13
1 Cungnungbik Bawipa in, “Cu tikcu a thlen tikah David tesinfa pawl le Jerusalem mi pawl an sualnak le an milem biaknak ihsin thianfaiter dingah cerhti pakhat a put ding.
2 Cutikah cun hi ram milem pawl ih hmin cu ka phiathlo òheh dingih zohman in an cing nawn lo ding. Profet ka si a titu hmuahhmuah cu ka hlonhlo òheh dingih milem biak duhnak thinlung khal ka lak hlo òheh ding.
3 Cule mi pakhatkhat in profet òong ih òong a tum thotho a si ahcun, a nu le a pa in, ‘ Bawipa ih hmin in thuphan na per ruangah na thi ding,’ tiah an ti ding. Cutin profet òong ih a òong tikah cun amah ih nu le pa in an sunthat ding a si.
4 Cubangtuk tikcu a thlen tikah cun zovek profet hman langnak pakhatkhat a hmuh ruangah a uar aw lo ding, profet nun tla a cawng lo dingih misenpi bumnak dingah profet pawl ih hruk òheumi, a hram zetmi korfualpi tla a hruk lo ding.
5 Cuhnakin anih cun ‘Kei cu profet ka si lo. Lothlo ka si; ka nunsung hmuahhmuah lothlo ka si ringring ko,’ a ti sawn ding.
6 Cule mi pakhatkhat in ‘Na òaang ih tuahmawhnak hma pawl kha ziangruangah so a si?’ tiih a sut tikah ‘Ka rualpi inn ih ka ton pang mi an si,’ tiah a ti ding,” a ti.
Pathian Ih Tuukhal Pawl Thah Ding
7 Cungnungbik Bawipa in, “Maw, ralnam, tho awla ka hrangih hnaòuantu tuukhal khi sat aw! That awla tuu pawl cu khuazakip ah òekdarh òheh hai seh. Mi tenau pawl cu keimah in ka siatsuah ko hai ding;Ref 13.7 Mat 26:31; Mar 14:27;
8 cule hi ramsung milai pawl òhenthum ih òhenhnih cu an thi ding. Òhenthum ih òhenkhat lawng an luat ding.
9 Cule a tangmi òhenthum ih òhenkhat cu ka hniksak dingih ngun cu meisa in a thianfaiter bangin ka thianfaiter ding. Sui cu hniksak a si vekin ka hniksak ding. Cule ka hnenah thla an cam dingih ka theih sak ding. Ka minung an si kha ka sim dingih keimah khal an Pathian ka si hi an phuang ding,” tiah a ti.