10
Bawipa In Luatnak Thu A Kam
1 Bawipa ih hnenah thlatir ah òoruah dil uh. Khawdur a tuahtu le ruah a surtertu cu amah a si. Mi hmuahhmuah ih loram a hringtertu khal Bawipa a si.
2 Minung in milem le pol hnenah thu an ron, asinain an simmi cu thulolak le thuphan lawng a si. Mi hrekkhat in mang an let, asinain a peengah an lo hruai; thinhnemnak òong an òongmi cu òhathnemnak zianghman a nei lo. Curuangah mipi pawl cu a hlomi tuu vekin an vakvai. Hotu an neih lo ruangah harsatnak an tong a si.Ref 10.2 Mat 9:36; Mar 6:34;
3 Bawipa in hitiin a ti. “Ka minung pawl a uktu parah ka thin a heng. Curuangah ka hrem hai ding. Judah mi pawl cu keimah ih ta an si ih Cungnungbik Bawipa keimah in ka kilkhawi ding. Anmah cu ka uar zetmi le a cak zetmi ka raldonak rang an si ding.
4 Anmah sung ihsin mi uktu pawl, mi hruaitu pawl le ralbawi pawl an suak dingih ka minung pawl an uk ding.
5 Lamzin ciarbek lakih an ral a palcil rerotu ralkap pawl vekin Judah mi pawl cu nehtu an si ding. Bawipa an hnenih a um ruangah ral an do dingih an ral sungih rangralkap pawl hman an neh ding.
6 “Judah mi pawl cu mi cak zet ah
ka tuah ding;
Israel mi pawl ka runsuak ding.
An parah lainatnak ka nei ding,
An zate in an khua le an ram ah
ka hruaikir ding.
Ka hnon dah lomi vekah ruah an si ding.
Keimah hi Bawipa an Pathian ka si,
An thlacamnak ka theih sak ding.
7 Israel mi pawl cu raldo thiam
vekin an cak dingih,
Sabitti in bangtukin an lung a nuam ding.
An tesinfa pawl in hi nehnak cu
an cing dingih,
Bawipa ih thiltuahmi ruangah
8 “Ka minung pawl ka ko dingih
Hmunkhat ah ka finkhawm ding.
Ka run hai dingih a hlan vekin
mi tam zet ah an cangsal ding.
9 Miphun dang lakah ka òhekdarh
zo hai nain,
Ram hla zet khalin keimah in thei ding.
Anmah le an faate pawl
an nung suak dingih,
An khua le an ram ah an kir tlang ding.
10 Izipt ram le Assiria ram ihsin
ka hruaikir dingih,
Anmah ih ram sungah
hmun ka khuarsak ding.
Gilead le Lebanon ram khalah
ka umter ding;
Ram pumpuluk ah minung an khat ding.
11 Harsatnak tifinriat an tan tikah,
Bawipa keimah in tilet cu
ka vuak dingih,
Nail tiva thuk cu a kang òheh ding,
A puarthaumi Assiria ningzak in
a um dingih,
A maksakmi Izipt huham
a nei nawn lo ding.
12 Ka minung pawl Bawipa ah
ka cakter ding;
Ka hmin in lamzin an feh ding,” a ti.
Bawipa in a sim zo.