4
Profet In Mei-inn Tohnak A Hmu
1 Ka hnenih a òong rerotu vancungmi cu a rasal ih a itthat mi òhang vekin i ra òhang.
2 “Ziangso na hmuh?” tiah i sut. Kei in, “Sui in tuahmi mei-inn tohnak ka hmu. A tlunah meiti retnak kheng a um. Mei-inn tohnak par ahcun mei-inn pasarih an um ih mei-inn pakhat in meica thulnak ong pasarih an nei fingfing.
3 Mei-inn tohnak kiangah olif thingkung pahnih, a sir veve ah an um ka hmu,” tiah ka ti.Ref 4.3 Thup 11:4;
4 Cule vancungmi cu, “Hi thil pawl ih sullam ziangso an si, bawipa?” tiah ka sut.
5 Amah in, “Sullam na thei lo maw?” i ti. Kei in, “Bawipa, ka thei lo,” tiah ka ti.
Zerubbabel Hnenah Pathian Thukamnak
6 Vancungmi cun Cungnungbik Bawipa ih hnen ihsin a rami thu cu Zerubbabel sim dingin i fial.Ref 4.6 Ezr 5:2; Bawipa in, “Hriamnam cahnak le na thazang cahnak in si lo in ka thlarau in na hlawhtling ding.
7 Na hmaiah khamtu tlang tia a um hmanah an hlo òheh ding. Biakinn cu na dinsal dingih biakinn saknak a netabik lungto na dawl tikah misenpi pawl cu, ‘A mawi zet, a mawi zet,’ tiah an au ding,” tiah a ti.
8 Bawipa ih thu cu ka hnenah a ra thlengsal ih,
9 “Biakinn hram cu Zerubbabel in a dawl thok zo ih a saksuak ding. Cumi a kim ngaingai tikah ka minung pawl in an hnenah nangmah a lo thlahtu keimah ka si kha an thei ding.
10 An biakinn sak hnaòuannak a sawt lo ti an theih tikah an thin a nauzet. Sikhalsehla Zerubbabel in Biakinn cu taimak zet in a sak rero ko ti kha an hmuh tikah an lung a awi ding,” tiah a ti.Ref 4.10 Zek 4:5;Thup 5:6;
Vancungmi cun, “Mei-inn pasarih cu leilungtlun khuazakip a hmu òhehtu Bawipa ih mit pasarih tican a si,” tiah i ti.
11 Cule kei in, “Mei-inn tohnak sir ih a ummi olif thingkung pahnih ih tican ziangso a si?Ref 4.11 Thup 11:4;
12 Olif hriak a rung luannak sui in tuahmi dawngb Dawng kan timi hi Mirang òong ih ‘pipe,’ timi a si. pahnih kiangih olif thinghnge pahnih ih tican ziangso a si?” tiah ka sut lala.
13 Anih cun, “A tican na thei lo maw?” i ti.
Kei in, “Bawipa, ka thei lo a si,” tiah ka ti.
14 Cutikah anih in, “Himi pawl cu leilung pumpuluk ih Bawi a simi Pathian in a hrilmi le hriak a culhmi minung pahnih an si,” tiah i ti.