22
Cule cuih vancungmi cun thlalang bangin a tleumi nunnak tiva i hmuh. Cuih tiva cu Pathian le Tuufa ih bawi tohkham ihsin a puut ih,Ref 22.1 Ezk 47:1; Zek 14:8; khuapi lamzin laifang in a luang. Cuih tiva kap hnih ah nunnak thingkung a um ih thla khat vei khat in kum khat ah vei hleihnih an rah. Cule thinghnah cu mi phunkip hrangah damnak a si.Ref 22.2 Sem 2:9; Ezk 47:12; Pathian ih camsiat a tongtu zianghman cuih khuapi sungah a um thei lo ding.Ref 22.3 Zek 14:11;
Pathian le Tuufa ih bawi tohkham cu cuih khuapi ah a um dingih a siahhlawh pawl in amah cu an bia ding. Hmaiton in an hmu aw dingih a hmin cu an cal ah ngan a si ding. Cuih hmunah zan a um nawn lo ding; mei-inn siseh, nitleu siseh, an òul lo ding, ziangahtile Bawipa Pathian cu an tleunak a si dingih siangpahrang bangin kumkhua in an uk lanta ding.Ref 22.5 Isa 60:19; Dan 7:18;
Jesuh Ratsalnak
Cule vancungmi in ka hnenah, “Hi thu pawl hi a dikmi le zum tlak an si. Profet pawl hnenah a Thlarau a thlahtu Bawipa Pathian in a thleng cing dingmi thil kha amah ih siahhlawh pawl theihter dingah a vancungmi a thlah a si,” tiah i ti.
Jesuh in, “Ngai uh, ka ra cing ding. Hi cabu sungih nganmi profet òongkam a thluntu cu mi lungawi an si,” tiah a ti.
Keimah Johan in hi pawl hi ka hmu ih ka thei. Cutiin ka hmu ih ka theih hnuah hibangtuk thil i hmuhtu vancungmi ih kehram ah ka bok ih a biak ka tum. Asinan anih in, “I bia hlah! Kei khal nangmah le na unau profet pawl le hi cabu sungih nganmi thu a thluntu pawl bangtukin Pathian ih siahhlawh ka si ve! Pathian bia sawn aw!” tiah i ti. 10 Cule ka hnenah, “Hi cabu sungih nganmi profet òongkam hi thup hlah, ziangahtile hi thu pawl hi a kim cing ding. 11 Zokhal thil òha lo a tuahtu cu tuah hrih ko seh; fihnungza a simi cu fihnungza in nung hrih ko seh; thil òha a tuahtu cu tuah hrih ko seh; cule a thianghlimmi cu thianghlim in um hrih ko seh,” tiah a ti.Ref 22.11 Dan 12:10;
12 Jesuh in, “Ngai uh! Ka ra cing ding! An hnaòuan vekih pe ciar dingah òuanman ka rak keng ding.Ref 22.12 Isa 40:10, 62:11; Saam 28:4; Jer 17:10; 13 Keimah cu Alfa le Omega, a hmaisabik le a netabik, a thawhnak le a cemnetnak ka si,” tiah a ti.Ref 22.13 Thup 1:8, 17, 2:8; Isa,. 44:6, 48:12;
14 An hnipuan fai zet in an sawp ih nunnak thingkung ih rah ei theinak thu le khuapi sungah kotka ihsin luh theinak thu a neitu cu mi lungawi an si.Ref 22.14 Sem 2:9, 3:22; 15 Sikhalsehla uico bangtukin a nungmi, dawithiam pawl, nupa sualnak a tuahtu, mi a thattu pawl, milem a betu pawl le an òong in siseh, an tuahnak in siseh, thuphanper pawl cu khuapi lengah an um ding.
16 “Keimah Jesuh in hi thu hi kawhhran pawl hnenih than dingah ka vancungmi nan hnenah ka run thlah. Keimah hi David ih hram le tesinfa ka si; keimah hi deirel arsi tleu ka si,” tiah a ti.Ref 22.16 Isa 11:1, 10;
17 Thlarau le Mo cun, “Ra aw,” an ti.
Hi thu a theitu hmuahhmuah in, “Ra aw,” tiah ti ciar hai seh. Tihal mi hmuahhmuah in ra uh; nunnak tidai a duhtu hmuahhmuah in man lo in ra in uh.Ref 22.17 Isa 55:1;
Thunetnak
18 Keimah Johan in, hi cabu sungih nganmi profet òongkam a theitu hmuahhmuah hnenah, ralrinnak ka lo pe; hi profet òongkam tlunah zokhal thudang a bettu cu Pathian in a parah hi cabu sungih nganmi natsia hremnak kha a bet ve ding.Ref 22.18 Daan 4:2, 12:32; 19 Cule zokhal hi cabu sungih profet òongkam nganmi hi a phiat hlotu cu hi cabu sungih ngan cia mi a co dingmi nunnak thingrah le Khuapi Thianghlim sungih luh theinak a co dingmi kha Pathian in a phiat hlosak ve ding.
20 Hi thu hmuahhmuah a phuangtu in, “A si! Ka ra cing ding,” tiah a ti.
Amen! Bawipa Jesuh, ra thlang aw!
21  Bawipa Jesuh ih zangfahnak cu nan zate hnenah um hram seh.