24
David In Mipum A Siar
(1 San 21:1-27)
1 Israel parah Bawipa cu a thin a hengsal ih an hnenih harsatnak thlenter dingah David cu, “Feh awla Israel le Judah mi pawl mipum siar aw,” tiah a forh.
2 Curuangah David in a ralkap hotu ralbawi Joab cu a ko ih, “Na kuthnuai ih bawi pawl thawn kan ram khatlam deng Dan ihsin khatlam deng Beersheba tiang feh awla Israel miphun hmuahhmuah mipum va siar aw. Minung ziangzat an um ti a theih ka duh,” tiah a ti.
3 Asinan Joab in, “Maw siangpahrang bawipa, Bawipa na Pathian in Israel mi pawl cu atu hnakin a let za in pungzaiter hram sehla na nunsung ah cumi cu hmu dingin run tuah hram seh. Asinan maw siangpahrang bawipa, ziangahso mipum siar cu na duh?” a ti.
4 Sikhalsehla siangpahrang in Joab le a kuthnuai ih bawi pawl cu a thupekmi vekin a thlunter ih curuangah an suak ih Israel mi siar dingah an feh.
5 Jordan tiva an tan ih Gad ramsung phairawn ih a ummi Aroer khuapi ih thlanglam ah an riak. Cutawk ihsin Jazer ah an hung feh ih,
6 Gilead le Hit ramsung Kadesh ah an hung thleng. Cule Dan an hung thlen hnuah cutawk ihsin nitlaknak lamah an her aw ih Sidon an va thleng.
7 Cuih hnuah ralhruang ih kulhmi khuapi Òaiar khua ah an vung feh ih cutawk ihsin Hiv khuapi pawl le Kanaan khuapi pawl ah an thleng. A netabik ah Judah ram thlanglam bik ih a ummi Beersheba khua an thleng.
8 Cuticun an ram pumpuluk an tlawng òheh ih thla kua le ni kul an rei hnuah Jerusalem khua ah an kir.
9 Siangpahrang hnenah, “Raldo dingin hriamnam a keng theitu mipa cu Israel ram ah thawng zariat an um ih, Judah ram ah thawng zanga an um,” tiah an va sim.
10 Sikhalsehla cutiih mipum siarnak an tuah ngah tikah, David cu a thin a nuam lo ngaingai ih Bawipa ih hnenah, “Thil sual zet ka tuah zo a si. Maw Bawipa, ka sualnak i ngaidam hram aw. Aatthlakza ka tuah a si,” tiah a dil.
11-12 Cutikah David ih puithiam a òuantu, profet Gad hnenah Bawipa ih òongkam cu a ra thleng ih, “David ih hril dingah thil pathum ka pek. Pakhatkhat hril aw sehla a parah ka kimter ding, tiah David va sim aw,” a ti. A thaizing David a thawh tikah,
13 profet Gad cu a hnenah a ra thleng ih Bawipa ih òongmi cu a ra sim. “Hi pathum lakah khuiso na hril ding? Na uk sung hmuahhmuah ah paam kum thum sung thlen maw? Asilole na ral pawl hnen ihsin thla thum sung tlan rero maw? Asilole na ram sungih ni thum sung pulhnat thlen so na hril sawn ding? òha tein ruatta awla, Bawipa ih hnenah va simkir dingah thu i let aw,” tiah a ti.
14 Cutikah David in, “Ka mang a bangtuk aw! Sikhalsehla minung kut sungih thlen hnak cun Bawipa ih kut sungah thleng ninglaw! Ziangahtile Bawipa cu mi zangfah thiam a si,” a ti.
15 Curuangah Bawipa in Israel ram sungah a cuih zing ih thokin a tiamkammi tikcu tiang pulhnat a tlunter. Israel ram pumpuluk ah Israel mi thawng sawmsarih an thi.
16 Cule Bawipa ih vancungmi in Jerusalem khua a siatsuah zik tikah, Israel mi hrem nawn lo dingin Bawipa cu a thinlung a thlengawsal ih mi a that rerotu vancungmi hnen ahcun, “Bang aw! Tawk thlang seh,” tiah a ti. Culaifang ah vancungmi cu Jebus mi Araunah ih fang cilnak puum kiangah a um.
17 Cule Israel mi a that rerotu vancungmi cu David in a hmuh tikah Bawipa ih hnenah, “A mawhtu cu keimah ka si. Thilsual a tuahtu cu keimah ka si. Hi mizonzai na milai pawl in ziang sualnak so an tuah? Na hremnak cu keimah le ka innsang parah thleng sawnseh,” tiah a ti.
18 A cuih ni ah profet Gad cu David hnenah a va feh ih, “Araunah ih fang cilnak puum ah hung feh awla Bawipa ih hrangah biakòheng hung dawl aw,” tiah a ti.
19 Gad ih simmi Bawipa ih thupek cu David in a ngai ih a hung feh.
20 Cule Araunah in a vun zoh tikah siangpahrang bawipa le a kuthnuai ih bawi pawl an hun rero kha a vun hmu. Cuve tein a feh ih David ih hmaiah leilung dai in a kun ih,
21 “Maw siangpahrang bawipa, ziangahso kei na salpa hi i ra len?” tiah a rak sut.
Cutikah David in, “Mi tampi an thihnak pulhnat hi a reh theinak dingah na fang cilnak puum hi lo lei tahrat in Bawipa ih hrangih biakòheng dawl ka duh ruangah ka ra a si,” tiah a ti.
22 Araunah in, “Maw siangpahrang bawipa, na òulmi hmuahhmuah lak awla Bawipa ih hnen ahcun pe aw. Biakòheng parih mei-ur thawinak hrangah hinah cawcang an um. Cun tih ding zanthing ah caw hngawngkol le fang cilnak zial pawl an um,” a ti.
23 Araunah in a neihmi hmuahhmuah cu siangpahrang hnenah a pek ih, “ Bawipa na Pathian in na thawinak cu lo sang hram seh,” tiah a ti.
24 Asinan siangpahrang bawipa in, “A si lo, a man ka lo pe thluh ding. A man zianghman ka pek lomi cu Bawipa ka Pathian hnenih thawinak ah ka pe lo ding,” a ti. Cule Araunah ih puum le cawcang cu ngun tangka sawmnga in a lei.
25 Cutawkah biakòheng cu a dawl ih mei-ur thawinak le remnak thawinak cu Bawipa ih hnenah a pek. Cuticun Bawipa in a thlacamnak cu a ngai ih Israel ram sungih pulhnat cu a reh.