5
David Cu Israel Le Judah Siangpahrang Ah A Cang
(1 San 11:1-9; 14:1-7)
Israel miphun pawl hmuahhmuah cu Hebron ih David hnenah an ra ih, “Kannih cu na thi le na sa kan si. Kan dunglai ih kan siangpahrang Saul a rak si lai ah, Israel mi pawl cu raldonak ah na hruai ih, Amah Pathian rori in a minung pawl tuukhal bangin kilkhawitu dingah le uktu dingah a lo kam a si,” tiah an ti. Curuangah Israel mi hotu pawl hmuahhmuah cu Hebron khua David hnen ahcun an ra. Pathian hmaika ah David in anmah thawn thukamnak a tuah ih Israel siangpahrang ah David cu hriak an culh. David cu siangpahrang a can tikah kum sawmthum a si ih kum sawmli sung siangpahrang a òuan. Hebron ihsin Judah ram cu kum sarih le a hrek a uk ih, Jerusalem ihsin Israel le Judah ram zate in kum sawmthum le kum thum a uk a si.Ref 5:4, 5 2 Siang 2:11; 1 San 3:4; 29:27;
David le a ralkap pawl cu Jerusalem khua nam dingin an feh. A cuih khua ih a rak ummi Jebus mi pawl in David cun in neh dah lo ding, tiah an ruat ih, “Na lut thei dah lo ding; mitcaw le kebai mi khalin an lo kham thei ding,” tiah an rak ti.Ref 5:6 Jos 15:63; Thuò 1:21; Sikhalsehla David in Zion khua ih ral pawl an òannak ruhkulh cu a lak òheh ih Zion khua cu David ih khuapi ah a cangta.
Cuih sun ah David in a milai pawl hnenah, “Jebus mi pawl ka huat tluk in a huatu nan um maw? Kan thah thluh le a tawk nan ti maw? Tiluannak kua ah hung feh uhla mitcaw le kebai mi pawl tiangin hung that thluh uh,” tiah a ti. Curuangah, “Mitcaw le kebai mi pawl cu Bawipa ih inn ah an lut thei lo ding,” tiih an tinak a si.
Cule ral òannak ih an sakmi ruhkulh a lak hnuah David cu cutawkah a um ih, “David ih Khuapi,” tiah hmin a sak. Millo an ti mi hmun ihsin a thok ih ral òannak a dawl vivo ih cuih khua kimvel in a dawl òheh. 10 Ziangkimtithei Bawipa Pathian cu a hnenih a um ruangah David cu ni khat hnu ni khat a cak vivo.
11 Òaiar siangpahrang Hiram in an ram ai awh in David hnenah palai a thlah ih David ih inn saknak dingah sidar thing tla a kuat. Inn saktu dingah zungthiam pawl le lung inn dawlthiamtu pawl tla a kuat. 12 Curuangah Israel siangpahrang ah Bawipa Pathian in i nemhnget zo a si, ti le a minung Israel pawl ih ruangah a uknak cu a òhansoter a si, ti kha David in a theifiang a si.
13 Hebron ihsin Jerusalem ih a òhawn hnuah David in Jerusalem ah nupi le nupisun pawl tam sinsin a nei ih fanu le fapa tampi a nei. 14 Jerusalem ih a hrinmi a faale pawl cu Shammua, Shobab, Nathan, Solomon, 15 Ibhar, Elishua, Nefeg, Jafia, 16 Elishama, Eliada le Elifelet tla an si.
Filistin Pawl An Neh
(1 San 14:8-17)
17 David cu Israel siangpahrang a cang zo, ti kha Filistin mi pawl in an theih tikah an ralkap zate in an pok ih David kai dingah an feh. David in cuih thu a theih tikah ral òannak ruhkulh inn ah a vung feh. 18 Filistin ralkap pawl cu Refaim Phairawnb Refraim Phairawn timi hi Mikei Phairawn tiah tla an ti. timi an thleng ih cutawk cu an luah. 19 Cutikah David in, “Filistin pawl hi ka do pei maw? Ka do asile ka neh pei maw?” tiah Bawipa a sut.
Bawipa in, “Feh awla do aw. Nehnak ka lo pe ding,” tiah a ti.
20 Curuangah David cu Baal Perazim ah a feh ih Filistin pawl cu a neh. “Tilian bangin Bawipa in ka ral pawl cu a pah suak a si,” tiah David in a ti. Curuangah a cuih hmun cu Baal Perazim c Baal Perazim ti cu Bawipa in a pah suak tican a si. tiah an ti. 21 Filistin pawl in an milem pawl an tlansan thluh ruangah David le a ralkap pawl in an lak òheh.
22 Cule Filistin ralkap pawl cu Refaim Phairawn ah an ra kirsal ih an luahsal. 23 David in Bawipa cu a ronsal ih Bawipa in, “Hitawk ihsi cun na do lo pei. Heel awla an dunglam in balsam d Balsam thingkung ti cu rah a nei, a rim a thaw mi kung a si ih siti tla a suak ih cumi cu sii tla ah an hmang. thingkung pawl umnak kiang ihsin rak nam hai aw. 24 Thingkung zim parah ke feh thawm na theih asile hmakhat teah nam hai aw. Ziangahtile Filistin ralkap pawl neh dingah na hmaiah Bawipa Keimah ka feh zo tinak a si,” tiah a ti. 25 David in Bawipa ih sim vekin a tuah ih Filistin ralkap pawl cu an tlan ih Geba ihsin Gezer tiang a dawi hai.