12
Samuel Ih Netabik Thusimmi
Samuel in Israel mi pawl hnenah, “Òuan dingih in fialmi cu kan òuan zo. Nanmah a lo uktu dingah siangpahrang ka ret zo. A lo hruaitu dingah nanmah ih ta a si zo. Kei cu ka tar zo ih ka òuak khal a par òheh zo. Ka fapa pawl khal nan lakah an tel a si. Ka no lai ihsin atu tiang nan hotu ka si ringring. Atu ah nan hmaika ah ka um. Thilsual ka tuahmi pakhatkhat a um asile Bawipa Pathian le amah ih hrilmi siangpahrang ih hmaiah atu ah nan lungkim lonak phuang uh. Mi caw ka la dah maw? Mi laak ka ru dah maw? Mi pakhatkhat ka bum in ka neh nen dah maw? Zo ih hnenin nawhthuh ka la dah maw? A dik lo ih ka lakmi a um a si ahcun ka lakmi zat in ka samsal ding,” tiah a ti.
Cutikah Israel mi pawl in, “Zohman in bum lo; in neh nen lo ih zohnen hman in zianghman na la dah lo,” tiah an ti.
Cule Samuel in, “Tuih sun ih mawhnak nei lo ih in hmuhnak ahhin in theihpitu cu Bawipa Pathian le amah ih hrilmi siangpahrang an si,” tiah a ti.
Cutikah annih in, “ Bawipa cu in theihpitu a si,” tiah an ti.
Cule Samuel in, “Moses le Aaron a hriltu le nan pupa pawl Izipt ram ihsin a suaktertu cu Bawipa a si.Ref 12:6 Suah 6:26; Curuangah nan umnak ciar ah ding uhla nanmah le nan pupa pawl run dingah Bawipa ih mangbangza thil a tuahmi pawl ka lo sim dingih Bawipa ih hmaiah nan sualnak ka phuang ding. Jakob le a sungkhat pawl Izipt ram ih an thlen tikah Izipt mi pawl in an hrem ruangah Bawipa ih hnenah bomnak dil in an au. Bawipa in an aunak cu a thei ih Moses le Aaron a thlah ih anmah in nan pupa pawl cu Izipt ram ihsin an suahpi ih hi ram ahhin an thlenpi a si.Ref 12:8 Suah 2:23; Asinan Bawipa an Pathian an hngilh ruangah Pathian in Hazor khua ih ralkap pawl hotu ralbawi Sisera le Filistin mi pawl le Moab siangpahrang pawl kha Israel a doter ih a nehter.Ref 12:9 Thuò 3:12; 4:2; 13:1; 10 Cun Bawipa ih hnenah bomnak dil in an au lala ih “Maw Bawipa, na lamzin ihsin kan pial ih Baal khawzing le Astartes khawzingnu pawl kan bia. Kan sual a si. Asinan kan ral pawl ih kutsung ihsin in luatter hram awla nangmah kan lo bia ding,” an ti.Ref 12:10 Thuò 10:10-15; 11 Curuangah Bawipa in Jerub-baal, Barak, Jefthah le Samuel pawl a thlah ih nan ral pawl ih kutsung ihsin an lo run ih hnangam zet in nan um.Ref 12:11 Thuò 4:6; 7:1; 11:29; 1 Sam 3:20;
12 Sikhalsehla Ammon siangpahrang Nahash in, in do ding ti nan theih ve tein Bawipa cu nan siangpahrang si dingah nan duh nawn lo ih, “In uktu dingah siangpahrang in pe aw,” tiah in dil.Ref 12:12 1 Sam 8:19; 13 Atu ah nan hrilmi siangpahrang a um zo. Nan dilmi a si ih Bawipa in a lo pek a si. 14 Curuangah nanmah le nan siangpahrang in Bawipa nan Pathian cu nan thlun, a thu khal nan ngai, a thupekmi bangtukin nan tuah ih amah òihzah upatnak in a hna khal nan òuan a si ahcun a òha ko ding. 15 Asinan Bawipa thu nan ngai duh lo ih a thupekmi tla nan el a si ahcun, nan pupa pawl ih an rak tuar bangin, nanmah le nan siangpahrang in nan tuar ding a si. 16 Curuangah nan umnak hmun ciar ah ding uhla Bawipa ih thil makzet a tuah dingmi hi zoh hnik uh. 17 Atu hi òhal tikcu a si lo maw? Thla ka cam pei ih Bawipa in khua a ritter dingih ruah a surter ding. Cumi cu nan hmuh tikah Bawipa ih hnenah siangpahrang nan dil ruangah hin Pathian hnenah sualnak tum zet nan tuah a si, ti cu fiang tein nan thei ding a si,” tiah a ti.
18 Cutikah Samuel in thla a cam ih cuih ni rori ah Pathian in khua a ritter ih ruah khal a surter. Cule mi hmuahhmuah in Bawipa le Samuel cu an òihzet ih, 19 Samuel hnenah, “Kan thih lonak dingah zangfah tein Bawipa na Pathian hnenah thla in cam sak hram aw. Kan sualnak siar cawk lo ih tlunah siangpahrang kan dil ruangah hin kan sual bet a si,” tiah an ti.
20 Cutikah Samuel in, “Nan thinphang hlah uh. Thil òha lo nan tuah zo nain Bawipa ih hnen ihsin pial nawn hlah uh. Nan thinlung zate in amah ih hnaòuan sawn uh. 21 Pathian lem pawl hnenah feh hlah uh. Annih pawl cun an lo bawm lo ih an lo run thei fawn lo, ziangahtile annih cu a lem an si. 22 Pathian cun a hmin saal in thu a lo kam ih ziangtik hmanah a lo taan lo ding; ziangahtile amah ih minung si dingah a lo tumtah cia zo a si. 23 Kei cu ziangtik hmanah nan hrangih thlacam ka cawl lo ding; ka cawl asile Bawipa ih hmaiah misual ka si ding. A òhami le a dikmi pawl tuah dingah ka lo zirh sawn ding. 24  Bawipa cu òihzah uhla rinsan tlak zet in nan thinlung zate thawn amah ih hnaòuan uh. Nan hrangih thilmak zetzet a tuahmi pawl ziangtik hmanah hngilh hlah uh. 25 Sikhalsehla thil òha lo nan tuah thotho a si ahcun nan zate in nan siangpahrang thawn siatsuah thluh nan si ding,” tiah a ti.