3
Samuel Hnenah Bawipa A Lang
Nauhakpa Samuel cu Eli ih kuthnuai ah Bawipa ih hnaòuan in a um. Cuih tikcu ah Bawipa ih òongkam a mal vivo ih Bawipa ih langnak khal a um tuk nawn lo. Eli cu a mit a mal thlang. Zankhat cu a ihnak khaan ah a it ih, Samuel cu Bawipa ih Thukam Kuang retnak khaan ah a it ve. Khua a vang hrih lo, Bawipa ih mei-inn a vanglai. Samuel cu Bawipa in a run ko. Samuel in, “ Bawipa, ka um ko,” tiah a ti ih, Eli hnenah a va tlan ih, “Ka ra zo, ziangahso i kawh?” tiah a ti.
Eli in, “Ka lo ko lo, feh awla va itsal aw,” tiah a ti. Curuangah Samuel cu a va itsal.
Cule Bawipa in, “Samuel” tiah a kosal. Samuel cu a tho ih Eli hnenah a feh ih, “Ka ra zo, ziangahso i kawh?” tiah a ti.
Eli cun, “Ka fapa, ka lo ko lo; feh awla va itsal aw,” tiah a ti. Samuel cun Bawipa in i ko, ti a thei lo; ziangahtile Bawipa ih òongkam cu Samuel hnenah phuan in a um dah lo.
Veithum tiang Bawipa in Samuel cu a ko. Samuel cu a tho ih Eli hnenah a feh lala ih, “Ka ra zo, ziangahso i kawh?” tiah a ti.
Cutikah Samuel kotu cu Bawipa a si, tiah Eli in a thei ih a hnenah, “Va feh awla va itsal aw; a lo kosal asile “ Bawipa na sim duhmi sim aw; na aw ka thei a si,” tiah na ti pei,” a ti. Cutiin Samuel cu a va itsal.
10  Bawipa cu a ra ih a kiangah a ding, “Samuel, Samuel,” tiah a hlan bangtuk thotho in a ko.
Cutikah Samuel in, “ Bawipa, na sim duhmi cu sim aw. Na salpa in na aw ka thei a si,” tiah a ti.
11 Cule Bawipa in, “Israel mi pawl ih parah òihnungza thil pakhat ka tuah dingih cuih ka tuahmi a theitu hmuahhmuah in an tuk a sum ding. 12 A cuih ni ahcun Eli ih sungkhat pawl hrangah thusia ka simmi hmuahhmuah òongkam pakhat hman hrelh lo in ka kimter thluh ding. 13 A fapa pawl in ka thang in siatter ruangah a sungkhat pawl cu ka hrem hai ding a si, tiah Eli ka sim cia zo. A fapa pawl ih thil òha lo an tuahmi a thei nain a kham lo. 14 Curuangah ziangvek thawinak le thil an pek khalle hitluk sualnak tum an tuahmi cu a tlengfai thei nawn lo pei, tiah Eli sungkhat pawl hnenah fiang tein ka run phuang a si,” tiah Samuel hnenah a ti.
15 Samuel cu khawvang tiang a it. Cuih hnuah a tho ih biakinn sangka pawl a ong. A hmuhmi le a theihmi pawl cu Eli hnenah a sim ngam lo. 16 Cule Eli in, “Ka fapa, Samuel,” tiah a ko.
Samuel in, “Hinah ka um!” tiah a ti.
17 Cutikah Eli in, “ Bawipa in ziangso a lo sim? Zianghman pheh hlah aw. Ka hnenih na sim òheh lo asile Pathian in nasa zet in a lo hrem ding a si,” tiah a ti. 18 Curuangah Samuel in a sim òheh. A phehmi pakhat hman a um lo. Cule Eli in, “Amah cu Bawipa a si ih a mithmuh ah a òha bik a timi tuah ko seh,” tiah a ti.
19 Samuel cu a òhang vivo. Bawipa a hnenah a um ih a simmi hmuahhmuah Bawipa in a kimter òheh. 20 Curuangah Israel mi hmuahhmuah in, an ram zim le dengih a ummi pawl tiangin, Samuel cu Bawipa ih profet a si tiah an thei òheh. 21 Samuel hnenih a langnak le a òongnak hmun Shiloh ahcun Bawipa cu cat lo in a lang ringring a si. Cule Samuel a òong tikah Israel mi pawl in an ngai duh zet.