3
Khristian Ziaza
1 Uktu bawi le thuneitu upa pawl ih tangah dor in an thu nan ngai pei; cule thil òha tuah dingah timtuah cia in nan um ringring pei, tiah na milai pawl sim aw.
2 Zokhal nan relsia lo pei; daite le rualremte in nan pawl aw niakno pei ih mi hmuahhmuah parah lungnemnak le umtlan zia thiamnak nan langter ringring pei, tiah sim aw.
3 Ziangahtile kanmah hman hi tuih hlanah cun kan rak aa, thu ngai lomi kan rak si ih kan rak palh a si. Taksa hiarnak le tisa nomnak a phunphun ih sal kan rak si. Mi nahsuahnak le mi thiiknak in kan tikcu kan rak hmang. Mi in, in hua ih kannih khalin kan hua ve.
4 Sikhalsehla in Runtu kan Pathian ih zangfahnak le duhdawtnak a rung lang tikah,
5 kannih cu in rundamsuak. Kanmah in thilòha kan tuah ruangah si lo in amah ih zangfahnak ruangah in rundam suak ih hrintharnak le nun tharthawhnak in petu Thlarau Thianghlim ih kholhfainak ruangah a si.
6 In Runtu Jesuh Khrih sungin Thlarau Thianghlim cu kan parah famkim zet in Pathian in a run toih;
7 cumi cu a zangfahnak ruangih Pathian thawn kan remawk theinak dingah le kan ruahsanmi kumkhua nunnak cu kan ta a si theinak dingah a si.
8 Hi thu cu thudik a si.
Hi thu pawl hi thupi an si tiah a hleice ih na ruah dingah ka duhmi a si. Ziangahtile Pathian a zumtu pawl cun thilòha tuahnak ah an tikcu hmang ding an si. Cumi cu mi hmuahhmuah hrangah a òhami le santlaimi an si.
9 Sikhalsehla atthlak thuelawknak, pupa hmin cazin sau zetzet thu elawknak, tawhawknak le Daan thuelawknak pawl cu hrial aw. Cumi pawl cu òhathnemnak le man neihnak zianghman a um lo.
10 Òhenòheknak a suahtertu kha ralrinnak a mal bik ah vei hnih pe ta aw; cuih hnu ahcun a pawl khal pawl nawn hlah.
11 Cubangtuk minung cu mi borhbah le misual a si, ti na thei ih a sualnak in hnonmi a siter.
A Netnak Thucah
12 Na hnenah Artemas, asilole Taikhikas ka rak thlah ve tein Nikopolis ah zamrang tein i ra tong aw. Ziangahtile cutawkah thlatang sung ka um ding.Ref 3.12 Tirh 20:4; Efe 6:21-22; Kol 4:7-8; 2 Tim 4:12;
13 Apollos le sih-ni Zenas khualtlawn an thawh tikah rak bawm awla an òulmi hmuahhmuah rak tawlrel sak aw.Ref 3.13 Tirh 18:24; 1 Kor 16:12;
14 Kan milai pawl cu thilòha tuahnak ah an caan hmang hai seh; cutiin an tuah asile a òulnak ih kipah mi an bawm thei ding. Santlaihnak nei lo ih um men ding an si lo.
15 Ka hnenih a ummi pawl in cibai an lo buk. Zumnak sungih in duhdawtu pawl kha cibai in rak buk sak aw.
Nan zate hnenah Pathian zangfahnak um hram seh.