15
Absalom Ral A Tho
1 Cuih hnuah Absalom in rangleng le rang pawl a lei ih amah kilvengtu dingah ralkap sawmnga a ret.
2 Zingpit tein a tho ih an khuapi kotka lamzin kiangah a va ding òheu. Siangpahrang in ka thu i relsak seh, tiih a rami thuneitu pakhatkhat a ton tikah Absalom cun a ko ih, “Khuitawkin so na rat?” tiah a sut. Cule thuneitu pa in, “Bawipa, Israel ram cutawk khatawk ihsin ka ra ih cuih phun khaih phun ka si,” tivek in a ti òheu.
3 Cutikah Absalom in, “Ngaita hnik, na thu hi nangmah ih neh ding tengteng a si. Asinan siangpahrang cun na thu hi a lo ruah sak lem lo ding.
4 Aw, hih ram ahhin thuòhentu si ningla ka va duh so. Thuòhentu si ningla thu a neimi le dil ding le sut ding a neimi pawl ka hnenih an rat tikah dik zet le fel zet in ka relsak ding nain!” tiah a ti òheu.
5 A cupa cu upatnak in Absalom hmaiih a ra kun tikah Absalom cun a kut in a hei dawh ih a kuah hnuah a hnam òheu.
6 Ka thu i relsak seh tiih siangpahrang hnenih a rami Israel mi hmuahhmuah cu Absalom in cuticun a rak ti ringring. Curuangah Absalom in an thinlung cu a kuai ngah thluh a si.
7 Kum li a rei hnuah Absalom in siangpahrang hnenah, “ Bawipa Pathian hnenih ka thukamnak bangtukin Hebron ah i fehter hram aw.
8 Geshur ram ih ka um lai ah Bawipai” hnenah, “Jerusalem ih i thlentersal a si ahcun Hebron ah ka lo biak ding,” tiah thu ka kam ta a si,” a ti.
9 Siangpahrang in, “Thlangamtein va feh aw,” a ti ih Absalom cu Hebron ah a feh.
10 Cutikah Absalom in Israel miphun pawl hmuahhmuah hnenah mi a thlah ih, “Tawtawrawt tummi aw nan theih tikah, “Hebron ah Absalom cu siangpahrang a si zo,” tiah nan au pei,” tiah thu a cah thluh.
11 Absalom ih a sawmmi minung zahnih khal amah thawn Jerusalem ihsin an feh ve. Absalom ih thusia ruahmi cu an thei lo. Thinlung thiangte in an feh ko.
12 Cule thawinak a pek rero lai ah Absalom cun siangpahrang David ih thu a ron òheumi pakhat, Gilo khuami Ahithofel a cah ih thawinak a pek lai ahcun a ra thleng. Cutiin siangpahrang an phiarnak cu a nasa deuhdeuh ih Absalom a thluntu khal an tam deuhdeuh.
Jerusalem Ihsin David A Tlan
13 David hnenah mi pakhat a ra ih, “Israel mi pawl ih thinlung cu Absalom lamah a her thluh zo,” tiah a ra sim.
14 Cutikah David in Jerusalem ih a ummi a kuthnuai bawi pawl cu, “Absalom ih kut ihsin luat kan duh asile zamrang in kan tlan a òul. Zamrang uh! Culole hinah a ra thleng lohli dingih in neh ding; khuasungmi cu ralnam thawn a sat dingih kan ci in hmit thluh ding,” tiah a ti.
15 “A si, siangpahrang bawipa; na simmi hmuahhmuah cu kan tuah ko ding,” tiah a bawi pawl in an ti.
16 Cutiin siangpahrang cu a pok ih a innsang le a kuthnuai bawi pawl hmuahhmuah in an thlun. Asinan siangpahrang inn kilkhawitu dingah a nusun pahra cu a tanta.
17 Siangpahrang le a minung pawl cu Jerusalem khuasung ihsin an suak tikah netabik inn ah an cawl.
18 A kuthnuai bawi pawl cu a kiangah an ding ih siangpahrang kiltu Kereth ralkap pawl le Peleth ralkap pawl cu hmaiah an lan vivo. Gath ihsin a rak thluntu ralkap zaruk khal an lan.
