16
Pathian Thinhennak Kheng
1 Cule biakinn ihsin aw ring ka thei ih vancungmi pasarih hnenah, “Feh uhla Pathian thinhennak kheng pasarih kha leilung ah vun thle uh!” tiah a ti.
2 Pakhatnak vancungmi a feh ih a kheng cu leilung ah a thlet. Sahrang hminsinnak a neitu le sahrang lem a betu pawl taksa parah òihnungza le a na zetmi hmasia a suak.Ref 16.2 Suah 9:10;
3 Cule vancungmi pahnihnak in a kheng cu tifinriat parah a vun thlet. Tidai cu miruak ihsin a suakmi thisen bangtuk ah a cang ih tifinriat sungih a nungmi hmuahhmuah an thi òheh.
4 Cule vancungmi pathumnak in a kheng cu tiva le cerhtiput parah a thlet ih tidai cu thisen ah an cang òheh.Ref 16.4 Suah 7:17-21; Saam 78:44;
5 Tidai tlunih thuneitu vancungmi in, “Hi na thuòhennak pawl hi a dikmi an si, Maw a Thianghlimmi, atu ih a ummi le hlan khalah a rak um zomi Pathian!
6 Mithiang pawl le profet pawl thisen an suahter ruangah an in dingah thisen na pekmi hi in tlak hrimhrim an si,” tiah a ti.
7 Biakòheng ihsin aw pakhat ka thei ih, “ Bawipa, Ziangkimtithei Pathian! Na thu relcatmi hi a dikmi le a dingmi an si!” tiah a ti.
8 Cule vancungmi palinak in a kheng cu ni parah a thle ih minung kang dingah thu a pek.
9 Ni in a kang hai ruangah minung pawl in hi hremnak tlunih thuneitu Pathian ih hmin kha an camriam ciamco. Asinan an sualnak ihsin an sir lo ih Pathian khal thangòhatnak an pe cuang lo.
10 Cule vancungmi panganak in a kheng cu sahrang ih bawi tohkham parah a thlet. Sahrang ih uknak khuazakip ah thimkhawzing a tlung ih minung pawl cu an tuarmi a nat tuk ruangah an lei an keu ciamco.Ref 16.10 Suah 10:21;
11 An nat le an hma ruangah vancung Pathian cu an cam an riam. Asinan an thilsual tuahmi cu an sir aw cuang lo.
12 Cule vancungmi paruknak in a kheng cu Eufrates tivapi parah a thlet. Tiva cu a kang òheh; cumi cu nisuahlam ihsin a ra dingmi siangpahrang pawl hrang lamzin ongtu a si.Ref 16.12 Isa 11:15;
13 Cule butlak bangtuk a simi thlarau borhbah pathum ka hmu. Rulhreng kaa sung le sahrang kaa sung le profet deu kaa sung ihsin a suakmi an si.
14 Cupawl cu hmuhsaknak mak a tuahtu khawsia thlarau an si. Cuih thlarau pathum cu an feh ih leilungtlun siangpahrang hmuahhmuah hmunkhat ah an hruai khawm. Cutiih an hruai khawmnak cu Ziangkimtithei Pathian ih Ni sunglawi ni ah raldo dingah a si.
15 “Zoh hnik! Fifir bangin ka ra ding. Misenpi hmaiah taklawng le ningzak ih an um lonak dingah itthat lo tein a meng ih a hnipuan a fingkhawitu cu mi lungawi an si,” tiah Bawipa in a ti.Ref 16.15 Mat 24.43-44; Luk 12.39-40; Thup 3:3;
16 Cule thlarau pathum in siangpahrang pawl cu Hebru òong in Armageddone 6:16 Armageddon timi hi Hebru òong in “Megiddo Tlang” tican a si. an timi hmunah an hruai khawm.Ref 16.16 2 Siang 23:29; Zek 12:11;
17 Cule vancungmi pasarihnak in a kheng cu thli lakah a thlet ih Siangpahrang tohkham umnak biakinn sung ihsin aw pakhat a ra thang ih, “A cem zo,” tiah a ti.
18 Cutikah nimthla a kau zukzo, khua a ri durdo, òek a tla ciamco ih tuksumza ling a hnin. Minung um hramthok ihsin cubangtuk linghnin a um dah lo. Linghnin hmuahhmuah lakah a besia bikmi a si.Ref 16.18 Thup 8:5, 11:13, 19;
19 Khuapi tum zet cu òhenthum ah a kuai ih ramdang ih khuapi hmuahhmuah khal a siatsuah òheh. Pathian in a nasami Babilon cu a hngilh lo ih a khuathai ih a thinhennak sabitti a inter.Ref 16.19 Isa 51:17;
20 Tikulh hmuahhmuah an hlo ih tlang hmuahhmuah an cemral òheh.Ref 16.20 Thup 6:14;
21 Rial tum zetzet, pakhat ah pawng zakhat tiang a ritmi rial van ihsin minung parah an tla. Cutiin hremnak an tuar ruangah mi in Pathian an cam an riam, ziangahtile an tuarmi natsia cu tuksumza a si.Ref 16.21 Suah 9:23; Thup 11:19;