TITAS
(Titus)
Hnenih Paul Cakuat
Thuhmaihruai
Titas cu Zentail mi a si ih Khristian a can hnuah Paul ih hnaòuanpi le bawmtu ah a cangmi a si. Titas hnenih Paul cakuat hi Krete tikulh ah Titas a um lai ih a kuatmi a si; cutawkah kawhhran hotu dingah Paul in a taan. Hi cakuat hin thil pathum a langter:
(1) Kawhhran hruaitu upa pawl ih neih òulmi nuncan ziaza kha Titas hnenah a sim. Theihtersal a òulnak cu Krete mi pawl hi òhatlonak lamah hminthangmi an si ruangah a si.
(2) Kawhhran sungih a ummi pa upa, nu upa (hi nu upa pawl cu mino nunau pawl zirh lehtu dingah timi an si), mino pawl le sal pawl tla ziangtiih zirh ding a si, ti thu ruahnak a pek.
(3) A netnak ah Paul in Titas kha Khristian nuncan thu a zirh. A thupi bik ah mi thawn rualrem teih pawl thei ding a òulnak, huatawknak hrial ding, thu elawknak le kawhhran sungih òhenòhek awknak thu pawl hi hrial dingah ruahnak a peknak a si.
1
Pathian hnaòuantu le Jesuh Khrih ih tirhthlah keimah Paul in ca ka lo kuat.
Pathian ih a hrilmi a minung pawl an zumnak fekter dingah le kan biaknak thutak sungih hruai dingah Pathian in i hril ih i thlah. Cuih kan biaknak cu kumkhua nunnak ruahsannak sungah hram a bunmi a si. Thuphan a per dah lomi Pathian in hi nunnak cu leilung sem hlan ihsin in tiamkam zomi a si ih, a tikcu a kim tikah cumi cu a Thuthang sungin a hun langter. Cumi cu ka hnenah i pek ih in Runtu kan Pathian ih thupeknak bangtukin ka phuang.
Zumnak bangrep kan neihmi sungah ka fa ngaingai a simi Titas na hnenah hi ca hi ka ngan.Ref 1.4 2 Kor 8:23; Gal 2:3; 2 Tim 4:10;
Kan Pa Pathian le in Runtu Khrih Jesuh in zangfahnak le daihnak lo pe hram seh.
Krete Tikulh Ih Titas Hnaòuannak
Krete ah òuan òulmi pawl òuansuak dingah le khuakip ih kawhhran upa ret dingah Krete tikulh ih ka lo tantanak cu a si. Ka thuzirhmi kha ciing ringring aw. Kawhhran upa cu mawhthluknak nei lomi siseh, ; nupi pakhat lawng a neimi siseh, a 1:6 * Nupi pakhat lawng a neimi siseh, timi hi Nupi vei khat lawng a òhi mi siseh, ti tla a si thei. a faale pawl cu zumtu si hai sehla puarthaunak le thu ngailonak lamih thangsia lomi si hai seh.Ref 1.6-9 1 Tim 3:2-7; Kawhhran hruaitu cu Pathian hnaòuan ah òuanvo neitu a si ruangah mawhthluknak um lomi a si pei. Mi puarthau le mi thintawi, zurit hmangmi, mi helhlong le paisa duhham mi a si lo pei. Mikhual le mileng zohthiamtu a si pei ih thilòha a ngaina pei. A uk aw theitu a si pei; miding, mithiang le ziaza òhami a si pei ih sup theinak neimi a si pei. Kan zumnak hram thawn a mil aw mi le rin tlak a simi kan Thuthang kha hnget zet in a pomtu a si pei. Cuticun midang pawl kan zirh awkmi thudik thawn thazang a pe thei dingih cuih thudik a eltu pawl ih palhnak khal a langter thei ding.
10 Uk theih lomi tam zet an um ih cumi pawl cu Judah biaknak ihsin Khristian biaknak ih a ra lutmi sungin an tam cuang. Cupawl cu òong tam pawl an si ih thuphan thu in mi tampi an bum. 11 Cupawl cu kham an òul; ziangahtile zirh lo dingmi an zirh ruangah innsang tampi an buaiter ih cutiih an zirhnak cu ningzakza a simi paisa duhnak men ruangah a si. 12 Anmah Krete mi lala profet a si vemi in, “Krete mi cu thuphan per an si, ramsa bangtuk miòha lo, zaangzel le mihrong an si,” a rak tiih, 13 cuti a timi cu a dikmi a si. Curuangah annih cu napi in kawk awla cuticun zumnak dik an nei ding. 14 Culawng in Judah mi pawl ih neihmi thuanthu menmen le thudik a hnongtu pawl ih an rak kenmi milai ih thukham pawl kha zianghman ah an siar nawn lo ding. 15 Mithiang pawl hrangah cun ziang hmuahhmuah hi a thiang òheh; sikhalsehla miborhhlawh le a zum lotu pawl hrangah cun, an thinlung a borhbah ruangah zianghman a thiangmi a um lo. 16 Anmah cun Pathian theitu kan si an ti aw; sikhalsehla an òuanmi le an tuahmi in a zulhpeh lo. Mitkemza in an um, zianghman thu an ngai lo ih ziangvek thil òha tuahtu ding hmanah an tlak lo a si.