12
Jerusalem A Luat Ding
Israel thuhla cu Bawipa ih hnen ihsin hitiin a ra thleng. Van tla khi a pharhtu Bawipa, leilung a semsuah ih minung nunnak thlarau a petu Bawipa cun hitiin a sim: “Jerusalem cu khuat pakhat sungih sabitti vekah ka tuah ding; a kiangkap in miphun pawl cun an in dingih zuri bangin an sawn ding. Cule Jerusalem an kulh tikah Judah ram khua dangdang tla an kulh thluh ve ding. Sikhalsehla cuih tikcu a thlen tikah Jerusalem cu a rit zetmi lungto ah ka tuah dingih cawi a tumtu miphun cu tuahmawhnak a tong ding. Leilungtlun miphun hmuahhmuah cu Jerusalem do dingah an òangkhawm ding. Cuih tikcu ah an rang pawl cu an thin ka phangter dingih rang parih a totu hmuahhmuah an thinlung ka aater òheh ding. Judah mi pawl cu ka kilkhawi ding, asinain an ral pawl ih rang mit cu ka cawtter òheh ding. Cutikah Judah hrin pawl cun, “ Bawipa Cungnungbik Pathian in Jerusalem ih a ummi a minung pawl hnenah thazang a pek a si,” tiah pakhat le pakhat an sim aw ding.
“Cutikah Judah hrin pawl cu hramlak meisa tom bangtuk, asilole vainim lo ih vainimkau kang parih beel bangtuk ah ka tuah ding an kiangkap ih miphun hmuahhmuah an siatsuah thluh ding. Jerusalem khua mi pawl cu khuapi sungah an him ko ding.
“David tesinfa pawl le Jerusalem mi pawl ih ngah dingmi hminthannak kha Judah mi pawl ih ngah dingmi hnakin a thupit sawn lonak dingah hmaisabik ah Judah ralkap pawl hnenah Bawipa keimah in nehnak ka pek ding. Cutikah Jerusalem ih a ummi pawl cu Bawipa in a hum dingih anmah lakih mi òawnòai bik hman David tluk in a cak ding. David tesinfa pawl cun Bawipa ih vancungmi vekin lam an hruai ding; Amah Pathian vek rero an si ding. Cutikah cun Jerusalem a dotu miphun hmuahhmuah cu ka siatsuah òheh ding.
10 “David tesinfa pawl le Jerusalem khua ih midang pawl cu zangfah lainatnak thinlung le thlacam duhnak thinlung thawn ka khahter ding. Mi pakhat an sun cia mi kha an zoh dingih an fa neihsun a thih ih an òah vekin an òah ding. An fapatir a thih ih ninghang le lungngai ih an um vekin an um ding.Ref 12.10 Joh 19:37; Thup 1:7;Ref 12.10 Mat 24:30; Thup 1:7; 11 Cutikah cun Jerusalem khuasung ih òahnak cu Megiddo phairawn ah Hadad-rimmond Hadad-rimmon hi Baal khawzing ih hmin pakhat a si. Kanaan ram le Siria ram ahcun hanghnah hangrah khawzing a si tiah an zum ih hanghnah hangrah kumtinte a thih tikah an khawzing a thi ve tiin an ruat. hrangih òahnak vekin a nasa ding a si. 12-14 Hi ram innsang tinah mahte ciar lungngai in an um ding. David tesinfa innsang pawl, Nathan tesinfa innsang pawl, Levi tesinfa innsang pawl, Shimei tesinfa innsang pawl le innsang dang pawl tla cuticun an um ding. An innsang ciar ah lungngai in an um dingih mipa le nunau cu hmun dangdang ah lungngai in an um ding,” a ti.