19
Cuih hnuah vancung ah mi tampi ih aw bangtuk ka thei ih, “Pathian cu thangòhat si ko seh! Rundamnak le sunlawinak le huham cu kan Pathian ih ta an si! A thuòhennak cu a dik le a dingmi an si. Hlawhhlang nu, a taksa hiar sualnak thawn leilung a balhtertu cu hrem a si zo. Pathian riantu pawl a thah ruangah amah cu Pathian in a hrem zo a si,” tiah an ti.Ref 19.2 Daan 32:43; 2 Siang 9:7; Cule ring zet in, “Pathian cu thangòhat si ko seh! Khualipi a kang ruangih meikhu cu kumkhua in van ah a kai a si,” tiah an au lala.Ref 19.3 Isa 34:10; Cutikah upa kul hluanli le thilnung pali cu an bok ih bawi tohkham parih a totu Pathian cu an biak. Annih in, “Amen! Pathian cu thangòhat si ko seh,” tiah an ti.
Tuufa Nupi Òhit Puai
Cule bawi tohkham ihsin aw pakhat a ra thang ih, “Kan Pathian cu thangòhat uh; a riantu pawl le a minung pawl, a tum a te ti lo in amah a òihzahtu hmuahhmuah in thangòhat uh,” tiah a ti.Ref 19.5 Saam 115:13; Cuih hnuah miburpi ih aw bangtuk, a hrual in a hrual aw mi tisuar aw bangtuk, khua a ri durdomi aw bangtuk ka thei. Cuih aw in, “Pathian cu thangòhat si ko seh! Ziangahtile Bawipa, Ziangkimtithei kan Pathian cu Siangpahrang a si!Ref 19.6 Ezk 1:24; Saam 93:1, 97:1, 99:1; Lungawi aipuang in um uh si! A maksaknak cu thangòhat uh si! Ziangahtile Tuufa nupi òhit caan a thleng zo ih mo khal òhitawknak puai hrangah timtuah cia in a um zo. A hruk dingah patzai in tahmi puan raang a tleu zetmi cu pek a si zo,” tiah an ti ka thei. Cuih patzai ih tahmi puan raang cu Pathian minung pawl ih thilòha tuahmi a si.
Vancungmi in, “Himi hi ngan aw: Tuufa nupi òhit puai ih sawmmi pawl cu mi lungawi an si. Hi thu hi Pathian thudik a si,” tiah a ti.Ref 19.9 Mat 22:2-3;
10 Cutikah amah biak dingah a kehram ah ka bok, asinain anih in, “Khatiin bok hlah! Kei khal nangmah bangtuk siahhlawh ka si ve; Jesuh in a phuanmi thutak a pomhngettu nan unau lakah pakhat ka si ve. Pathian lawng biak ding a si,” tiah a ti.
Jesuh ih a phuanmi thutak hi a si, profet pawl thinlung a thotertu cu!
Rang Raang Parih A Totu
11 Cule vancung khi a ong aw ka hmu ih rang raang pakhat a lang. A parih a totu cu Rin tlak le Midik tiah kawhmi a si. Thu a òhen tikah le ral a do tikah dingnak thawn a òhen ih a do a si.Ref 19.11 Ezk 1:1; Saam 96:13; Isa 11:4; 12 A mit tla cu meisa bangtukin a alh ih a lu parah bawi lukhuh tampi a khum. A parah a hmin ngan cia in a um, asinain amah siar lo zohman in cuih hmin cu an thei lo.Ref 19.12 Dan 10:6; 13 A hnipuan hrukmi cu thisen sungih hnimmi a si. A hmin cu, “Pathian Thu,” ti a si. 14 Vancung ralkap pawl in patzai ih tahmi puan raang thiang hruk in le rang raang parah to tahrat in amah cu an thlun. 15 A kaa sung ihsin a hriam zetmi ralnam pakhat a ra suak ih cumi thawn miphun tampi a neh ding. Thirfung thawn a uk dingih Ziangkimtithei Pathian thinhennak cu sabit rialnak sungih sabit an pal bangin a pal ding.Ref 19.15 Saam 2:9; Isa 63:3; Joe 3:13; Thup 14:20; 16 A puan parah le a kawng ah hmin an ngan ih, “Siangpahrang hmuahhmuah lakih Siangpahrang sin, bawi hmuahhmuah lakih Bawi bik,” ti a si.
17 Cule vancungmi pakhat ni parih a din kha ka hmu. Van ih a zammi vate hnenah aw ring zet in a au ih, “Pathian ih puai tumpi a tuah dingmi kha ra zawh khawm uh.Ref 19.17-18 Ezk 39:17-20; 18 Ra uhla siangpahrang pawl, ralkap hotu bawi pawl, ralkap pawl, rang le rang totu pawl, mi hmuahhmuah, sal siseh, miluat siseh, mitum siseh, mite siseh, cupawl ih sa ra ei uh,” tiah a ti.
19 Cule sahrang le leilungtlun siangpahrang pawl le an ralkap pawl cu rang parih a totu le a ralkap pawl do dingah hmunkhat ah an khawm aw. 20 Sahrang cu an kai ih a mithmuh ah hmuhsaknak mak tampi a tuahtu profet deu khal an kaih cih. Cuih khawruahhar a tuahnak in sahrang hminsinnak a kengtu le sahrang lem a betu pawl cu a bum. Sahrang le profet deu cu hmunkhat ah kaatmei thawn a alh ringringmi meilipi sungah an nungcung in an hlon.Ref 19.20 Thup 13:1-18; 21 An ralkap pawl cu rang parih a totu pa ih kaa sung ihsin a suakmi ralnaam in an that. Cule an sa cu vate hmuahhmuah in an ei thei zat in an ei.