5
Zumtu Dang Pawl Parih Òuanvo
1 Upa pawl kha va kawk hlah; na pa vekah ruat in neemte in forh hai aw. Mino deuh kha na unau ah ruat aw.
2 Nunau upa deuh cu na nu bangtuk ah ruat awla, nunau no deuh pawl cu thinlung thiangte in na farnu bangtuk ah ruat aw.
3 Mahte lawng khua a sami nuhmei pawl kha upat aw.
4 Sikhalsehla nuhmeinu in faate asilole tu a neih ahcun a hmaisabik ah cuih tu le fa pawl cun an nu le an pa, asilole an pi an pu pawl kha an daan ih a fial vekin kilkhawi hai sehla cawm ve hai seh. Ziangahtile cumi cu Pathian lungawitertu a si.
5 Mahte lawng khua a sami nuhmei cu, kilkhawitu zohman a neih lo ruangah, Pathian lawng a rinsan ih a sun a zanin thla a cam ih bomnak a dil.
6 Sikhalsehla tisa nomnak hrangih a taksa a hmangmi nuhmei cu a nung cingin a thi a si.
7 Nuhmei pawl cu zohman ih mawhthluk lomi an sinak dingah hi thuzirhnak pawl hi rak sim aw.
8 Sikhalsehla mi pakhat cu a sungkhat, amah ih innsang sung hman kilkhawi lo in zianghman ah a siar lo a si ahcun a zumnak a dungtun a si ih zum lotu hnak hman in a sual sawn a si.
9 Ziangbangtuk nuhmei hman kum sawmruk tlun a si lo ahcun nuhmei cazin sungah telh hlah. Cuih tlunah cuih nuhmeinu cu vei khat lawng pasal a neimi siseh, .f 5:9 * vei khat lawng pasal a neimi timi hi a pasal ih zum tlak in a nungmi ti khal a si thei.
10 Hnaòuan òhatnak ah hmin a neimi si seh. Hnaòuan òha timi ahcun: A faate a kilkhawi thiamtu, mikhual zoh thiamtu, hnaòuan nauta bik kekholh khal Khristian unau parah a òuan zuamtu, harsat mangbang an ton caan ah mi a bawmtu, le thilòha tuah ah a tikcu le a thazang a petu, timi pawl hi an si pei.
11 Sikhalsehla nuhmei no deuh pawl cu nuhmei cazin sungah rak telh hlah. Ziangahtile pasal neih an duhsal tikah Khrih kha dung an tun òheu.
12 Cuticun Khrih hnenih an thukammi an siatbal ih mawhthluk an tong.
13 Culawng si lo in inn khat hnu inn khat ah an vak ih a lak in an tikcu an cemter. Cu hnakih a sia sinsin cu: An òong a tam, mi an relsia, mi tinkim an tokhrok ih òong lo ding khal an òong.
14 Curuangah kum no deuh nuhmei pawl cu pasal nei hai sehla faate tla nei in an inn kilkhawi hai seh ti ka duh. Cuti asile kan ral pawl in kanmah thangsiatnak caanòha an ngah lo ding.
15 Ziangahtile nuhmei hrekkhat cu Satan thlun duh ah in tlansan zo.
16 Sikhalsehla Khristian nunau in a innsang ah nuhmei a neih ahcun kawhhran phurh ritter lo dingin amah in cawm seh. Cuticun cawmtu nei lo ih khua a sami nuhmei taktak pawl kha kawhhran in a zoh thei ding a si.
17 Kawhhran Hruaitu, hnaòuan òha a òuantu cu òuan man a let hnih in ngah tlak an si. Cuih hruaitu lakah thusimnak le thuzirhnak ih a zuam zet pawl cun ngah tlak an si cuang.
18 Ziangahtile Ca Thianghlim in, “Fang a cil rerotu cawcang a hmur òem hlah,” a ti ih, “Hnaòuantu cun a òuanman ngah ding a si,” a ti.Ref 5:18 Daan 25:4; Mat 10:10; Luk 10:7
19 Thutheitu a mal bik pahnih tal an um lo ahcun kawhhran hruaitu mawh an puhnak cu ngai duh hlah.Ref 5.19 Daan 17:6, 19:15;
20 Sualnak a tuahtu pawl cu misenpi hmaiah kawk awla midang in an òih deuh ding.
21 Pathian le Khrih Jesuh le a thianghlim vancungmi hmaika ah ka lo fial: Ziang na tuah khalle zohman thleidannak le duhdannak um lo tein hi thuzirhnak pawl hi rak thlun aw.
22 Bawipa ih hnaòuantu dingah zo par hmanah nawt-sa-ling in kutsuannak va tuah hlah. Midang tuahmi sualnak ah va tel hlah; thianghlim tein um aw.
23 Tidai lawnglawng in lo in na pum na le na nat dang nuam deuh dingah sabitti maltete in rak in aw.
24 Mi hrekkhat an sualnak cu fiang tein a lang ih thuòhennak ah an sualnak cu anmah ih hlanah a thleng hmaisa; sikhalsehla midang sualnak cu neh hnupi lawngah a lang.
25 Cubangtuk in hnaòuan òha cu fiang tein a lang ih a lang hrih lomi khal thuh-ralta a theih lo.