4
Vancung Ih Pathian Biaknak
1 Cuih hnuah ka hun zoh ih langnak dang ka hmusal ih vancung ah sangka a ong aw mi pakhat ka hmu.
Cule a hmaisa ih ka theihmi tawtawrawt bangtukih a ringmi aw kha ka thei ih, “Hitawkah hung awla himi òheh in a ra thleng dingmi ka lo hmuh ding,” tiah cuih aw cun i ti.
2 Cule Thlarau in hmakhat teah i zeel. Vancung ahcun bawi tohkham pakhat a um ih cuih tohkham parah mi pakhat a to.Ref 4.2-3 Ezk 1:26-28, 10:1;
3 A mithmai cu a hringmi jasper lungmankhung le a senmi karnelian lungmankhung bangtukin a tleu; a bawi tohkham kiangkap cu a hringmi emerald lungmankhung bangtuk vangro in a kulh.
4 A bawi tohkham kimvel ah a dang bawi tohkham kul hluanli an um ih cuih tohkham parah puan vaar a sinmi le suilukhuh a khumtu upa kul hluanli an to.
5 Cuih bawi tohkham ihsin nimthla a kau zukzo ih khuari thawm a thang durdo. Cule bawi tohkham hmai ahcun meisa vanmi pasarih a um ih, cuih meisa vanmi pasarih cu Pathian ih thlarau pasarih an si.Ref 4.5 Suah 19:16; Thup 8:5, 11:19, 16:18; Ezk 1:13; Thup 1:4; Zek 4:2;
6 Bawi tohkham hmai ahcun tikhal bangin a tlemi thlalang tifinriat bangtuk khal a um.
Cuih bawi tohkham kimvel ah thilnung pali an um ih dunglam hmailam in mit in an khat òheh.Ref 4.6-7 Ezk 1:22, 5-10, 10:14;
7 Thilnung pakhatnak cu kiosa a bang; a pahnihnak cu cawcang a bang; a pathumnak cu minung mithmai a bangih a palinak cu a zammi mupi a bang.
8 Thilnung pali cu thla paruk ciar an nei ih cuih thla cu a sunglam a lenglam in mit in an khat òheh. Sun le zan cat lo in hla an sak ih,
Thianghlim, thianghlim, thianghlim,
Ziangkimtithei Bawipa Pathian;
A rak um zomi, atu ah a ummi le
hmailam khalah a umlai dingmi a si,
tiah an sak.Ref 4.8 Ezk 1:18, 10:12; Isa 6:2-3;
9 Thilnung pali in bawi tohkham parah a to ih kumkhua in kumkhua tiang a nungmi hnenah sunlawinak le upatnak le lungawinak hla an sak.
10 Cubangtuk ih hla an sak tikah bawi tohkham parih a totu hmai ahcun an kun ih kumkhua in kumkhua tiang a nungmi cu an biak. An sui lukhuh cu bawi tohkham hmai ahcun an òhum ih:
11 “Kan Bawipa le kan Pathian,
Nang cu sunlawinak, upatnak le
huham co tlak na si.
Ziangahtile nang cun ziang hmuahhmuah
na tuah ih na thu in siammi le
nuntermi an si, tiah an ti.