TIMOTE
(2Timothy)
Hnenih Paul Cakuat Pahnihnak
Thuhmaihruai
Paul in Timote hnenih a cakuat pahnihnak sungah Timote cu mino a si ih a rualpi le bawmtu a si bangtukin pumpak ruahnak pekmi tampi a tel. A thu tumtah bikmi cu: Tuartheinak thu a si. Timote kha Jesuh Khrih thu theihpitu a sinak ah rinsan tlak zet ih òang dingah ruahnak a pek ih thazang khal a pek. Thuthangòha zirhnak dik le Thukam Hlun khal òha tein kaihnget dingah, dodaltu le harsat tuarnak tampi a um khalle Thuthangòha phurtu le zirhtu òuanvo nei dingah a forh ih tha a pek.
Timote cu, “Aatthlak le ziang thei lo thu elawknak,” sungih tel ve pang ding kha òih a nun zia thu a sim ih ralrinnak a ce in a pek. Cubangtuk thu elawknak hin òhatnak zianghman a suahpi lo, a ngaitu pawl a siatsuah men a si, ti thu a sim.
Paul in Timote thucah a duh bikmi cu: Amah Paul nunnak le tumtahmi ­zumnak, thinsaunak, duhdawtnak, tuartheinak le hremnak tuar theinak tla kha zohòhim dingah a theihtersal a si.
1
Khrih Jesuh thawn kan pehzom awknak ruangih in tiam cia mi nunnak thu phuang dingah Pathian lungkimnak in Khrih Jesuh ih tirhthlah keimah Paul in, ka duhdawtmi ka fapa Timote na hnenah ca ka lo kuat. Pathian kan Pa le Khrih Jesuh kan Bawipa in ngilneihnak, zangfahnak le daihnak lo pe hram seh.Ref 1.2 Tirh 16:1
Lungawi Thu Le Thazang Peknak
Ka pu le ka pa ih an rak rianmi le thinlung thiangte ih ka rian vemi Pathian hnenah lungawi thu ka sim. A sun a zan ih ka thlacamnak ih nangmah ka lo theihtinte in Pathian hnenah lungawi thu ka sim a si. Na mitthli a tlak kha ka cing ringring ih ka lungawinak tlamtling dingin lo tong thei ningla ti ka duh zet. Zumnak fel na neihmi kha ka ciing ringring. Cuih zumnak cu na pi Lois le na nu Zunis in an rak neihmi zumnak a si. Atu khalah cuih zumnak cu na nei lai a si, tiin ka zum.Ref 1.5 Tirh 16:1; Curuangah na lu parih kutsuannak ka tuah lai ih Pathian ih a lo pekmi laksawng kha nung ringring dingin kilkhawi aw tiah ka lo theihternak a si. Ziangahtile Pathian ih in pekmi Thlarau in òihhrutmi ah in tuah lo; cahnak huham, duhdawtnak le mah le mah uk awk theinak in, in khatter sawn a si.
Kan Bawipa ih thu cu mi sim dingah na ningzak hlah. Khrih hrangih thawng a tlami keimah ih hrang khalah na ningzak hlah. Pathian ih thazang a lo pek vekin Thuthangòha hrangah zonzaihnak tuar ngam sawn aw. Pathian in amah ih minung si dingah in ko ih in rundamsuak zo. Cutiih in rundam suaknak cu kanmah tuah theimi kan neih ruangah a si lo, a zangfahnak le tumtahnak a neihmi ruangah a si sawn. Hi a zangfahnak cu Khrih Jesuh hmangin caan hramthok hlan ihsin in rak pek zo. 10 Asinan in Runtu kan Bawipa Khrih Jesuh a ratnak sungin atu ah kan hnenah a langter a si. Thihnak ih hmual cu a cemter ih Thuthangòha sungin kumkhua nunnak a langter zo.
11 Pathian in Thuthangòha phuang dingah tirhthlah le zirhtu ah i hril zo.Ref 1.11 1 Tim 2:7; 12 Hibangtuk ih ka tuarnak cu cutiih in hrilnak ruangah a si. Sikhalsehla ka rinsan ngah-mi hi zo a si, ti ka theih ruangah hnangam lunghmuinak ka nei. Curuangah a kut sungih ka kiltermia 1:12 * A kut sungih ka kiltermi timi hi Ka kut sungih i kiltermi ti khal a si thei. thil cu cuih Ni a thlen tiangin him tein amah in a kilkhawi ding tiah fiang tein ka thei. 13 Ka lo zirh cia mi thudik cu hngetzet in kai òha awla na thlun ding le na zohòhim dingah re òha aw. Khrih Jesuh thawn kan pehzom awknak ruangih kan ta a simi zumnak le duhdawtnak sungah um ringring aw. 14 Kan sungih a nungmi Thlarau Thianghlim ih cahnak in na hnenih a lo pekmi thil òha pawl cu kil òha aw.
15 Asia peng sungih a ummi hmuahhmuah in, in dungtun ih in tlansan òheh zo ti cu na thei. Cuih sungah Figelas le Hermogenes khal an tel. 16 Asinan Onesiforas cun vei tampi ka thin i nuamter ruangah Bawipa in a zangfahnak cu a innsang sungah thlenter hram seh. 17 Thawng sungah ka um nain i zahpi lo ih Rom khua a ra thlen ve tein i hmuhsuak hlan lo i hawl ciamco. 18 Khi Ni ah Bawipa in zangfahnak pe hram seh. Cule Efesa khua ah ziangtlukin ka hrangah hna a òuan ti khal fiang tein na theihmi a si.