9
Kiangkap Miphun Parih Thuòhennak
Himi cu Bawipa ih òongkam a si:
Hadrak ram le Damaskas khuapi hrem dingah amah in a ruat cat zo. Israel miphun pawl lawng si lo in Siria ram khuapi khal Bawipa ih ta a si.Ref 9.1 Isa 17:1-3; Jer 49:23-27; Amo 1:3-5; Hadrak ramri ih a ummi Hamath khua tla amah ih ta a si ih cuvek òhiamòhiam in Òaiar khua le Sidon khua pawl tla an thilthiamnak thawn Bawipa ih ta an si òheh. Òaiar khua cun amah ih hrangah ralhruang nasa zet in a tuah ciamco ih tlunah sui le ngun tam zet a khawl ih a tam tuk ah hnawmhne bangtuk ah a cang. Asinan Bawipa cun Òaiar khua ih a neihmi hmuahhmuah cu a lak sak òheh ding. A lennak hmuahhmuah cu tifinriat sungah a hlon sak dingih a cuih khua cu meisa in ur ziam a si ding.Ref 9.1-4 Isa 23:1-18; Ezk 26:1-28:26; Joe 3:4-8; Amo 1:9, 10; Mat 11:21, 22; Luk 10:13, 14;
Cumi cu Ashkelon khua in a hmu dingih a phang ding. Gaza khalin a hmu dingih a tuarzet ding. Cuvek thotho in Ekron khua khalin a hmu dingih ruahsannak a neihmi hmuahhmuah a hloral òheh ding. Gaza siangpahrang khal a hloral dingih Ashkelon cu a òhing reprep ding. Ashdod khua ah miphun za rawi an um ding. Bawipa in “Hi a puarthau zetmi Filistin mi pawl cu nau ko in ka òhum ding. Thisen thawn sa cu an ei nawn lo ding; khammi rawl khal an ei nawn lo ding. A tangsun pawl cu ka miphun ah an tel ve dingih Judah phun sungah phunkhat vek an si ding. Jebus mi pawl bangtukin Ekron khal ka miphun ah a cang ding.Ref 9.5-7 Isa 14:29-31; Jer 47:1-7; Ezk 25:15-17; Joe 3:4-8; Amo 1:6-8; Zef 2:4-7; Ka ram cu ka kilveng dingih a sungin zo ralkap pawl hman an feh thei lo ding. Zangfah nei lo ram uktu zohman in ka miphun an hrem nawn lo ding. Ka minung pawl ih tuar zia ka hmu òheh zo,” a ti.
A Ra Dingmi Siangpahrang
Nan lungawi uh, Zion mi pawl,
nan lungawi uh!
Lungawi in au ciamco uh,
Jerusalem mi pawl!
Zoh uh, nan siangpahrang a ra lai!
Nehtu a si ih nehnak thawn a ra;
Asinan lungnemmi a si ih
laak parin a ra;
Laak note, laakpi ih faate to in a ra a si.Ref 9.9 Mat 21:5; Joh 12:15;
10 Bawipa in, “Israel ram ihsin
raldonak rangleng ka hlon ding;
Jerusalem ihsin raldonak rang
pawl ka lak sak dingih,
Raldonak likhuk pawl cu
ka siatsuah òheh ding.
Nan siangpahrang in mi phunkip
pawl thawn daihnak le remnak a tuah ding.Ref 9.10 Saam 72:8;
Khatlam tifinriat in khatlam
tifinriat tiang a uk ding.
Eufrates tivapi ihsin vanrang deng
tiang a uk ding,” a ti.
Pathian Ih Minung Pawl Kirsalnak
11  Bawipa in,
“Raithawinak thisen thawn
hngettermi nan hnenih
ka thukamnak vekin,
Nan minung pawl cu ka luatter ding;
Saltannak tidai um lo khur sung
ihsin ka luatter ding a si.
12 Kirsal uh, ruahsannak neitu saltang pawl!
Himnak hmun nan ram ah tlung uh;
Atu ah ka lo sim: Harnak nan
tuarmi ruangah a let hnih in
thluasuahnak ka lo pe ding.
13 Judah cu ralkap ih li vekin
ka hmang ding,
Israel cu conkiang vekin ka hmang ding,
Zion mi pawl cu ralnam vekin
ka hmang ding,
Grik mi pawl do dingah,” a ti.
14  Bawipa cu a minung pawl tlunah
a lang ding,
A thal pawl nimthlakau vekin a sai ding.
Cungnungbik Bawipa in
a tawtawrawt a tum ding;
Thlanglam thlipi sungin a feh ding.
15 Cungnungbik Bawipa in
a minung pawl a hum ding.
An ral pawl an siatsuah òheh ding,
Lungherh deengtu pawl an pal cih ding;
Raldonak ah zuri bangin an au ciamco dingih,
An ral pawl ih thisen an suahter ding.
Cuih thisen cu biakòheng ih a ummi
kheng sung ihsin an thletmi
thawinak thisen vekin a luang ding.
 
16 Cuih ni a kim tikah tuukhal in
a tuurual òihphannak sungin a hum vekin,
Bawipa in a minung pawl a hum ding;
Suilukhuh parih lungvar vekin,
A ram sungah cun an tleu ding.
17 Ziangtluk ramòha le ram mawi
so a si ding!
Vainim in tlangval a cakter dingih,
Sabit in fala tla a cakter hai ding.