2
Hannah Ih Thlacamnak
1 Hannah cu hitiin thla a cam:
“ Bawipa in ka thinlung cu
lungawinak in a khahter zo;
A tuah cia mi ruangah
ka lung a awi.
Ka ral pawl ka hnihsan thei zo;
I bom zo ruangah ka lung a awi.
2 Bawipa bangtuk a thianghlim mi
zohman an um lo;
Kan Pathian vekih Lungpi dang
zohman an um lo.
3 Thang zet ih nan tluangkhawnnak
bang thlang uh;
A puarthau zetmi nan òongkam cu
daiter uh.
Ziangahtile Bawipa cu
ziangtinkim a theitu Pathian a si;
Minung pawl ih tuahmi
hmuahhmuah parah thureltu a si.
4 A cakmi ralkap pawl ih
li le thal a kiak òheh;
Asinan mi òawnòai pawl cu
an caksal.
5 Rawl a khop zetmi pawl
rawl hawl ah hlawhfa an tla ih,
Rilrawng pawl an pum a puarsal.
Fa nei thei lo nunau in
fa pasarih a nei ih,
Fa tampi a neimi nu,
fa nei lo ah a cangsal.
6 Bawipa in a thihter ih
nunnak a pesal;
Mithi khua ah a thlenter hai ih,
A thi mi pawl tla a nuntersal.
7 Mi hrekkhat a farahter ih
a hrek cu a lianter;
A hrekkhat minauta a canter ih,
A dang cu mi pipa ah a canter.
8 Minauta pawl leivut lak ihsin
a khaisang ih,
Mi tlasam pawl vutcam lak ihsin
a cawisang a si.
Siangpahrang ih fapa pawl thawn
a toter ih,
upatnak hmun ah a toh hai.
Leilung hramòohnak pawl cu
Bawipa ih ta an si;
Cuih parah leilung hi a dinter a si.
9 “A mithianghlim pawl ih
ke feh a kilkhawi;
Asinan mi siava pawl cu
khawthim lakah an hlo ralta;
Milai cahnak lawngin
hlawhtlinnak a um lo.
10 Bawipa a dodaltu pawl cu
siatsuah thluh an si ding;
Vancung ihsin khuari bangin
a run tlir hai ding.
Bawipa in leilung pumpi thu
a rel ding;
A siangpahrang hnenah
cahnak a pe ding;
A hrilciami siangpahrang cu
nehtu a siter ding,” a ti.Ref 2:1-10 Luk 1:46-55;
11 Elkanah cu Ramah ah a kir. Asinan Samuel cu Shiloh ah a umta ih puithiam Eli ih kuthnuai ah Bawipa ih hna a òuan.
Eli Ih Fapa Pawl
12 Eli ih fapa pawl cu misualral an si. Bawipa Pathian khal zianghman ah an siar lo.
13 Israel mi pawl hnen ihsin puithiam pawl ih covo an ngahdan pawl tla an tisual thluh. An daan bangtukin mi pakhat in Pathian hnenih thawinak a pek tikah puithiam ih hnenumpa cu òek thum a òekmi darhai thawn a ra. Thawinak sa an suan rero lai ah,
14 beel sungih sa cu a darhai cun a vun sawh ih a thur theimi poh cu puithiam hrangah a si. Thawinak pe dingah Shiloh khua ih a rami Israel mi pawl hmuahhmuah hrangah cubangtuk in an tuah ringring a si.
15 Sikhalsehla Eli ih fapa pawl ih san ahcun an thahmi sa ih a thau hman mei ih an ur hlanah puithiam ih hnenumpa a ra ih thawinak a tuahtu pa hnenah, “Puithiam hrangih em dingah sa i pe aw. Suan cia mi cu a sang lo ding. Sahring lawnglawng a sang a si,” tiah a ra ti.
16 Cutikah thawinak a petupa in, “A thau hi mei in kan ur hmaisa pei ih cuih hnuah na duhmi na lak leh pei,” tiah a ti tikah, puithiam ih hnenumpa cun, “A si lo, atu ah i pe aw. I pek lo asile hramhram in ka lak ding,” tiah a ti.
17 Cuticun Eli ih fapa pawl ih sualnak cu Bawipa ih hmaiah a tum ngaingai, ziangahtile Bawipa ih hnenah pekmi thawinak pawl kha nautatnak thawn an borhhlawhter a si.
Shiloh Khua Ah Samuel
18 Nauhakpa te Samuel cu Bawipa ih puithiam hna a òuan ih puan nemte ih tuahmi òaangthlaih angki a hruk òheu.
19 Kumtinte a nu in korfual a òhit sak ih, kum khat ah vei khat thawinak a pasal thawn an pek tikah a cuih korfual cu a fapa a pek òheu.