19 An hotu Ittai hnenah David in, “Ziangahso kan hnenah na feh ve? Kirsal awla siangpahrang thar hnenah um sawn aw. Nang cu ramdangmi na si ih na ram a taansantu na si.
20 Hitawkah tikcu tawite sung lawnglawng na um ih ziangahso ka hnenah vakvai rero cun ka lo tuah ding? Cuih tlunah keimah khal khuitawkah ka feh ding, ti ka thei aw lo. Kir awla na ram minung pawl khal kirpi aw. Cun Bawipa cu na parah zangfahnak a neimi le rinsan tlak si ringring hram seh,” tiah a ti.
21 Sikhalsehla Ittai in, “Maw siangpahrang bawipa, Pathian hmin salin ka lo kam: Nangmah na fehnak kipah, thihnak hmun a si khalle ka feh ve ko ding,” tiah a ti.
22 Cutikah David in, “A òha! Cuti asile feh aw,” a ti. Curuangah Ittai cu a ralkap pawl le an innsang fanau pawl thawn a feh.
23 David ih dungthlun pawl an feh tikah misenpi cu nasa zet in an òap. Siangpahrang David in Kidron Tivate a tan ih a minung pawl khalin an tan hnuah thlaler ramòhing lamah an feh vivo.
24 Puithiam Zadok khal a tel ih, Thukam Kuang phur phahin Levi mi pawl khal an tel ve. Mi hmuahhmuah khuapi sung ihsin an feh thluh hlan lo Thukam Kuang cu cutawkah an ret. Puithiam Abiathar khal a tel ve.
25 Cule siangpahrang in Zadok hnenah, “Thukam Kuang cu khuasung ah hei kirpisal aw. Bawipa ih mithmai òha ka hmuh asile ni khatkhat cu i kirtersal leh dingih hi Kuang le a umnak cu ka hmusal leh ko ding.
26 Cun Pathian ih mithmai òha ka tong lo asile ziangti òha. Amah ih lungkim mi cu amah in tuah ko seh,” tiah a ti.
27 Cule Zadok hnen ahcun, “Nangmah le na fapa Ahimaaz le Abiathar le a fapa Jonathan cu thlangam tein khuasung ah vungkir uh.
28 Cun nan hnenin thu ka theih hlan lo hramlak ramòhing tiva tannak hmun ihsin ka hngak ringring ding,” tiah a ti.Ref 15:28 Saam 63 Thulu.
29 Curuangah Zadok le Abiathar in Thukam Kuang cu Jerusalem ah an kirpi ih cutawkah an umta.
30 Cule David cu olif tlang ah òap phahin a kai. A ke lawngte in a kai ih riahsia in a lu a khuh aw. A thluntu hmuahhmuah khal an lu an khuh ih òap phahin tlang cu an kai.
31 Cun siangpahrang phiartu lakah Ahithofel khal a tel ih Absalom hnenah a òang a si, ti kha David an sim. Cutikah David in, “Maw Bawipa nangmah ih zangfahnak in Ahithofel ih ruahnak pekmi cu thulolak ah cangter thluh hram aw,” tiah Pathian hnenah thla a cam.
32 David cu tlangpar, Pathian an biak òheunak hmun a thlen tikah a rinsan zetmi, Arkhi hrin a simi Hushai in a rak hmuak. Hushai in a hnipuan a thlek òheh ih a lu ah leivut a phulh aw.
33 Cutikah David in, “Ka hnenih na tel khalle na òhahnem lem lo ding.
34 Asinan khuapi sungah vungkir tahrat in Absalom hnenah “Maw siangpahrang bawipa, na pa ih hnaòuantu ka rak si vekin atu ahcun nangmah ih hnaòuantu ka si thlang pei,” ti awla Ahithofel ruahnak pekmi cu el ringring awla cuticun ka hrangah na òhahnem zet ding.
35 Puithiam Zadok le puithiam Abiathar tla an um dingih siangpahrang inn ihsin thu na theihmi hmuahhmuah cu an hnenah than cingcing aw.
36 An fapa Ahimaaz le Jonathan tla an hnenah an um ih hih an fapa pawl hnen ihsin thuhla na theihmi hmuahhmuah cu i rak theiter cingcing aw,” tiah Hushai cu a ti.
37 Curuangah David ih rualpa Hushai cu Jerusalem ah a kir ih Absalom a thlen zawng ah a thleng ve.