4
Mipa
1 Mawi sersi ee, ka duh bik cu,
Na lu tuamnak puanmawi phen ih
Duhnak khat mi na mit sersi,
Gilead tlang in merual tlan bang
Na samthlai rem zam sialso hai.
2 Meh le kholhfai mi tuuhmul bang
Na ha tianrem vaarte in an fai;
A beuh um lo rem thliahthli hai.
3 Patsen hlaar bang na hmur a mawi,
Na òong mawite khawh a
theih lo;
Na lukhuhnak puan naal phen in,
Na biang note a lang cemci.
4 Na hngawng, David lungdawl
sang bang,
Ngil ih a hluum zetmi a bang;
Ralphaw thawngkhat baannak bangtuk,
Hlawnthil òhirual erhnak a si.
5 Na siangòaang ih pawhte tla cu,
Lili pangpar mawi bik lakih,
Zukneng faphir pawhfawp an bang.
6 Mura zihmui tlang cung parah,
Cuih rimhmui tlang ah ka um
ding;
Zinglam thlizil a hran tik le,
Khawfing a cah tiang ka um ding.
7 Ka duh bikmi na mawi zia hi!
Soi ding um lo in na mawi hleice!
8 Lebanon tlang in i thlun aw,
ka ham cia mi;
Lebanon ihsin rung hram aw;
Kiosa le tlavang pawl an umnak
Amana Tlang, Senir tlang le
Hermon tlang ihsin rung òum aw.
9 Zoh khop thei lo ka thainu ding,
Na òaang cung òhi erhmi tla in,
Ka lung thinril hmuah in a lak.
10 I duhnak in ka lung ngamter,
Ka lunghnemtu le ka ham cia;
I hnamnak cu sabit hnakin
a thlum sawn;
Na zihmui cu ziangdang hnakin
a rim a hmui sawn.
11 Ka duh bikmi,
Na hmur khuaitizu
bang in a thlum;
Na òong ka hrang hnawi le
khuaitizu bang an si.
Na thilthuam cu Lebanon rimhmui
12 Ka thinhnemtu, ka ham cia mi,
A thup lakih hmuan vek a si;
Kulhmi hmuan le mai'h bul cerhti;
13 A cutawkah hanghnah ziangkim
mawite in an cerh;
Hmangthaw rahnak taleti hmuan
bang in an ciing;
Hmangòha bik in a rah a suak.
14 Henna le nard, saffron le,
Kalamus le sinamon pawl,
Rimhmui phunphun an kim a si.
Mura le aloi tla an um,
Rimhmui bik phun tiangin an kim.
15 Cerhti put le tiva luang in
Cuih hmuan cu an hningter ringring;
Lebanon tlang ihsin rung luang,
Tiva pawl in ciarter ringring.
Nunau
16 Maw saklam thli,
nang òhang thlang aw;
Maw thlanglam thli,
ka hmuan hran aw;
A sungah rimhmui khatter aw;
Lung ka duh val
a hmuan pan seh,
A hmang thlum bikmi rah ei seh.