3
Netabik Ni Ih Ralrin Ding
1 Ni neta lam ahcun harsat caan tampi a thleng ding ti kha ciing ringring aw.
2 Mi tampi an tirh a fak ding, an hamòam dingih an hngal an puarthau ding. Mi an hmuhsuam ding, an nu le an pa ih thu khal an el ding, lungawi hna an thiam lo dingih biaknak khal ziangah an siar lo ding.
3 Mi zangfah an thiam lo ding, mizawn ruahnak an nei lo ding, mi thangsiat duhtu an si ding, mithawi le mivelh duh an si dingih òihnungza an si ding. A òhami an hua ding.
4 Mi zuarthlai le mi phiarhmang an si dingih helhlong ih a nungmi an si ding; an uang aw hngialhngial dingih Pathian hnakin an tisa nomnak an duh sawn ding.
5 Kan biaknak hi a lenglam cun an pom ding; asinain a sunglam ih a cahnak hmual ngaingai cu an hnong ding. Cubangtuk minung pawl cu kom hlah uh.
6 Cubangtuk hrekkhat pawl cu midang inn ah lut tahrat in sualnak thilrit a phurtu nunau pawl, taksa hiarnak ih a neh duahdomi le,
7 thutak theih duh ah a zir rero nain a thei thei lomi nunau òawnòai pawl kha an va nehsawh, an va hmuhsuam òheu a si.
8 Jannes le Jambresb 3:8 * Jannes le Jambres timi hi Judah mi thuanthu ah Moses a dodaltu Izipt mitkherh thiam an si, tiin a um. cu Moses dodaltu an si vekin himi pawl cu thutak dodaltu an si. Hi pawl cu òha tein thu a ruat thei lomi thinlung dik lo le an zumnak ah a tlasammi an si.Ref 3.8 Suah 7:11, 22; 9:11;
9 An tumtahmi ah hlapi an thleng lo ding; ziangahtile mi hmuahhmuah in an aatnak kha an thei mai ding. Jannes le Jambres khal cuvek rori an rak si ve.
Netabik Nun Zirhnak
10 Nang cu ka thuzirhnak, ka ziaza le ka nun sungih ka tumtahmi na hmu ih na thlun zo. Ka zumnak, ka thinsaunak, ka duhdawtnak le ka tuar theinak,
11 hremsiat ka tonnak le harsatnak ka tuarmi pawl tla na hmu zo. Antiok, Ikoniam le Listra khua ah hremsiatnak nasa zet ih ka tuarmi pawl cu na theih òhehmi an si. Sikhalsehla Bawipa in cuih sung ihsin i hum suak.Ref 3.11 Tirh 13:14-52, 14:1-7, 8-20
12 Zovek khal Khrih thawn a pehzom awknak in Pathian duh zawng ih nun a tumtu cu hremnak a tong lo ding.
13 Cule miòha lo le mi hrokhrawl pawl cu a sia lam an pan vivo ding; mi an bum vivo dingih anmah khal bum an si ve ding.
14 Sikhalsehla nang cu na zir zomi le hngetkhoh zet ih na zummi thutak pawlah khan hnget zet in ding ringring aw. A lo zirhtu saya pawl zo an si, ti na thei ih,
15 Ca Thianghlim cu na nauhakte lai ihsin na thei zo ti kha hngilh hlah aw. Cuih Ca Thianghlim cu Khrih Jesuh na zumnak sungin rundamnak ah a lo thlentu, fimnak a lo petu a si.
16 Ca Thianghlim hmuahhmuah hi Pathian ih thawkhummi a sic 3:16 * Ca Thianghlim hmuahhmuah hi Pathian ih thawkhummi a si timi hi Pathian ih thawkhumnak in nganmi hmuahhmuah cu Ca Thianghlim an si ti khal a si thei. ih thutak zirhnak, zirh sual simfiannak, a sualmi remsalnak ah le ding teih nitin nunnak ih zirhawknak ah a òha.
17 Cutiih Pathian hna a òuantu cu mi tlamtling a si dingih thil òha phunzakip tuah dingah thuam famkim neimi a si ding.