23
David Ih Òongkam Netabik
Jesse ih fapa, Pathian ih a khaisan mi, Jakob ih Pathian in siangpahrang si dingih a hrilmi le Israel mi hrangah hla mawi zetzet a phuahtu David ih òongkam netabik cu hibangtuk in a si:
 
Bawipa ih thlarau in
ka hnen ihsin a sim,
A thu cu ka hmurka ah a um.
Israel ih Pathian cun a sim zo;
Israel humhimtu in ka hnenah:
“Dingnak le Pathian òihzah in,
Mi a uktu siangpahrang cu,
Khawdur um lo zinglamih a tlangmi
ni bangtuk a si,
Ruah a han ih hrampi a tleutertu,
ni bangtuk a si,” a ti.
 
A pelh thei lo dingmi le,
kumkhua ih a hmunmi thukamnak in,
Bawipa in thu i kam zo ruangah,
ka tesinfa pawl cu Pathian in
a thluasuah ding.
Cumi cu ka saduhthah a si;
Cumi cu ka nehnak a si ding,
Pathian in a kimter tengteng ding.
Sikhalsehla Pathian a òihzah lotu cu,
Nelrawn ih hlonhlo mi
hling bangtuk an si.
Kut lawng ih tham theih pawl
an si lo.
Lak ding ahcun hreihriam le
feipi hman a òul;
Meisa ih ur thluh ding an si.
David Ih Ralkap Hminthang Pawl
(1 San 11:10-41)
David ih ralkap hminthang pawl cu hi pawl hi an si: Pakhatnak cu Takhemon mi Josheb Basshebeth a si ih “Mi Pathum,” timi lakah hotu a si. A feipi pakhat thawn ral minung zariat a do ih òum khat ah an zate in a that thluh.
Pahnihnak cu Eleazar a si ih “Mi Pathum,” lakih a tel vemi a si. Amah cu Dodo ih fapa a si ih Ahoh hrin a si. Veikhat ah Eleazar le David in raldo dingih a khawm aw mi Filistin mi pawl cu òih lo in an dinhnawh ngam a si. Israel mi pawl cu an tlanhlo òheh. 10 Asinan Eleazar cu a umnak hmun ihsin a òang ih Filistin mi pawl cu a ralnam in a sat ciamco hai ih a kut a hit òheh ih a ralnam humnak hman pharh thei nawn lo tiangin a that. A cuih ni ah Bawipa in a cak zetmi ral a neh. Cuòheh in Israel mi pawl cu a thi mi pawl ih ralthuam lak ding lawngah Eleazar ih hnenah an rakir.
11 Pathumnak cu Harar mi, Agee ih fapa Shammah a si. Filistin ralkap pawl cu Lehi ah an khawm aw. Lehi ahcun bete lo pakhat a um. Filistin mi in Israel mi pawl cu an dawi thluh. 12 Asinan Shammah cu lo sungih a dinnak hmun in a òang ih lo cu a kil ih Filistin mi pawl tampi a that. A cuih ni ah Bawipa in a cak zetmi ral a neh a si.
13 Lo ih rawlkhawm a cut zik thlang tikah Filistin ralkap pawl burkhat cu Refaim Phairawn ah an um. Cule “Mi Sawmthum,” sungih pathum pawl cu Adullam Lungpuk ah David hnenah an vung feh. 14 David cu ralhruang sungah a um ih, Filistin ralkap burkhat cu Bethlehem ah an um. 15 Cutikah David cu a lung a leng ih, “Aw, Bethlehem kotka kiangih a ummi tikhur ih tidai kha khuat khat talin in petu um hai sehla ka va duh ve,” tiah a hrum ruangro. 16 Cule hminthang zetmi ralkap pathum pawl cun Filistin ral pawl cu an umnak ah an va nor ih tikhur ihsin tidai an khai ih David cu an pek. Sikhalsehla David in a in lo. Bawipa ih hnenah thawinak tidai ah a hmang. 17 “Maw Bawipa, hi tidai cu ziangtinso ka in thei ding?. An nunnak pek ngam ih an khaimi a si ruangah hi tidai ka in ahcun ka ralkap pathum ih thisen in ka bang ding,” a ti. Curuangah a cuih tidai cu in lo in thawinak ah a thlet.
A tlunih porh tlak hnaòuanmi pawl cu hminthang ralkap pathum ih tuahmi an si.
18 Joab ih nau Zeruiah ih fapa, Abishai cu “Mi Sawmthum,” ih hotu a si. Veikhat cu a feipi pakhat thawn ral zathum a do ih a that thluh. Curuangah “Mi Sawmthum,” sungah a hmin a thang ngaingai. 19 Sawmthum sungih hminthang bik a si ruangah an hotu ah a cang. Asinan “Mi Pathum,” pawl cu a tluk lo.
20 Cun Kabzeel khuami, Jehoiada ih fapa, Benaiah cu ralkap hminthang zet le raldonak ih ralòha zet a si. Moab ralkap hminthang zet pahnih tla a that. Vur a tlak sun nikhat ah khur sungah luhhnawh tahrat in kiosa pakhat tla a that. 21 Cule Izipt mi pa mi tum zet, feipi a kengtu pa tla a that. Benaiah cun talhtum thawn a nam ih Izipt pa ih kut sung ihsin feipi cu a long ih amah ih feipi lala cun a thatta. 22 Benaiah ih ralòhat zia cu cubangtuk a si. Amah cu “Mi Sawmthum,” lakih pakhat a si. 23 Sawmthum lakah mi hleice a si. Asinan pathum pawl cu a tluk lo. David in amah kilvengtu pawl hotu ah a ret.
24 Hminthang “Sawmthum,” sungih a telmi midang pawl cu a tanglam pawl hi an si:
Joab ih nau Asahel,
Bethlehem ihsin
Dodo ih fapa Elhanan,
25 Harod ihsin Shammah,
Harod ihsin Elika,
26 Pelet ihsin Helez,
Tekoa ihsin Ikkesh ih fapa Ira,
27 Anathoth ihsin Abiezer,
Hushah ihsin Mebunnai,
28 Ahoh ihsin Zalmon,
Netofah ihsin Maharai,
29 Netofah ihsin
Baanah ih fapa Heleb,
Benjamin ram Gibeah ihsin
Ribai ih fapa Ittai,
30 Pirathon ihsin Benaiah,
Gaash kiang phairawn ram ihsin
Hiddai,
31 Arabah ihsin Abialbon,
Bahurim ihsin Azmaveth,
32 Shaalbon ihsin Eliahba,
Jashen ih fapa pawl,
Jonathan,
33 Harar ihsin Shammah,
Harar ihsin Sharar ih fapa Ahiam,
34 Maakah ihsin
Ahasbai ih fapa Elifelet,
Gilo ihsin Ahithofel ih fapa Eliam,
35 Karmel ihsin Hezro,
Arab ihsin Paarai,
36 Zobah ihsin Nathan ih fapa Igal,
Gad ihsin Bani,
37 Ammon ihsin Zelek,
Beeroth ihsin
Joab ih hriamnam phurtu
Zeruiah ih fapa Naharai.
38 Jattir ihsin Ira.
Jattir ihsin Gareb,
39 Hit mi pa Uriah.
An zate in ralkap hminthang sawmthum le pasarih an um.