4
Zirhtu Sual
Caan neta lam ahcun mihrek in Khristian thurin hi an taan ding; bumtu thlarau an zum dingih khawsia ih zirhnak an thlun ding, tiah fiang tein Thlarau in a sim. Cubangtuk zirhnak cu thuphanper mibum thiam pawl in an zaiter. An siaòha thleidannak thinlung cu thirling ih holh kangmi bangin a thimi a si. Cuih pawl cun nupa òhitawk le rawl òhenkhat pawl ei tla a òha lo tiin an zirh. Sikhalsehla Pathian in cuih rawl pawl cu ei dingah a tuah ih Pathian a zumtu le thutak a theitu pawl hrangah cun lungawi thlacamnak thawn ei dingah a òhami a si. Pathian ih a tuahmi hmuahhmuah cu an òha òheh; zianghman hnon ding an um lo. Sikhalsehla ziang hmuahhmuah cu lungawi thlacamnak thawn cosaan ding a si; ziangahtile Pathian ih thu le thlacamnak in a thiang ah a canter.
Khrih Jesuh Riantu Òha
Hi zirhawknak hi Khristian kan unau pawl na sim a si ahcun Khrih Jesuh riantu òha na si ding. Nangmah khal na thlun rero zomi a dikmi thuzirhnak le zumnak òongkam ihsin thlarau lamah na cawm aw a si. Asinan Pathian thu thawn pehtlaihnak zianghman a nei lomi simrel tlak lo thuanthu menmen pawl cu hrial aw. Pathian duh zawng ih nung dingin zirh aw ringring aw. Taksa harhdamnak ih zirmi cu man a nei ve ko nain thlarau harhdamnak hrangih zirmi cu ziangtinkim in man a nei. Ziangahtile atu ah siseh, hmailam hrang khalah siseh, in tiamkammi cu nunnak a si. Hiti ka simmi hi a dikmi òong a si ih zum tlak le co tlak an si. 10 Rethei zet le harsa zet in hna kan òuan; ziangahtile kumkhua in a nungmi Pathian parah kan ruahsannak kan bun. Cuih Pathian cu mi hmuahhmuah Rundamtu a si ih amah a zumtu pawl hrangah a si hleice.
11 Hi thlun dingmi le thuzirhnak pawl hi sim awla zirh aw. 12 Mino na si ruangah zohman in lo nautat hlah hai seh. Sikhalsehla na hmurka na òongdan, na umtlan na ziaza, duhdawtnak le zumnak le thianhlimnak khalah zumtu dang pawl ih zohòhim dingin nung aw. 13 Na hnen ka ra thlen hlan sung cu misenpi hnenah Ca Thianghlim siar awla, thusimnak le thuzirhnak in na tikcu le na thazang rak hmang aw. 14 Profet pawl in thu an phuang ih upa pawl in na lu tlunih an kut an suan zawng ih na ngahmi thlarau laksawng kha thlahthlam hlah. 15 Na òhanso zia kha mi hmuahhmuah ih an hmuhnak dingah himi pawl hi na tikcu le na thazang pe in hmang aw. 16 Na nundan ralring awla na zirhmi tla ralring aw. Himi pawl hi cat lo in tuah aw. Na tuah ringring thei a si ahcun nangmah le na thusimmi a theitu pawl kha na rundam ngah ding a si.