2
Efesa Kawhhran Hnenih Thucahmi
“Efesa kawhhran ih vancungmi hnenah hitiin ngan aw: A vorhlam kut ah arsi pasarih kengin sui mei vannak tung pasarih lakih a tawivak rerotu ih thucahmi cu hibangtuk in a si: Na hnaòuanmi ka thei; taima zet ih hna na òuan zia le thinsau zet ih na um zia khal ka thei. Cun miòha lo pawl na zawi et thei lo zia le dungthluntu si lo cingih dungthluntu ka si a titu pawl na hniksak ih thuphanper an si zia na hmuhsuahnak thu pawl ka thei òheh. Na thin a sau ih keimah ih ruangah na tuar; asinain na bei a dong lo. Sikhalsehla mawhthluk ding pakhat ka lo nei: A hramthokih duhdawtnak na neihmi kha na nei nawn lo. Na tlaknak a san zia hi ruathnik. Na sual sir awla a hmaisa ih na tuahmi kha tuahsal aw. Na sualnak na tlansan lo a si ahcun ka ra dingih na mei vannak tung hmundang ah ka òhawn ding. Asinan porhtlak na sinak pakhat a um. Nikolas a thluntu pawl ih hnaòuannak cu keimah ih ka huat tluk in na hua ve a si.
“Theihnak hna nan neih asile Thlarau in kawhhran hnenih a simmi hi ngai uh.
“Nehtu a simi hnenah Pathian Hmuan sungih a khomi nunnak thingrah ei theinak thu ka pe ding,” a ti.Ref 2.7 Sem 2:9; Thup 22:2; Ezk 28:13, 31:8;
Smarna Kawhhran Hnenih Thucahmi
“Smarna kawhhran ih vancungmi hnenah hitiin ngan aw: A hmaisabik le a netabik a simi, a thi ih a nungsalmi ih thucahmi cu hibangtuk in a si.Ref 2.8 Isa 44:6, 48:12; Thup 1:17, 22:13; Harsatnak na tuarmi pawl ka thei. Mifarah na si khal ka thei: Sikhalsehla na lian a si. Judah mi kan si an ti nain a si ngaingai lomi pawl ih an lo relsiatnak ka thei. Annih cu Satan ta an si. 10 Harsatnak na tuar dingmi kha zianghman òih hlah. Ngai hnik! Satan in a lo hniksak dingih òhenkhat cu thawng ah thlak nan si ding. Cule nan harsatnak cu ni hra a rei ding. Thihnak tuar ding a si hmanah ka hrangah rinsan tlak in um uhla nan nehman ah nunnak suilukhuh ka lo pe ding.
11 “Theihnak hna nan neih asile Thlarau in kawhhran hnenih a simmi hi ngai uh.
“Nehtu pawl cu vei hnih thihnak in a siatsuah lo ding,” a ti.Ref 2.11 Thup 20:14, 21:8;
Pergamum Kawhhran Hnenih Thucahmi
12 “Pergamum kawhhran ih vancungmi hnenah hitiin ngan aw: Ralnam kaphnih hriam a neitu ih thucahmi cu hibangtuk in a si. 13 Na umnak hmun cu ka thei: Satan in a bawi tohkham a retnak hmunah a si. Ka hrangah rin tlak in na nung ih Satan umnak hmunah rin tlak ka thu theitu Antipas an thah lai hmanah ka parih rinsannak na neihmi cu na òhin cuang lo. 14 Sikhalsehla na parah lungkim lonak malte ka nei: Nanmah lakah Balaam thuzirhnak a thluntu mi òhenkhat an um. Milem hnenih pekmi rawl einak le nupa sualtuahnak in sualnak sungih Israel mi pawl luhpi dingah Balaam in Balak kha a rak fial.Ref 2.14 Mipum 22:5, 7, 31:16; Daan 23:4; Mipum 25:1-3; 15 Cuvek thotho in Nikolas a thluntu pawl ih thuzirhnak a pomtu khal nan lakah an um. 16 Cuti a si ruangah hibangtuk sualnak ihsin kirsal uh. Nan kirsal lo asile nan hnenah zamrang in ka ra dingih cumi pawl cu ka kaa sung ihsin a suakmi ralnam thawn ka do ding a si.
17 “Theihnak hna nan neih asile Thlarau in kawhhran hnenih a simmi hi ngai uh.
“Nehtu pawl cu thuhmi Manna sang òhenkhat ka pe ding. Cuih tlunah lung raang pakhat fingfing in ka pe dingih cuih lung raang parah cun a cotu lawng ih theihmi an hmin thar ngan in a um fingfing ding,” tiah a ti.Ref 2.17 Suah 16:14-15, 16:33-34; Joh 6:48-50; Isa 62:2, 65:15;
Thiatira Kawhhran Hnenih Thucahmi
18 “Thiatira kawhhran ih vancungmi hnenah hitiin ngan aw: A mit meisa bangin a alh-mi le a ke cu hnawtfaimi daar vekin a tleumi Pathian Fapa ih thucahmi cu hibangtuk in a si. 19 Na hnaòuanmi ka thei. Duhdawtnak na neih zia, rinsan tlak na si zia, hna na òuan zia le thinsaunak na neih zia ka thei òheh. A hmaisa hnakin atu ah tam sawn in hna na òuan ti khal ka thei. 20 Asinan ka lo mawhthluknak pakhat a um: Pathian ih thlahmi profet ka si a ti awtu nunau Jezebel na zawi et theinak hi a si. Jezebel in ka minung pawl a hruaisual ruangah nupa sualnak an tuah ih milem hnenih pekmi rawl tla an ei.Ref 2.20 2 Siang 16:31; 2 Siang 9:22, 30; 21 Thinlung sirawknak tikcu ka pek, asinain a nunsualnak lamzin ihsin a kir duh lo. 22 Curuangah natnak thawn ihkhun ah ka thlenter dingih nupa sualnak a tuahpitu pawl thawn tuksumza harsatnak an tuar ding. Amah thawn an tuahmi sualnak ihsin an sir awk lo ahcun hi tuarnak pawl hi atu rori ah an parah ka thlenter ding. 23 Amah a thluntu pawl khal ka that dingih cuticun kawhhran hmuahhmuah in minung ruahnak le tumtahmi a thei òhehtu ka si zia hi an thei ding. Cule zozo khal nan tuahmi vekin a man nan ngah ding.Ref 2.23 Saam 7:9; Jer 17:10; Saam 62:12;
24 “Sikhalsehla Thiatira khua ih a ummi midang pawl cun hi zirhnak òha lo hi nan thlun lo ih midang in, “A thukmi Satan thuthup,” an timi cu nan thei lo. Nan hnenih ka sim duhmi cu: Nan parah thilrit bet ka tum lo; 25 nan pom cia mi hi ka rat hlan tiang thlah hlah uh, tihi a si. 26 Nehtu pawl le tuah hai seh tiih ka duhmi a net tiang a tuahtu pawl cu ka Pa hnen ihsin ka ngahmi thuneihnak kha an hnenah ka pe ve ding. Miphun dangdang tlunih uknak thu an hnenah ka pe ding; 27 thirfung thawn uk theinak le tlak beel khuai bangih miphun dang pawl khuaiparh theinak thu an hnenah ka pe ding.Ref 2.26-27 Saam 2:8-9; 28 Cun deirel arsi khal ka pe ding.
29 “Theihnak hna nan neih asile Thlarau in kawhhran pawl hnenih a simmi hi ngai uh,” tiah a ti.