18
1 Saul le David cu thu an rel tlang thluh hnu in Saul fapa Jonathan ih thinlung cu David hnenah a kop ih amah le amah a duhdawt awkvek rori in David cu a duhdawt.
2 Curuangah cuih ni thokin Saul in David cu a inn ah tlunter siang lo in a hnenah a umter.
3 Jonathan in David cutluk ih a duh ruangah kumkhua ih rualpi òha si dingin thu a kam.
4 A hruk laimi angki fualpi a phuak ih David a pek. A ralthuam, a ralnam, a li le a taikhap pawl khal a pek.
5 Cun Saul in David cu raldo dingah a thlah òheu ih a thlah tin in ral pawl cu a va neh òheu. Curuangah Saul in David cu ralbawi pakhat ah a tuah ih ralbawi dang pawl le ralkap pawl cu an lung a awi ngaingai.
Saul In David A Nahsik
6 David in Goliath a thah hnu ih Israel ralkap pawl an ra tlun tikah Israel ramsung khua pawl ihsin nunau hmuahhmuah an tho ih Saul siangpahrang hmuak dingah an feh. Lungawinak hla an sa ih khuang le dar le òingòang tum phahin an laam ciamco.
7 Lungawi ih an laam phah ah
nunau pawl in;
“Saul cun a thawng a sawm in a that;
David cun a thawng a za in a that,”
tiah hla an sak.Ref 18:7 1 Sam 21:11; 29:5;
8 Cumi a theih tikah Saul cu a lung a kim lo zet ih a thin a heng ngaingai. “David cu a thawng a za that ah an ruat ih kei cu a thawng a sawm lawng that ah in ruat. David hrangah cun siangpahrang ih hung can ding lawng a sam a si,” a ti.
9 Curuangah Saul cun a cuih ni ih thokin David cu a nahsikta a si.
10 A thai sun ah Pathian ih thlahmi thlarau òha lo in Saul cu a kai ih a inn sungah mi-aa vekin a phun rero. Cule ni dang ih a tuah òheu vekin David in òingòang a tum ih Saul cun feipi a keng.
11 A thinlung tein, “Phar sansiah ah ka khawh pei,” tiah a ruat. Cule vei hnih a khawh ih a vei hnih in David cu a rak pet man ih a khawh ngah lo.
12 Bawipa in Saul cu a tlansan ih David hnenih a um kha a hmuh tikah Saul in David cu a òih ngaingai.
13 Curuangah ralkap thawngkhat hotu ralbawi ah a tuah ih raldo dingah a thlah. Raldonak ah David in a ho hai ih,
14 Bawipa cu a hnenih a um ruangah ral pawl cu a neh ih a thil timi hmuahhmuah ah a hlawhtling.
15 David cu a thiltinak tinkim ah a hlawhtling ti kha Saul in a hmuh tikah Saul cun a òih sinsin.
16 Asinan Israel le Judah ramsung mi hmuahhmuah in David cu an duh zet, ziangahtile hotu òha ngaingai a si.
David In Saul Ih Fanu A Òhi
17 Cule Saul in David hnenah, “Ralòha le rinsan tlak in ka hna na òuan ih Bawipa Pathian ih ral tla na do a si ahcun ka fanu upadeuh Merab na nupi ah ka lo pe ding,” tiah a ti. Saul ih ruahnak ahcun David cu amah ih thah òul lo in Filistin pawl a donak ah an that leh pam ding, ti a si.
18 David in, “Kei hi zoso ka si ih zo ih sungkhat ka si ruangah so siangpahrang ih maakpa ka si zik?” tiah a ti.
19 Asinan David thawn an òhitawknak ding tikcu a thlen tikah Merab cu Meholah khuami Adrial an timi pa sawn a neihter.
20 Sikhalsehla Saul ih fanu Mikhal cu David thawn an ngai aw ih cumi cu Saul in a theih tikah a lung a awi zet.
21 Saul cun, “Mikhal cu David ka neihter ding; ziangahtile Mikhal cu David hrangah thang a si pei ih Filistin pawl in David an that ding,” tiah a ruat. Curuangah Saul in David cu, “Ka maakpa na si ding,” a ti. Hitiih a ti cu a vei hnihnak a si.
22 “David cu a thup tein va tong uhla, “Siangpahrang bawipa cu na parah a lung a awi ngaingai a si ih, a kuthnuai bawi pawl khalin an lo duh zet a si. Siangpahrang fanu cu atu ih na òhit le a òha bik ding,” tiah va sim uh,” tiah Saul in a kuthnuai bawi pawl cu thu a pek.
23 Cumi cu David an sim ih cutikah David in, “Siangpahrang ih maakpa si ding cu sunloih ding ngaingai a si. Keimah vek mifarah le minauta hrangah cun ruah ban ding hman a si lo,” tiah a ti.
24 Bawi pawl in David ih òong cu Saul an sim.
25 Cutikah Saul in, “David cu va sim uh; “Siangpahrang in a fanu man ah ziangdang duhmi a nei lo. A ral pawl phulaknak ah Filistin ralkap pawl ih zahmawh vunzim zakhat lawng a ngen a si,” va ti uh,” tiah a kuthnuai bawi pawl hnenah thu a pek. David cu Filistin pawl in an that pei, tiah Saul ih tumtahmi cu a si ringring.
26 Saul ih òongkam cu a kuthnuai bawi pawl in David an va sim tikah David cu siangpahrang ih maakpa si ding kha a ruah tikah a hni suamso. Òhit awk ding ni a thlen hlanah,
27 David le a ralkap pawl cun Filistin pawl an va do ih minung zahnih an that. David in Filistin ralkap pawl ih zahmawh vunzim cu Saul siangpahrang hnenah a fehpi ih a maakpa si duh ah a hmai rori ah a va siarsak. Cule Saul in a fanu Mikhal cu David a neihter.
28 Bawipa Pathian cu David hnenah a um ti le a fanu Mikhal khalin David cu a duh zet ti kha Saul in fiang tein a thei.
29 Curuangah David cu a òih sinsin ih a nunsung hmuahhmuah a ralah a cangta.
30 Filistin ralkap pawl in Israel mi pawl cu atu le atu an ra do òheu. Asinan David in ralbawi dang hmuahhmuah hnakin a neh thei deuh ringring ruangah David cu a hmin a thang ngaingai.