13
Sahrang Pahnih
1 Cule tifinriat sung ihsin sahrang a hung suak ka hmu. Ki pahra le lu pasarih a nei; a ki parah cun siangpahrang lukhuh pakhat fingfing an khum ih a lu parah Pathian hmuhsuamnak hmin pakhat fingfing an um.Ref 13.1 Dan 7:3; Thup 17:3, 7-12;
2 Cuih sahrang cu tlavang a bang; a ke cu savom ke bangtuk a si ih a kaa cu kiosa kaa bangtuk a si. Rulhreng in a neihmi a huham, a siangpahrang tohkham le a thuneihnak maksak cu a pek.Ref 13.2 Dan 7:4-6;
3 Sahrang ih lu pakhat cu thihpi tlak besia zet ih hriammi a bang, asinain a cuih a hriamhma cu a dam. Leilung pumpuluk an mang a bangih sahrang cu an thlun.
4 Rulhreng in a thuneihnak sahrang hnenih a pek ruangah mi hmuahhmuah in rulhreng cu an biak. Cule sahrang khal an biak thotho ih, “Sahrang a bangtu zoso a um? Zo in so a do thei ding?” an ti.
5 Sahrang cu Pathian hmuhsuamnak le hminsiatnak thu kha puarthau zet in rel thei dingah an on ih thla sawmli le thla hnih sung thuneih theinak khal on a si.Ref 13.5-6 Dan 7:8, 25, 11:36;
6 Cuticun Pathian le a hmin, a umnak hmun le vancung ih a ummi hmuahhmuah kha sahrang cun a camriam ciamco.
7 Cuih tlunah Pathian ih minung pawl do dingah le neh dingah caan an on ih hrin kip, ram kip, òong kip, le phun kip tlunah thuneihnak an pek.Ref 13.7 Dan 7:21;
8 Cuticun leilungtlun mi hmuahhmuah in sahrang cu an bia ding; asinain leilung sem hlan ihsin nunnak cabu sungih hmin khum cia mi pawl cun an bia lo ding; cuih nunnak cabu cu thah a simi Tuufa ih ta a si.Ref 13.8 Saam 69:28;
9 “Theihnak hna nan neih asile ngai uh!
10 Sal ih kaih ding ti cia mi cu kaih an si dingih ralnam ih thah ding ti cia mi cu thah an si ko ding. Hibangtuk caan ah Pathian minung pawl in thinsau zet ih tuar theinak le rin tlak sinak an langter a òul ngaingai.Ref 13.10 Jer 15:2, 43:11;
11 Cule sahrang dang pakhat leilung sung ihsin a hung suah ka hmu. Cuih sahrang in tuufa ki bangtuk ki pahnih a nei ih rulhreng bangin a òong.
12 Sahrang pakhatnak ih a neihmi a nasa zetmi thuneihnak kha a mithmuh rori ah a hmang. Thihpi tlak hriamhma a pu nain a hma a dam zomi a pakhatnak sahrang cu leilung le leilungtlun ih a ummi hmuahhmuah in an biak dingah a hnek ciamco hai.
13 Hi sahrang pahnihnak in a mak ngaingaimi khawruahharza an tuah. Mi hmuahhmuah ih mithmuh ah van ihsin leilung ah meisa a tlakter.
14 Cule pakhatnak sahrang mithmuh rori ih khawruahharza tuah theinak thu an pek ruangah leilungtlun ih a ummi minung hmuahhmuah a bum thei a si. Ralnam hriamhma a pu nain a nung thothomi sahrang upatnak ah amah ih zuklem tuah dingah thu a pek.
15 Sahrang pakhatnak lem sungah nunnak thaw thawlut dingah sahrang pahnihnak cu thu an pek ih cuticun a lem cu a òong thei ih tlunah amah a bia lotu pawl kha a that òheh.
16 Cuih sahrang in mi hmuahhmuah, mitum siseh, mite siseh, milian siseh, mifarah siseh, sal siseh, miluat siseh, an vorhlam kut ah asilole an cal ah hramhram in hminsinnak a tuah.
17 Cuih hminsinnak an neih lo ahcun zianghman an zuar thei lo ih an lei thei fawn lo; cuih hminsinnak cu sahrang hmin asilole sahrang hmin ai ih hmanmi nambat a si.
18 Hi zawn ahhin fimnak hman a òulzet. Fimnak a neitu in sahrang nambat ih tican cu an tuat thei, ziangahtile cuih nambat cu mi pakhat hmin ai ih hmanmi a si ih, a nambat cu zaruk sawmruk le paruk a si.d 13:18 A nambat cu zaruk sawmruk le paruk a si: timi hi a sawh duhmi cu Rom Siangpahrang Emperor Nero a si thei; ziangahtile a hmin ngai “Nero Caesar” cu Grik cafang ihsin Hebru cafang ih leh tikah (666) a kim. Nambat 7 hi a famkim nambat a si tiah an ruat ih (6) cu a famkim lo ti in an zum. Curuangah 666 cu a famkim lo pittawp ti duhnak a si thei.