6
1 Sal in a bawi cu upat pek tlak a si, tiin ruat seh. Cutiin a tuah asile zohman in kan Pathian hmin le kan thuzirhnak hi an relsia lo ding.
2 An bawi pawl Khristian an si tikah sal pawl in, “Khristian kan unau an si ve paam,” tiah hmuhsuam hlah hai seh. An hnaòuan kha òha sinsin in an òuan ding sawn a si; ziangahtile an hnaòuanmi òhathnemnak a cotu pawl cu an duhdawtmi zumtu pawl an si.
Zirhtu Sual Le Lennak Taktak
Hibangtuk in thu na zirh dingih na sim ding.
3 Zokhal kan Bawipa Jesuh Khrih òong a dikmi le kan biaknak ih zirhmi thawn a mil aw lomi thu mi a zirhtu cu,
4 zianghman thei hnai lo ih mi puarthau men a si. Cupa cu òongfang pakhat thu khalah elawknak le tawhawknak a duh ih lungkim ti a nei lo. Cumi cun iksiknak, thutamnak, minautatnak, mi zum lonak le,
5 thutak a pom thei lomi le thinlung in thu a ruat thei tuk nawn lomi pawl thawn cat lo ih thu elawknak a suahter. Biaknak hi lennak lamzin pakhat a si tiin an ruat.
6 Biaknak in minung cu a lianter taktak, a neihzat parih lungkimnak a neih phot ahcun!
7 Kan suah pek lai ah hi leilung parah ziangso kan suahpimi a um? Zianghman a um lo! Hi leilung ihsin kan ken theimi ziangso a um? Zianghman a um lo!
8 Cuti a si ruangah ei ding rawl le hruk ding hnipuan kan neih ahcun kan hrangah a tawk a si.
9 Sikhalsehla len a duhtu pawl cu sualforhnak sungah an tla ih aatthlak hna le òihnungza a simi tisa duhnak thang sungah an awk aw. Cumi cun siatnak le hloralnak sungah a hnuk thla a si.
10 Ziangahtile paisa duhtuk cu sualnak phunkip thoktu hram a si. Mihrek cun paisa neih an duhtuk ruangah an zumnak an tlansan ih, riahsiatnak in vei tampi an thinlung a kuaiter.
Pumpak Zirhawknak
11 Sikhalsehla nang cu Pathian minung na si ruangah himi pawl hi hrial aw. Dingnak, thianhlimnak, zumnak, duhdawtnak, tuartheinak le lungnemnak pawl nei dingah napi in zuam aw.
12 Zumnak hrangih doawknak ahhin na tha neih patawp suah aw. Theihpitu tampi mithmuh ah na zumnak felfai zet ih na rak phuan tikah Pathian ih a lo kawhsannak a simi kumkhua nunnak hi kai-hnget aw.
13 Ziang hmuahhmuah nunnak a petu Pathian le Pontias Pilat hmaiih a zumnak felfai zet ih a phuang theitu Khrih Jesuh hmaika ah ka lo fial:Ref 6.13 Joh 18:37
14 Kan Bawipa Jesuh Khrih a langsal Ni tiang hi ka thupek pawl hi famkim le fel zet in thlun aw.
15 Cuih Ni cu, sunloih a simi le amah pakhat lawng thil hmuahhmuah Uktu a simi, siangpahrang lakih Siangpahrang bik, bawi lakih Bawi bik a simi Pathian in, a khiah cia mi caan ah a kimter ding.
16 Amah lawng hi thih ni nei lo Pathian a si; a ceennak hmun cu a tleu tuk ih zohman in an naih thei lo. Amah cu zohman in an hmu dah lo; zohman in an hmu thei lo ding. Kumkhua cahnak huham le upatnak cu a hnenah um camcin seh! Amen.
17 Milian pawl kha, “Leilung thilri sumsaw nan neih ruangah puarthau ding a si lo,” tiah thu sim aw. Rinsan tlaklo leilungtlun lennak ah an ruahsannak bun ding a si lo; kan nomnak hrangah ziang hmuahhmuah siang zet in, in petu Pathian ah bun sawn hai seh.
18 Thil òha tuah dingah le hnaòuan òhatnak ah milian si sawn dingah le tirhsiangmi an si ih an neihmi kha midang hlawm siang dingah ralrinnak pe aw.
19 Cubangtuk in an thlun thei a si ahcun, hmailam hrangih hram òha a buntu an si dingih ro sunglawi an khawl ding a si. Cuticun nunnak taktak cu an co suak ding a si.
20 Timote, na kilkhawi dingah na kut sungih apmi hmuahhmuah kha him tein kilkhawi aw. Upat hmaizahnak zianghman tel lo, aatthlak thu elawknak, mi hrekkhat in “Fimthiamnak,” tiah a dik lo zawng ih an timi òong pawl cu hrial aw.
21 Ziangahtile mi hrekkhat in cumi cu kan co ngah an ti ih zumnak lamzin ihsin an pial a si.
Pathian zangfahnak cu nan zate hnenah um hram seh.