20 Cule Elkanah le a nupi cu Eli in thluasuahnak a pek hai ih Elkanah hnenah, “ Bawipa ih hnenah na pekmi fapa ai ah hi na nupi sung ihsin Bawipa in faate dang lo pe hram seh,” tiah a ti.
Cuih hnuah an khua ah an tlung òheu.
21 Bawipa in Hannah cu a thluasuah ngaingai ih faate dang fapa pathum le fanu pahnih tla a neisal. Nauhakpa Samuel cu Bawipa ih hnaòuan in a òhang vivo.
Eli Le A Fapa Pawl
22 Eli cu a tar zet thlang. Israel mi pawl parih a fapa pawl an nuncan le Pathian umnak Puanthlam sung luhnak sangka ih hnaòuantu nunau pawl hman an sualpinak thu a thei ringring.
23 Cutikah a fapa pawl hnenah, “Ziangah hivekin nan nung? Mi hmuahhmuah in thil sualral nan tuahnak thu hi in sim a si.
24 Faale uh, cuvek cu tuah nawn hlah uh. Bawipa ih minung pawl ih an rel reromi hi thu òha lo zet a si.
25 Mi pakhat in midang parih a sual ahcun thuremtu ah Pathian a um. Sikhalsehla mi pakhat in Pathian parih a sual ahcun zo in so remnakthu a tuah thei ding?” tiah a ti. An pa in a kawk rero nain an lung duh lo, ziangahtile anmah tla cu that dingah Bawipa in a ruat cia zo a si.
26 Nauhakpa Samuel cu Pathian hmai le minung hmaiah mithmai òha co in a òhang vivo.
Eli Ih Innsang Parah Thusia A Thleng
27 Profet pakhat Eli hnenah a ra ih Bawipa ih thu cu hitiin a ra sim, “Nan pu Aaron le a sungkhat pawl Izipt ram sungih Faro ih sal an si lai ah Aaron hnenah ka rak lang.
28 Ka puithiam an sinak dingah le biakòheng ah ka hnaòuan in rimthaw zihmui tla an ur ih ka hrangah korfual thianghlim a phurtu an sinak dingah amah ih sungkhat pawl cu Israel miphun hmuahhmuah sung ihsin ka hril zo a si. Cuih tlunah biakòheng parih mei-ur thawinak an pekmi sung ihsin an ngah venak dingah covo ka pek hai a si.Ref 2:28 Suah 28:1-4; Pui 7:35, 36;
29 Cutiin a si ko nain ziangahso keimah ih fialmi vekih an thawimi le saserh an pekmi duhhamnak thawn na zoh ih na nahsuah? Ziangahso ka miphun Israel mi pawl ih thawinak an pekmi hmuahhmuah lakih sathaw bik cu na fapa pawl eiter tahrat in nanmah hmuah nan thau thluh? Keimah hnakin na fapa pawl na sunloih sawn maw si?
30 Na sungkhat siseh, na phunpi siseh, kumkhua in keimah ih puithiam nan òuan pei tiah Israel ih Bawipa Pathian, Keimah hrimhrim in ka lo tiam cia zo. Sikhalsehla cubangtuk in a si nawn lo pei, tiah atu ah ka lo sim. I sunloihtu sawn kha ka sunloih ve pei ih i hmuhsuamtu cu ka hmuhsuam ve ding.
31 Ruathnik, na sungkhat sungah tarkun ih a nungmi an um lonak dingah na sungkhat le na phunpi sungih tlangval hmuahhmuah ka thihter thluhnak tikcu a ra thleng ding.
32 Cutikah na ning a hang dingih Israel mi pawl hnenih thluasuah ka pekmi na nahsik zet ding, asinain na sungkhat lakah tarkun tiang a nungdammi pakhat hman an um dah lo ding.
33 Na tesinfa sung ihsin mi pakhat lawnglawng a nungdam dingih ka puithiam hna a òuan ding. Amah cu a mit a caw dingih thinpit beidong in a um ding. Na tesinfa dang hmuahhmuah cu saarthih in an thi thluh ding.
34 Cun na fapa pahnih Hofni le Finehas tla cu ni khat ni rori ih an thih tikah ka thusimmi pawl hi a dik a si, ti a lang ding.
35 Cuih hnuah ka hrangih rin tlak a simi puithiam pakhat ka hril dingih tuah ka duhmi hmuahhmuah a tuah thluh ding. Tesinfa tampi ka pe dingih anmah tla cu ka hril mi siangpahrang ih hmaiah hna an òuan ringring ding.
36 Na tesinfa lakah nungdammi an um asile rawl ei ding an ngahnak dingah siangpahrang hnenah feh in paisa le rawl an dil dingih puithiam pawl bawmtu an si theinak ding tla an dil ding,” tiah a ti.