25 Thla an cam i, “Bawipa, mi vialte thinlung hngaltu, Judas nih amah kalnak hnga i kal awkah a chuah takmi Lamkaltu rian airawltu ah hi hna pahnih lak hin ahodah na thim lai kha kan hmuhsak ko,” an ti.
26 Cu hna cu camcawhfung in an zuh hna i Matthias cungah a tla; cun amah cu Lamkaltu hleikhat hna ah khan chap a si.