2
Bawipa Hnenah Sirawknak
Maw ningzah nei lo pawl, pangpar bangin nan vuai ih nan thih hlanah hin, Bawipa ih thinhennak cu mei-alh vekih nan par a thlen hlan le a thin ai-thoknak a langter ni a thlen hlanah hin khuaruat thiam mi si thlang hnik uh. Ram sungih nannih mi lungnem le thukham a thluntu pawl, Bawipa ih hnenah kir thlang uh. Thildik tuah uhla Bawipa hmaiah lungnem mi si uh. Bawipa in a thinhennak a langter ni ah hremnak ihsin nan luat tla a si thei men.
Kiangkap Miphun Pawl Cemnak
Gaza khuapi sungah zohman an tang lo ding. Ashkelon mi an òio ding. Ashdod mi pawl cu ni hrek ah dawihlo òheh an si dingih Ekron mi pawl cu an khuapi ihsin dawi òheh an si ding. Nannih Filistin mi, tipikap ih a ummi pawl, nan cem a si! Bawipa in nan parah thurelnak a tuah zo. A lo tisiat dingih pakhat hman nan luat lo ding. Tifinriat kapih nan ram hi tuukhal riahbuk le tuuhruang pawl umnak hramlak ah a cang ding.Ref 2.4-7 Isa 14:29-31; Jer 47:1-7; Ezk 25:15-17; Joe 3:4-8; Amo 1:6-8; Zek 9:5-7; Nan ram hi Judah mi a tangsun pawl in an luah ding. Cutawkah an tuu an khal dingih Ashkelon ih inn pawl ah an it ding. Bawipa an Pathian an hnenah a um dingih mi neinung a sitersal ding.
Cungnungbik Bawipa in, “Moab mi le Ammon mi pawl in ka minung pawl an hmuhsuamnak le an nautatnak ka thei zo; an ram kan long òheh ding, tiih tluang an khawnnak tla ka thei zo. Israel ih Pathian nung ka si vekin, Moab le Ammon cu Sodom le Gomorrah vekin siatsuah òheh an si ding tiah thu ka kam a si. Cikhur pawl umnak hmunah an cang ding. Kumkhua in a siat tata dingih hrampi lawng a kho ding. A tangsun ka minung pawl in an siatsuah dingih an ram cu an luah ding,” tiah a ti.Ref 2.9 Sem 19:24;
10 Cubangtuk in Moab mi le Ammon mi pawl cu an hngalhngawng, an puarthau ih Cungnungbik Bawipa ih minung pawl an hmuhsuam ruangah hrem an si ding. 11  Bawipa cu an hrangah òihnungza a si ding. Leilung tlunih khawzing pawl cu zianghman lo ah a tuah òheh ding. Miphun hmuahhmuah in amah cu an hmun le an ram ciar ah an biak ding.Ref 2.8-11 Isa 15:1-16:14; 25:10-12; Jer 48:1-49:6; Ezk 21:28-32; 25:1-11; Amo 1:13-15; 2:1-3;
12  Bawipa in Ethiopia mi pawl tla a thihter ding.Ref 2.12 Isa 18:1-7;
13  Bawipa in Assiria siatsuahnak ah a huham a hmang ding. Nineveh khuapi cu tidai um lonak nelrawn ah a cangter dingih tlansanmi khawrop ah a cang ding. 14 Caw le tuu le òilva phunkip an bawhnak hmunah a cang ding. Hnawmpen lakah cun sumbuh an um dingih sangkate ihsin an ai ding. Tlangak tla sangkapi ihsin an ai ding. Inn parih sidar thing hmuahhmuah cu lak òheh an si ding. 15 Ka cak zet tiah a puarthau mi le ka him tiah a ruatawtu parah cubangtuk thil cu a thleng ding. Leilungtlun ah kan khuapi hi a tum bik tiah khuasung mi pawl cun an ruat. An khuapi cu ramsa riahnak hmunòhing ah a cang ding. A hmutu pawl cu an mangbang tuk ah an com dukdi dingih an kuttum an hawi ding a si.Ref 2.13-15 Isa 10:5-34; 14:24-27; Nah 1:13:19;