15
Vancungmi Le Natsia Netabik
1 Cule van ah a dang khawruahharza le a maksakmi hmuhnak ka nei lala. Vancungmi pasarih in natsia pasarih an keng; hi natsia cu a netabik hremnak an si, ziangahtile Pathian thinhennak a lang netnak a si.
2 Cule ka zoh ih meisa thawn a rawi aw mi thlalang, tifinriat bangtuk a simi ka hmu. Cuih tlunah sahrang le a lem siseh, a nambat ai awhtu siseh, a nehtu pawl khal siseh, ka hmu. Cuih nehtu pawl cu thlalang tifinriat kapah an ding ih Pathian pekmi òingòang an keng.
3 Pathian riantu a simi Moses ih hla le Tuufa ih hla cu hitiin an sak:
“ Bawipa, Ziangkimtithei Pathian,
Na thiltuahmi hi ziangtluk
mangbangza so an si.Ref 15.3 Suah 15:1;
Miphun hmuahhmuah ih Siangpahrang,
Na lamzin cu ziangtluk a dingmi le
a dikmi so an si.
4 Bawipa, nangmah a lo òihzah lotu
zoso a um ding?
Na maksak zia a phuang lotu
zoso a um ding?
Nangmah lawng na thianghlim a si.
Miphun hmuahhmuah na hnenah
an ra dingih an lo bia ding.
Ziangahtile a dikmi na thil tuahmi cu
mi hmuahhmuah in an hmu zo.”Ref 15.4 Jer 10:7; Saam 86:9;
5 Cuih hnuah vancung ah a ong aw mi biakinn ka hmu ih a sungah Puanthlam Thianghlim khal ka hmu.Ref 15.5 Suah 38:21;
6 Natsia pasarih a kengtu vancungmi pasarih cuih biakinn sung ihsin an ra suak; annih tla cu a tleu zetmi puan raang thawn an thuam aw ih sui òaangkhap thawn an òaang an khap aw.
7 Cule thilnung pali lakah pakhat in kumkhua in kumkhua tiang a nungmi Pathian ih thinhennak in a khatmi sui kheng pasarih cu vancungmi pasarih hnenah a pek.
8 Biakinn cu Pathian huham le sunlawinak meikhu in a khat ih vancungmi pasarih in an kenmi natsia pasarih a reh hlanah cun zohman biakinn sungah an lut thei lo.Ref 15.8 Suah 40:34; 2 Siang 8:10-11; 2 San 5:13-14; Is 6:4;