12
Nathan Thucah Le David Sir Awknak
1 David hnenah profet Nathan cu Bawipa in a thlah ih, “Khua pakhat ah mi pahnih an um; pakhat cu a lian zet ih pakhat cu a farah zet.Ref 12:1 Saam 51 Thulu.
2 Milian pa cu caw le tuu tampi a nei ih,
3 mifarah pa cu a lei copmi tuufaate pakhat lawng a nei. A cuih a tuu pakhatte cu òha tein a zoh ih a innsang ah amah le a faale pawl lakah a tlang ih a òhang vivo. Amah ih eimi rawl a pek ve ih, a khuathai ihsin tidai a inter ih a kawngpar rori ah a cawi òheu. A tuu cu a fanute tluk ah a ruat.
4 Nikhat cu milian pa ih inn ah mikhual pakhat a ra thleng. A mikhual cu rawldo a duh nain a òilva pakhat thah ding hman a siang lo. Curuangah mifarah pa ih tuu neihsun cu a lak sak ih a mikhual pa cu rawl a do a si,” tiah a simter.
5 Cutikah David cu a thin a heng ngaingai ih, “A nungmi Bawipa ih hmin salin ka sim: Cuvek thil òha lo a tuahtu cu a thih a òul a si!
6 Cutluk ih mi zangfah nei lo a si ruangah a lakmi cu let li in samsal tengteng seh,” tiah a ti.
7 Cutikah Nathan in David hnenah, “A cupa cu nangmah hi na si! Israel ih Pathian Bawipa in, “Saul ih kut sung ihsin ka lo humhim ih Israel siangpahrang ah ka lo canter.
8 Saul ih ram uknak ka lo pe; a nupi pawl tla ka lo pek. Cule Israel le Judah ram ih siangpahrang ah ka lo tuah. Himi pawl hi a tawk hrih lo a si ahcun a let hnih in ka lo pe hrih ding nain!
9 Ziangahso ka thukham na thlun lo? Ziangahso hibangtuk thil òha lo hi na tuah? Ral donak ah Uriah na thihter. Ammon mi pawl na thahter ih a nupi cu na nupi ah na lak.
10 Hitiin ka thukham na thlun lo ih Uriah ih nupi na ruk ruangah na tesinfa hrekkhat pawl cu sankhat hnu sankhat ah saarthih in an thi ringring ding.
11 Na innsang sung rori ihsin vansang ih a lo tuahtu ka suakter hrimhrim ding, tiah ka lo sim cia. Na nupi pawl ka lak dingih na mithmuh rori ah mipa dang hnenih ka pek tikah na thei leh ding. Cupa cun sun khawvanglai rori ah na nupi pawl cu a sualpi hai ding.
12 Nang cun a thup tein sualnak na tuah; sikhalsehla Israel mi pawl ih hmuh thluh dingah na nupi pawl a sualpinak cu sun khawvanglai rori ah kei cun ka kimter ding,” a ti a si,” tiah a sim.Ref 12:12 2 Sam 16:22;
13 Cutikah David in, “ Bawipa ih hmaiah ka sual zo a si,” a ti.
Cule Nathan in, “ Bawipa in a lo ngaithiam ih a thih cu na thi lo ding.
14 Sikhalsehla hitiih thil òha lo na tuahnak ihsin Bawipa na hmuhsuamnak cu na langter zo ruangah na fa a thi ding,” a ti.
15 Cuih hnuah Nathan cu inn ah a tlung.
David Ih Fapa A Thi
Uriah ih nupi in David fapa a hrin mi cu Bawipa in besia zet in a natter.
16 David in a fapa damnak dingah Pathian hnenah thla a cam. David cu rawl zianghman a ei lo, zantin tein a innsung zial parah tho lo in a it ringring.
17 A kuthnuai ih bawi pawl in zial parih it lo ih tho dingah an leem rero nain a ngai duh hrimhrim lo. Anmah thawn khal zianghman a ei duh lo.
18 Zarhkhat hnuah a fapa cu a thi ih a kuthnuai bawi pawl in an sim ngam lo. “A fapa a nunlai hmanah kan bia rero nain in sawn duh lo. A fapa a thih cu ziangtinso kan sim ngam ding? Amah le amah tla a tuahmawh aw pang ding,” an ti.
19 Pakhat le pakhat a thup teih an biak awk rero kha David in a hmuh tikah ka fapa a thi zo a si ding, tiah a ruat ih, “Naute cu a thi maw si?” tiah a sut.
“A si, a thi,” tiah an sawn.
20 Cutikah David cu zial ihsin a tho ih ti a kholh aw, a sam a hriat ih a hnipuan a thleng. A feh ih Bawipa ih inn ah Pathian a biak. Cun a inn ah a kir ih rawl a tuahter ih an tuah òheh ve tein a ei.
21 Cutikah a kuthnuai bawi pawl in, “Ziangtinso a si, na faate a nunlai hmuah ah na òap rero ih rawl zianghman na ei lo. Asinan a thih vete cun na tho ih rawl na ei. Kan va thei theilo so,” tiah an ti.
22 Cutikah David in, “A si, ka fapa a nunlai ahcun rawl ka ul ih ka òap rero. Ka fapa thihter lo in Bawipa in i zangfah pei maw, tiah ka ruat.
23 Sikhalsehla atu cu a thi zo ih ziangahso rawl cu ka ulh nawn ding? Ka fapa cu kan nuntersal thei pei maw? Ni khatkhat cu a hnenah ka feh ve leh ding, asinain anih cu ka hnenah a ra thei nawn lo ding,” tiah a ti.
Solomon A Suak
24 Cule David in a nupi Bathsheba cu a hnem. An it khawmsal ih Bathsheba in fapa a hrin. A fapa cu David in Solomon tiah hmin a sak. Solomon cu Bawipa Pathian in a duhdawt ih,
25 Jedidiahj Jedidiah ti cu Bawipa ih duhdawt mi tinak a si. tiah hmin sak dingin profet Nathan hnenah thu a pe; ziangahtile Bawipa in a duhdawt a si.
David In Rabbah A Lak
(1 San 20:1-3)
26 Cuih sungah Joab in Ammon mi pawl ih khuapi Rabbah cu a rak heng rero ih a neh zik thlang.
27 David hnenah mi a thlah ih, “Rabbah cu ka heng rero ih atu ahcun an tidai suahnak dawhhna ka lak zo.
28 Curuangah ralkap rak khawm awla Rabbah khuapi cu ra do awla nangmah in ra neh aw. Culole hi khuapi hi ka neh dingih a hmin cu ka hmin cuang in ka sak ding” tiah thu a cah.
29 Thu a cah vekin David in a ralkap pawl cu a khawm ih Rabbah khua cu a do ih a neh ngaingai.
30 Cuih an lakmi khuapi ahcun Molek an timi an khawzing lem a um ih a sui lukhuh cu pawng sawm sarih le pawngnga a tlai mi sui lukhuh a si. A cuih lukhuh sungah lungmankhung tla an um. David in a cuih lukhuh cu an milem par ihsin a lak ih amah ih lu parah a khum. Hransaw thilri dang tampi khal khuasung ihsin a lak.
31 Khuasung mi pawl cu a hruai hai ih, hluah le tupheng le hreitlung thawn hna a òuanter ih tlakrawh tla a tuahter. Ammon ram sungih khua dangmi pawl khal cuvek thotho in hna a òuanter. Cuih hnuah David le a ralkap pawl cu Jerusalem ah an kir.