24
David In Saul Ih Nunnak A Zuah
1 Filistin a donak ihsin Saul a rakir tikah David cu En-gedi kiang ramcar lakah a relh a si, tiah an rak sim.
2 Cutikah Saul in Israel ram ralkap lakih a òha bik mi thawngthum thawn David le a milai pawl cu Zaathar Khaam an timi hmun ihsin nisuahnak lamah an va hawl.
3 Cutawk lamzin kiangah tuu hruang an um ih a cuih kiangah cun lungpuk pakhat a um. A cuih lungpuk sung deng bik ah David le a milai pawl cu an rak thup aw. Saul cu cutawk lungpuk a thlen tikah pawngthawh dingin lungpuk sungah a vung lut.Ref 24:3 Saam 57 Thulu; 142 Thulu.
4 Cutikah David cu a milai pawl in, “Tikcu remcang zet na ngah a si. Na ral cu na kut sungah ka lo pe ding, tiah Bawipa in a lo ti bangtukin a lo pe ngaingai a si ih a parah na duh vekin na tuah thei,” tiah an ti. Cule David cu a thup tein a vak ih Saul ih theih lo in a kor fualpi ih zimte a tan sak.
5 Asinan Saul puanzim cutiih a tan sak ruangah David cu a thin a nuam lo zet ih,
6 a milai pawl hnenah, “Pathian in siangpahrang ih a hrilmi ka bawipa cu ka tuahmawh lonak dingah Bawipa Pathian in i kil hram seh. Pathian ih hrilmi siangpahrang a si ruangah amah cu ka siatsuah hrimhrim lo ding,” tiah a ti.Ref 24:6 1 Sam 26:11;
7 Cule David in a milai pawl cu Saul that lo dingin a sim.
Saul cu a tho ih lungpuk sung ihsin a suak ih a feh.
8 Cule David cun a hei thlun ih, “Maw siangpahrang,” tiah a hei ko. Saul cu a dunglet a ra hoi ih cutikah David cu upatnak thawn leilung ah a bok ih,
9 “Bawipa, David in a lo that tum a si, tiah a lo simtu pawl ih thu cu ziangahso na zum?
10 Tuih sun ah lungpuk sungah nangmah cu Bawipa Pathian in ka kut sungah a lo thlenter ti cu na mit rori in na hmu ko a si. Mi hrekkhat pawl cun nangmah that dingah in forh, asinain ka lo zangfah ih Pathian ih hrilmi siangpahrang na si ruangah malte hman ka tuahmawh lo ding, tiah ka ti.
11 Zoh hnik, ka bawipa, na korfual zimte ka kenmi hi! Keimah rori ih ka tanmi a si. Asinan ka lo that lo. Himi na hmuh tikah hin nangmah do dingah le siatsuah dingah tummi ka nei lo, ti hi theifiang ding na si. Nang cun that dingah i hawl rero nain kei cun zianghman ka lo ti dah lo.
12 Zo sawn kan mawh ti cu Bawipa Pathian in run rel hram seh. Nangmah cu malte hman ka lo tuahmawh lo ih nang cun i ral ruangah Pathian in lo cawh hram seh.
13 “Thil òha lo cu miòha lo pawl in an tuah,” tiih òongòhimnak cu na thei ko. Sikhalsehla kei cun ka lo tuahmawh hrimhrim lo ding.
14 Cule Israel siangpahrang ih thah a tum reromi hi zoh hnik! A dawi vivo mi hi zoh hnik! Uico ruak tluk fang a si. Uihli tluk fang a si.Ref 24:14 1 Sam 26:20;
15 Zo sawn kan mawh ti kha Bawipa Pathian in, in zoh dingih in relsak ding. Hi thuhla cu Bawipa in, in tawlrel sak seh; i òan sehla i run hram seh,” tiah a ti.
16 Cutiih David in thu a sim òheh tikah Saul in, “Ka fapa David na si ngaingai maw?” a ti ih a òap.
17 Cule Saul in David hnenah, “Nangmah na dik ih keimah ka sual a si. Ka parah na òha zet nain kei cu na parah ka sia ngaingai.
18 Bawipa Pathian in na kut sungah i ret nain i thah lo ruangah ka parah ziangtlukin so miòha na si, ti cu tuih sun ah na langter zo.
19 Zo in so a ral khi a kaih hnuah him tein a thlahsal dah? Ka parih tuih sun ih na tuahmi ruangah hin Pathian in lo thluasuah hram seh.
20 Israel siangpahrang na si dingih Israel ram na uknak cu a cat lo ding, ti cu atu ihsin fiang tein ka thei zo a si.
21 Sikhalsehla ka hmin le ka innsang hmin cu hlo lo dingah, “Na tesinfa pawl cu ka zuah hai ding,” tiah Bawipa ih hmin in thu i kam aw,” tiah a ti.
22 A ti bangin David cun thu a kam.
Cun Saul cu a inn ah a tlung ih David le a milai pawl cu an relhnak hmunah an kir.