26
David In Saul Ih Nunnak A Zuah Lala
Gibeah khua Saul hnenah Zif khuami hrekkhat an ra ih Judea ramòhing kiangih tlang pakhat Hakhilah tlang ah David cu a relh a si, tiah an ra sim.Ref 26:1 Saam 54 Thulu. Hmakhat teah Saul cu Israel ralkap lakih a òha bik ralkap thawngthum thawn Zif ih ramlak ahcun David hawl dingin an feh. Hakhilah tlang kainak lamzin ah Saul cu a riak. Cuih hramlak ahcun David cu a rak um lai ih amah hawl ah Saul a ra ti a theih tikah, David cun thlingthlatu a thlah ih Saul cu a um ngaingai ti a thei. Cutikah David cu a feh ih Saul le Saul ralkap pawl uktu Ner ih fapa Abner ih ihnak hmun rori kha fel tein a zohhliah. Saul cu an riahnak laifang bik ah a it ih a ralkap pawl cu a kimvel ah an riak.
Cule David in, “Keimah thawn Saul riahnak ah zoso a feh ding?” tiah Hit mi Ahimelek le Joab ih unau Zeruiah ih fapa Abishai cu a sut.
“Keimah ka feh ding,” tiah Abishai in a ti.
A cuih zan ah David le Abishai cu Saul ih riahnak ah an feh ih an riahnak laifangih Saul a ih kha an hmu. A lu kiangah a feipi tla leilung ih a phun awk kha an hmu. Saul ih kiangkap ahcun Abner le a ralkap pawl tla an it that thluh. Cutikah Abishai in, “Tuih zan ah Pathian in na ral cu na kut sungah a lo pek. Amah ih feipi lala hin tlang ko in ka vun sun pei. Veikhat sun a tawk ko ding, vei hnih a òul hrimhrim lo ding,” tiah David cu a ti.
Asinan David in, “Tuahmawh hrimhrim hlah aw. Bawipa ih hriak a culh cia mi siangpahrang a tuahmawhtu pohpoh cu hremnak tuar lo in an luat lo ding. 10 Amah ih thih caan kimih thi dingin, a si lo talle raldonak ih thi dingin Bawipa in Saul cu a nunnak a cemter ko ding, ti cu a nungmi Bawipa ih hmin saal in ka sim ngam a si. 11 Pathian in siangpahrang ih a canter mi tuahmawh ding cu Bawipa Pathian in i siang hram hlah seh. A feipi le a tithawl lak uhsila feh uh si,” tiah a ti.Ref 26:11 1 Sam 24:6; 12 Cule David cun Saul lukiang rori ih a ummi feipi le tithawl cu a lak ih Abishai thawn an feh. Zohman in an hmu lo ih an thei fawn lo. A òhanghoi khal an um lo. Ziangahtile Bawipa in an zate in ihhmuh thaw zet in a ihthatter hai a si.
13 Cun David cu hlat nawn a feh ih khatlam ral tlangpar a thlen tikah, 14 “Maw Abner! I thei thei maw?” tiah Abner le Saul ih ralkap pawl cu a auh ciamco.
“Cutiih siangpahrang a auh ciamcotu cu zoso a si?” tiah Abner in a sut.
15 Cutikah David in, “Pacang na si, a si lo maw? Israel mi lakah mi nasa bik na si lo maw? Asinan ziangahso siangpahrang na bawipa cu òha tein na kil lo? Na bawipa that dingah tupekte ah nan riahnak sungah mi an lut. 16 Abner, na òuanvo na òhelh a si! A nungmi Bawipa ih hmin salin ka lo sim: Thitlak na si; nan zate in thih tlak nan si. Ziangahtile Bawipa Pathian in siangpahrang ih a cantermi nan bawipa cu òha tein nan kil lo. Zoh hnik! Khuiahso siangpahrang ih feipi a um? A lu kiangih tithawl teh khuiahso a si?” tiah a ti.
17 David ih aw cu Saul cun a theithiam ih, “David ka fapa, nangmah maw na si?” a ti.
Cutikah David in, “Maw siangpahrang, keimah sokhaw ka si. 18 Bawipa, ziangahso kei na salpa hi i dawi lai rero? Ziangbangtuk sualnak ka tuah ruangah so hitiih in hual rero? 19 Maw bawipa, ka thusimmi hi rak ngai hnik aw. Hitiih i ral hi Bawipa Pathian ih a lo fial ruangah a si ahcun thawinak pe sehla a lung a òhum men ding. Asinan minung forhfialnak ruangah a si ahcun Bawipa ih siatserhnak an parah thleng hram seh. Ziangahtile ramdang khawzing tiang bia dingah in dawihlo ih Bawipa in a miphun hnenih a pekmi ram sungih kei ka covo hmuahhmuah cu ka sung thluh zo a si. 20  Bawipa Pathian a um lonak, miphun dang pawl ih ram sungah ka thisen luangter hram hlah. Uihli tluk fang a simi kei hi nang Israel siangpahrang in ziangahso thah i tum rero? Hramlak vate an peel bangin ziangahso i peel rero?” tiah a ti.
21 Cutikah Saul in, “Ka sual zo a si. David ka fapa, rakirsal aw. Tuih sun ih ka nunnak i zuah ruangah nangmah siatsuah ding cu ka tum nawn hrimhrim lo ding. Ka aa tuk lawmmam! Thil ka ti sual zo a si,” tiah David hnenah a ti.
22 Cule David in, “Maw siangpahrang, na feipi cu hinah a um. Na milai pakhatkhat rak thlah awla ra la seh. 23 Midik le rinsan tlak minung cu Bawipa in an òhatman a pek a si. Nangmah cu tuih sun ah Bawipa in ka kut sungah a lo ret a si. Sikhalsehla Bawipa ih hriak culhmi na si ruangah zianghman ka lo ti lo. 24 Na nunnak ka sunloih ih tuih sun ih ka lo zuah vekin Bawipa in ka nunnak cu sunloih in i zuah ve hram sehla, zonzaih harsatnak in i luatter hram seh,” tiah a ti.
25 Cutikah Saul in, “Pathian in lo thluasuah hram seh, ka fapa. Thil nasa zetzet na tuah pei ih na tuahmi kipah na hlawh a tling ding,” tiah a ti.
Cuih hnuah David cu a feh ih Saul cu inn ah a tlung.