5
Cazual Le Tuufa
Bawi tohkham parih a tomi in cazual pakhat a vorhlam kut in a ken kha ka hmu. Cuih cazual cu a sunglam le lenglam in nganmi a si ih tacik pasarih ih khenmi a si.Ref 5.1 Ezk 2:9-10; Isa 29:11; Cule vancungmi pakhat a cak zetmi ka hmu ih aw ring zet in, “Hi tacik khenmi siatbal tahrat in cazual ong dingah a tlakmi zoso a um?” tiah a au. Asinan cuih cazual ong tahrat in a sung a zoh theitu vancung ah siseh, leitlun ah siseh, leihnuai khalah siseh, zohman an um lo. Cutiin cazual a ongtu ding tlak le a sung a zohtu ding tlak zohman an um lo ka hmuh tikah napi in ka òap. Cutikah upa pakhat in, “Òap hlah. Zoh hnik! Judah phun sung ihsin a rami Kiosa tiih kawhmi, David ih tefa misunglawi tiih kawhmi cu nehtu a si zo ih tacik pasarih cu a siatter dingih cazual cu a ong ding,” tiah i ti.Ref 5.5 Sem 49:9; Isa 11:1, 10;
Cule Tuufa pakhat, bawi tohkham laifangah a ding ih thilnung pali le upa pawl in an kulh kha ka hmu. Cuih Tuufa cu thah cia mi a bang. Ki pasarih le mit pasarih a nei ih cuih mit pasarih cu leilungtlun khuazakip ah a thlahmi Pathian ih thlarau pasarih an si.Ref 5.6 Isa 53:7; Zek 4:10; Tuufa cu a va feh ih bawi tohkham parih a tomi ih vorhlam kut ihsin cazual cu a lak. Cutiih a lak òheh ve tein Tuufa hmai ahcun thilnung pali le upa kul hluanli cu an bok. Òingòang pakhat ciar le rimhmui in a khat mi sui kheng pakhat fingfing an keng ih cuih rimhmui cu Pathian minung pawl ih thlacamnak a si.Ref 5.8 Saam 141:2; Hla thar an sak ih:
“Nangmah cu cazual latu dingah le
tacik phoihtu dingah na tlak a si.
Ziangahtile thahnak na tuar zo ih,
na thihnak thawngin phunkip,
hnamkip, òongtin le hrintin ihsin;
Mi tampi Pathian hrangah na lei zo a si.Ref 5.9 Saam 33:3, 98:1; Isa 42:10;
10 Kan Pathian riantu dingah
puithiam phun le siangpahrang uknak ah
annih cu na tuah zo ih,
annih in leitlun an uk ding,”
tiah an ti.Ref 5.10 Suah 19:6; Thup 1:6;
11 Ka zohsal tikah a thawng sawm a thawng za, a siar ih siar cawk lo vancungmi pawl ih aw thawng ka thei. Bawi tohkham le thilnung pali le upa pawl ih kimvel ah an ding ih,Ref 5.11 Dan 7:10; 12 ring zet in hla an sak ih:
“Thah a tuartu Tuufa cu
huham le lennak, fimnak le cahnak,
hminthannak, sunlawinak le
thangòhatnak co tlak a si,” tiah an ti.
13 Cule vancung ah siseh, leitlun le leihnuai khalah siseh, ti sungih a ummi khalin siseh, lei le van ih nunnak thaw a neimi hmuahhmuah in:
“Bawi tohkham ih a totu le Tuufa hnenah
thangòhatnak le upatnak,
sunlawinak le cahnak cu
a kumkhua in um ko seh,” tiah hla an sak.
14 Cule thilnung pali in, “Amen,” an ti tikah upa pawl cun an bok ih an biak.