3
Sardis Kawhhran Hnenih Thucahmi
“Sardis kawhhran ih vancungmi hnenah hitiin ngan aw:
“Pathian ih thlarau pasarih le arsi pasarih a neitu ih thucahmi cu hibangtuk in a si. Na hnaòuanmi ka thei; a nungmi kawhhran tiah na hmin a thang zet nain na thi a si. Curuangah òhangharh awla na neih hrihmi kha a thih ngah hlanah thazang a thar in lasal aw. Ziangahtile hna na òuan cia mi hi Pathian hmaiah an famkim hrih lo tiin ka hmu. Curuangah an lo zirhmi le na theih cia mi pawl kha hngilh hlah aw; a thlun tum awla na sualnak ihsin kirsal aw. Na òhangharh lo a si ahcun rukru bangin na hnenah ka ra dingih ka rat tikcu hman na thei lo ding.Ref 3.3 Mat 24:43-44; Luk 12:39-40; Thup 16:15; Sikhalsehla Sardis khua ih a ummi lakah mi malte cun nan hnipuan thiangfai zet in nan re a si. Puan rang hrukin keimah thawn nan feh ding, ziangahtile cutiih feh tlak nan si. Nehtu pawl cu cubangtuk in puan raang an hruk dingih nunnak cabu sung ihsin an hmin ka phiat lo ding. Ka Pa le a vancungmi pawl hmaiah “Ka ta an si,” tiah langhngan in ka sim ding.Ref 3.5 Suah 32:32-33; Saam 69:28; Thup 20:12; Mat 10:32; Luk 12:8;
“Theihnak hna nan neih asile Thlarau in kawhhran pawl hnenih a simmi hi ngai uh,” tiah a ti.
Filadelfia Kawhhran Hnenih Thucahmi
“Filadelfia kawhhran ih vancungmi hnenah hitiin ngan aw:
“A thianghlimmi le a dikmi ih thucahmi cu hibangtuk in a si. Amah cu David tawh a neitu a si ih sangka a onmi cu zohman in an khar thei lo ding; cule a kharmi cu zohman in an ong thei lo ding.Ref 3.7 Isa 22:22; Job 12:14; Na hnaòuanmi ka thei; na thazang a mal ti khal ka thei. Asinan ka thuzirhmi na thlun ih ka hmaiah rinsan tlak in na um. Na hmaiah sangka ka ong ih zohman in an khar thei lo ding. Ngai hnik! Judah mi kan si, an ti nain a si taktak lomi thuphanper pawl, Satan minung pawl cu na hnenah ka ratter dingih na hmaiah an kun ding. Ka lo duhdawt hi an zate in an thei ding.Ref 3.9 Isa 49:23, 60:14, 43:4; 10 Ka thupekmi bangtukin thinsau in harsatnak na tuar thei ruangah leilungtlun mi hmuahhmuah hniksak dingah a ra thleng dingmi harsatnak sung ihsin ka lo humhim ding. 11 Ka ra cing ding. Nehtu na si ruangih na ngah dingmi laksawng cu zohman ih an lo lon theilonak dingah na neih cia mi cu kil òha aw. 12 Nehtu cu ka Pathian ih biakinn sungih òhuam ah ka tuah dingih cuih biakinn cu a tlansan nawn lo ding. Ka Pathian ih hmin cu a parah ka ngan ding; Jerusalem khua thar, ka Pathian ih khuapi hmin khal a parah ka ngan ding. Cuih khuapi cu vancung ihsin ka Pathian hnenin a rung òum dingmi a si. Cule ka hmin thar khal a parah ka ngan ding.Ref 3.12 Thup 21:2; Isa 62:2, 65:15;
13 “Theihnak hna nan neih asile Thlarau in kawhhran pawl hnenih a simmi hi ngai uh,” tiah a ti.
Laodisia Kawhhran Hnenih Thucahmi
14 “Laodisia kawhhran ih vancungmi hnenah hitiin ngan aw:
A hmin ah Amen a simi, rinsan tlak le theitu dik a si ih Pathian ih siammi hmuahhmuah ih hramthawhnak a simi ih thucah cu hibangtuk in a si.Ref 3.14 Thuf 8:22; 15 Na hnaòuanmi ka thei. A daih khal na dai lo, a sat khal na sa fawn lo, ti ka thei. Na daih asile dai lawlaw aw, na sat asile sa lawlaw aw, ti ka duh. 16 A daih le dai si lo, a sat le sa si lo; a hlum fangfang na si ruangah ka kaa sung ihsin ka lo khak suak ding. 17 Nangmah cun, “Ka lian ih mi neinung ka si; zianghman tlaksammi ka nei lo,” na ti aw. Sikhalsehla mizonzai le zangfakza na si zia na thei aw lo. Na farah, lawngfangkheh in na um ih na mit a caw. 18 Thu ka lo sim duhmi cu, sui ngaingai ka hnen ihsin lei awla cuticun na lian ding. Na thuamawknak ah hnipuan rang lei awla, ningzakza lawngfangkheh ih na um kha hup aw. Na mit hrangah mitna sii khal lei awla cuticun khua na hmu ding. 19 Ka duhdawtmi pawl cu ka kawk ih ka hrem a si. Curuangah taimak suah in um awla na sualnak sir aw. 20 Ngai hnik! sangka kiangah ka dingih ka king. Zokhal ka aw a thei ih sangka i ontu cu a inn ah ka lut dingih a hnenah rawl ka ei ding; cule anih khal keimah thawn a ei ve ding. 21 Nehtu ka si zo ih atu ah ka Pa ih bawi tohkham parah ka Pa kiangih ka to vekin nehtu a simi pawl cu ka bawi tohkham parah ka kiangah to theinak thu ka pe ding.
22 “Theihnak hna nan neih asile Thlarau in kawhhran pawl hnenih a simmi hi ngai uh,” tiah a ti.