7
Mipa
A cungsin ce leengnu na si,
Vai tuah kedam hruk nang na mawi;
Na cawn mawi ee, vaimi thiam thil
zung suakte bang.
Rimhmui catlo a umnak sabit kheng,
Cuih khengte bang na lai mawi ee;
Lili pangpar mawite ih kulhmi,
Sangvut teel hluum bang in
na pum mawi ee.
Na siangòaang ih pawhte tla cu,
Zukneng faphirte vek an si.
Saiho innsang a bang na hngawng,
Heshbon khuapi kotka kiangih,
Tili bangtuk na mit a si;
Damaskas khuapi ral an vennak,
Lebanon ram ralven innsang,
Bang mi duhnung
hnar mawi na nei.
Karmel tlang bang na lu saangah,
a khai deudi;
Na sam phiar mi pat femte naal,
bang in a tle;
A mawinak in siangpahrang lungthin
a kai thei.
 
Na cuan a mawi, na hmel a òha,
Za lung hnem thiamtu na duhnak.
Zoh mawi tuumkung bang iang na nei,
Na siangòaang ah tumrah bor
bang pawhte a um.
Tuumkung parah kai in
a rah cu lo hnik lang,
Ka hrangah cun na pawhte cu,
sabit rah bawrte vek a si.
Na thawthawt,
Epal rimthaw bang.
Na kaa rim cu sabitti thlum bik
khi a bang,
Sabitti luang detdo seh,
lung ka duh hnenah,
A hmur a ha tiangin lon seh.
Nunau
10 Kei cu in ngaitu ih ta ka si,
A hiar mi cu kei ka si.
11 Duhte ra aw, ramdai thiang ah va
leeng tlang in,
Lai lungrawn khua ah
cam uh si.
12 Zingthlapit in tho in sabit kung
zoh uh si;
Cerh thlang in par thlang hai maw
ti khi va zoh in,
Taleti par thlang hai maw tin,
A cuih hmuan ah lungsung
duh bia thu lo ruah lang.
13 Leeng-ai rah par rimhmui
na hnim thei ding,
Kan sangka kiangah thing rah tinkim
an um ding;
Lung ka duh aw, nomnak hlun le
nomnak thar tla,
Na hrang siseh, ti in ka ret.