6
Tacik Paruk A Phoih
1 Cule Tuufa in tacik pasarih lakah pakhat a phoih kha ka hmu ih thilnung pali lakih pakhat in, a aw khuari thawm bangin, “Ra,” tiah a ti ka thei.
2 Ka zoh ih rang raang pakhat ka hmu. A parih a totu cun li pakhat a keng ih bawi lukhuh khal an pek. Mi nehtu in neh dingih a feh bangin a feh.Ref 6.2 Zek 1:8, 6:3, 6;
3 Cule Tuufa in tacik pahnihnak a phoih ih thilnung pahnihnak in, “Ra,” a ti kha ka thei.
4 Rang dang pakhat a ra suak ih rang sen a si. A parih a totu hnenah leilungtlun ah pakhat le pakhat thahawknak ral thok dingin thu an pek. Ralnam tumpi khal an pek.Ref 6.4 Zek 1:8, 6:2;
5 Cule Tuufa in tacik pathumnak a phoih ih thilnung pathumnak in, “Ra,” a ti kha ka thei. Ka zoh ih rang dum pakhat ka hmu. A parih a totu in cuai thlainak zazu pakhat a kut in a keng.Ref 6.5 Zek 6:2, 6;
6 Thilnung pali lak ihsin aw bangtuk thawng ka thei ih, “Nikhat hlawhman ah sangvut pawngkhat, nikhat hlawhman ah barli pawngthum. Asinan olif thingkung le sabit hmuan cu siatsuah hlah,” a ti.
7 Cule Tuufa in tacik palinak a phoih ih thilnung palinak in, “Ra,” a ti kha ka thei.
8 Ka zoh ih rang a tisa a raammi pakhat ka hmu. A parih a totu cu a hmin ah Thihnak a si ih Hell in a dunglam naihte ihsin a thlun. Anmah tla cu leilungmi ih òhenli òhenkhat kha raldonak, paamnak, natnak le sahrang ih tuahmawhnak in thah dingah thu pekmi an si.Ref 6.8 Ezk 14:21;
9 Cule Tuufa in tacik panganak a phoih. Pathian thu an sim ruangah le rin tlak zet in an phuan ngam ruangih thah a tongtu pawl ih thlarau cu biakòheng hnuai ah ka hmu.
10 Ring zet in an au ih, “A thianghlimmi le a dikmi Cungnungbik Bawipa, leilungtlun minung kan thisen a luantertu pawl hi ziangtik tiang so phuba la lo le hrem lo in na zuah ding?” an ti.
11 Annih pawl cu puan raang pakhat ciar pek an si ih, “Nanmah bangin thah a tuar dingmi nan unau le nan siahhlawhpi pawl an kim hlan lo caan malte sung cawl hrih uh,” tiah an sim.
12 Cule Tuufa in tacik paruknak a phoih khi ka hmu. Nasa zet in ling a hnin ih ni cu puansia dum vekin a dum ih thlapi cu thisen bangin a sen òheh.Ref 6.12 Thup 11:13, 16:18; Isa 13:10; Joe 2:10, 31, 3:15; Mat 24:29; Mar 13:24-25; Luk 21:25;
13 Cule arsi tla cu thlipi in theikuh a sem thlak vekin leilung ah an tla.Ref 6.13-14 Isa 34:4;
14 Van cu cazual vekin a zual aw hlo ih tlang le tikulh hmuahhmuah cu an umnak hmun ihsin an òhawn òheh.Ref 6.14 Thup 16.:0;
15 Cule leilungtlun siangpahrang pawl le ram uktu pawl le ralbawi pawl, milian le thuneitu pawl le midang hmuahhmuah, sal le miluat thawn, lungkua sung le tlangpar lungpuk hnuai ah an relh.Ref 6.15 Isa 2:19, 21;
16 Tlang le lungpi pawl hnenah, “In nen uhla bawi tohkham ih a totu mithmai le Tuufa thinhennak ihsin in thup hram uh.Ref 6.16 Hos 10:8; Luk 23:30;
17 An thinhennak a thlen ni, tuksumza ni a thleng zo ih zoso a tuar thei ding?” tiah an au.Ref 6.17 Joe 2:11; Mal 3:2;