27
Filistin Hnenah David A Thleng
1 David cu a thinlung tein, “Nikhat khat ah Saul in i that leh ko ding. Ka hrangih a òha bik cu Filistin ram ih tlanhlo a si. Cutiih ka tlanhlo ahcun Israel ram sungah Saul in i hawl nawn lo dingih ka him ding,” tiah a ruat.
2 Curuangah David le a ralkap zaruk cu zamrang tein Gath siangpahrang Akhish, Ma-ok ih fapa, hnenah an feh.
3 David le a ralkap pawl cu an innsang pawl thawn Gath ram ahcun an um. David cu nupi pahnih a nei: Jezreel khuami Ahinoam le Karmel khuami Nabal ih thihsan mi Abigail an si.
4 David cu Gath ram ah a tlan zo ti Saul in a theih tikah David hawl ding cu a tum nawn lo.
5 Cun David in Akhish hnenah, “Na rualpi ngaingai ih i ruat a si ahcun ka umnak hrangah khua pakhat i pe ve aw. Siangpahrang nangmah thawn na khuapi sungih um tlang hi a mawi lem lo,” tiah a ti.
6 Curuangah Akhish in David cu Ziklag an timi khua a pek. A cuihsan thokin Ziklag khua cu Judah siangpahrang ih ta a si ringring.
7 Filistin ram ah David cu kum khat le thla li a um.
8 David le a milai pawl in a cuih ram sungih kum reipi a rak um zo mi Geshur mi, Girzi mi le Amalek mi pawl cu an do òheu. Izipt ram thleng tiangin an siim hai òheu ih,
9 nunau siseh, mipa siseh, an that thluh òheu. Cun an tuu, an caw, an laak le an kalauk pawl an lak ih an hnipuan tiangin an long thluh. Cule Akhish hnenih a thlensal tikah,
10 Akhish cun, “Tuihòum khui ram so na siim?” tiih a suh tikah David cun, Judah ram thlanglam kapah ka feh, a ti tawk; asilole Jerahmeel miphun ram ah ka feh, a ti tawk; asilole Ken mi pawl umnak ram ah ka feh, a ti tawk a si òheu.
11 David in nunau siseh, mipa siseh, a that thluh òheu ih Gath ram ah feh tahrat in David le a ralkap pawl ih thil tuahmi va simtu dingah milai an um òheu lo. Filistin ram ih a um sung hmuahhmuah David in cubangtuk in a tuah òheu.
12 Asinan Akhish in, David cu a zum zet ruangah a thinlung tein, “Amah ih milai Israel mi pawl in an huat tuk ruangah a nunsung hmuahhmuah ka hnaòuan in a um ko ding,” tiah a ruat.