30
Amalek Mi An Do
1 Ni thumnak ah David le a ralkap pawl cu Ziklag khua an thleng. Amalek mi pawl in Judah ram thlanglam kap kha an rak ram ih Ziklag khua khal an rak lak ih meisa in an ur thluh.
2 Nunau hmuahhmuah an kai ih, zohman an that lo nain an zate in an hruai thluh.
3 David le a ralkap pawl an va thlen tikah an khua cu a rak kang thluh zo ih an nupi le an fanu le an fapa pawl cu an rak hruaihlo thluh zo.
4 David le a milai pawl cu ring zet in an òap ih an tha cem in an òah thei nawn lo tiangin an òap.
5 David ih nupi pahnih Ahinoam le Abigail khal an hruaimi pawl lakah an rak tel ve.Ref 30:5 1 Sam 25:42, 43;
6 David cu vansanglam in a um. Ziangahtile a milai pawl ih faate pawl cu sal ih hruai thluh an si ruangah an thin a na ngaingai ih David cu lungto ih den an tum. Asinan a Bawipa Pathian hnen ihsin thazang cahnak a ngah.
7 Cule David in Ahimelek ih fapa puithiam Abiathar hnenah, “Puithiam òaangthlaih kor cu i pe aw,” tiah a ti ih, Abiathar cun a pek.Ref 30:7 1 Sam 22:20-23;
8 David cun Bawipa ih hnenah, “In ramtu pawl cu ka dawi pei maw? Ka dawi asile ka kai hai pei maw?” tiah a sut.
Cutikah Bawipa in, “Dawi aw; na kai hai dingih an hruai mi pawl khal na runsuak ding,” tiah a ti.
9 Curuangah David cu a ralkap zaruk thawn an pok ih Besor Tiva an thleng; cutawkah mi hrekkhat an tangta.
10 A milai sung ihsin zahnih cu an baang tuk ih tiva an tan thei lo ruangah an tangta. David le a milai zali pawl in an dawi vivo.
11 Cule a milai pawl in hramlak ah Izipt nauhakpa pakhat an sar ih David hnenah an fehpi. Ti le rawl an pek.
12 Theirah car malte le an carmi sabit rah bawr hnih tla an pek. A ei hnuah a òamsawl cu a òha. Nithum sung zianghman in lo le ei lo in a rak um a si.
13 Cule David in, “Na bawipa zoso a si? Khuitawk in so na rat?” tiah a sut.
Cutikah anih in, “Izipt mi ka si ih Amalek mi pa pakhat ih sal ka si. Ka nat ruangah hitawk ahhin ka bawipa in i tanta a si. I taannak ni thum a si zo.
14 Kereth ram thlanglam kap hrawng, Judah ram thlanglam kap le Kaleb miphun pawl ih ram tla kan ram ih Ziklag khua tla kan ur thluh,” tiah a sim.
15 David in, “A cuih miramtu pawl hnen ahcun i hruai pei maw?” tiah a sut.
Nauhakpa in, “Ka lo that hrimhrim lo dingih na bawipa ih hnen khalah ka lo pe lo ding, tiah Pathian hmin saal in thu i kam a si ahcun ka lo hruai ko ding,” tiah a ti.
16 Curuangah cupa in David cu a hruai. Amalek mi pawl in Filistin ram le Judah ram ihsin ral thilri an lakmi pawl cu a tam ngaingai ruangah, an aih ih zu an in, sa an ei, puai an tuah ih hmun kipah an darh aw òheh.
17 Culai ah David in a nam hai ih zingpit ihsin zanlam khawthim tiang a do. Tlangval zali cu kalauk an to ih an tlanhlo. Cupawl siar lo, pakhat hman luat lo in an that òheh.
18 Amalek mi pawl ih an kaihmi le an lakmi hmuahhmuah, amah ih nupi pahnih thawn a runsuak òheh.
19 Zianghman a hlosuakmi a um lo. An fanu le an fapa pawl siseh, an thilri pawl siseh, David in a lak kirsal thluh a si.
20 Tuu le caw pawl khal a rual a rual in a ngahsal thluh. A milai pawl in òilva pawl cu hmaiah an khor vivo ih, “David ih ta an si,” tiah an au phah vivo.
21 Cun David a thlun thei nawn lo ih Besor Tiva ih a tangta mi a milai zahnih hnenah David cu a va thlengsal. A cuih a milai pawl cun David le a ralkap pawl cu an rak hmuak ih David tla in an hnen a thlen tikah lungawi zet in cibai a buk hai a si.
22 Asinan David hnenih a feh vemi halhsik neimi le hawizawng lo mi hlothlau hrekkhat pawl in, “Annih cu kan hnenih an feh ve lo ruangah thilri kan lakmi pawl hi kan zem hai lo ding. An nupi le an faale pawl hi la hai sehla feh ko hai seh,” tiah an ti.
23 Asinan David in, “Unaule uh, Bawipa ih in pekmi thilri parah cutiin nan tuah thei lo ding. Amah in, in kilkhawi ih mi ramtu pawl ih parah nehnak in pek.
24 Nan simmi cu zohman an lung a kim thei lo ding. Zozo khal bangrep tein co ciar ding a si. Thilri kan taanmi hnenih a rung tang mi khalin raldonak ih a fehmi co zat thotho in a co ve pei,” tiah a ti.
25 Cumi cu David in daan ah a tuah ih Israel ram sungah atu tiangin an thlun dahta a si.
26 David cu Ziklag ih a thlensal tikah ral hnen ihsin an lakmi thilri pawl hrekkhat cu Judah mi hotu, a rualpi pawl hnenah a kuat ih, “ Bawipa ih ral pawl hnen ihsin kan lakmi thilri malte laksawng ah kan lo òhen,” tiah a cah vivo.
27 Bethel ih a ummi, Judah ram thlanglam Ramah ih a ummi, Jattir peng khua pawl ih a ummi,
28 Aroer khua, Sifmoth khua, Eshtemoa khua,
29 Rakal khua, Jerahmeel miphun ih khua pawl, Ken miphun ih khua pawl,
30 Hormah peng, Borashan peng le Athak peng le,
31 Hebron ram sungih a ummi khuasungmi hmuahhmuah hnenah a kuat. Amah David le a milai pawl an rak thlennak khua hmuahhmuah ah a kuat thluh.